Joshua 1:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Kirobo re avwanre mu ọghọ kẹ Mosis vwi kemu kemu na, ọtiọye avwanre ji mu ọghọ kẹ wẹ, takpe e jẹ Ọrovwohwo Ọghẹnẹ wẹn nene uwe dia, kirobo rọ vi Mosis diarọ.

Joshua 1:17 Referans Kwoze

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

1 Ivie 1:37

Kirobo rẹ Ọrovwohwo vẹ ọrovwovwe ovie herọ na, ọtiọye ọ vẹ Solomọn je dia rhe, ko ru ekete rọye rho nọ ekete rẹ ọrovwovwe Ovie Devid.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Matiu 21:9

Usun rẹ ihwo ri nenire vwẹ obaro vẹ obuko, de kuvwie, Hozana kẹ Ọmọ ri Devid; Ebruphihọ kẹ ohwo rọ rhere vwẹ odẹ rẹ Ọrovwohwo; Hozana vwẹ asan ro kpenu.

Une rẹ Ejiro 20:9

Vwẹ obọẹkparọ kẹ ovie, E Ọrovwohwo, nyo avwanre vwẹ ọke mi de se.

Une rẹ Ejiro 20:4

E jọ vwẹ obọ rẹ udu wẹn guọnọre kẹ wẹ, ro ru iroro wẹn ejobi gba kẹ wẹ!

Une rẹ Ejiro 20:1

Ọrovwohwo kpahe kẹ wẹ vwẹ ẹdẹ rẹ ukpokpogho! Odẹ rẹ Ọghẹnẹ ri Jekọp chochọ wẹ!

1 Ikun rẹ Ivie 28:20

Etiyin Devid da ta kẹ Solomọn rẹ ọmọ rọye, Gan oma wo yivwaro wo ruo, Wọ djẹ oshọ-ọ, wo je emu guegue uwe-e; kidie Ọrovwohwo Ọghẹnẹ rọ dia Ọghẹnẹ mẹ na, vẹ owẹ herọ. Ọ phiẹn wẹ-ẹ eyẹ ọ sen wẹ-ẹ, bẹsiẹ rẹ iruo rẹ uwevwi rẹ Ọrovwohwo na ejobi vwo re.

1 Samuẹl 20:13

Ẹkẹvuọvo ọ da dianẹ ọsẹ mẹ guọnọ owẹ ruẹ emu ọgangan, Ọrovwohwo ru ọtiọye kẹ Jonatan, ọ rọ rhonọ ọtiọye rhe, ọ da dianẹ me vwẹ rọ phia kẹ wẹ-ẹ, ri mi de sun we kpo, rere wọ vwọ yanran egbẹrhẹnẹdẹ, Gbe jẹ Ọrovwohwo nene uwe dia, kirobo rọ vẹ ọsẹ mẹ gba herọ.

Joshua 1:16

Ayen da kpahe kẹ Joshua, Obo wọ ta kẹ avwanre ejobi ọye avwanre ru, kasan kasan wo ji avwanre ra ọye avwanre ra.

Joshua 1:18

Kohwo kohwo ro gbe kpahe urhi wẹn na ro rhe mu ọghọ kẹ ota wẹ-ẹn, kurhi kurhi ri wo ji kẹ, ka teyọ hwe. Takpe goma re wo yivwaro ọvo.

Ukeri 27:18

Ọrovwohwo da ta kẹ Mosis, Reyọ Joshua rẹ ọmọ ri Nun, ohwo rẹ erhi evun rọye re wọ ghwẹ obọ wẹn kpahọ;

Ukeri 27:20

Ku wọ vwẹ ogangan wẹn na evo vwọ kẹ, rere ukoko rẹ ihwo rẹ Izrẹl na sa vwẹ ọghọ kẹ.

Urhi Rivẹ 34:9

Erhi rẹ aghwanre kẹ rhe vọn Joshua rẹ ọmọ ri Nun oma, kidie Mosis da ghwẹ abọ rọye kpahọ uyovwi; eriyin re ihwo rẹ Izrẹl de nyo ota rọye, kirobo rẹ Ọrovwohwo ji urhi kẹ Mosis.

Joshua 4:14

Vwẹ ẹdẹ yena Ọrovwohwo da kpare Joshua kpenu vwẹ obaro rẹ ihwo rẹ Izrẹl ejobi; kẹ ayen mudia phariẹ kẹ, kirobo rẹ ayen mudia phariẹ kẹ Mosis, vwẹ ẹdẹ rẹ akpọ rọye ejobi.

1 Samuẹl 17:37

Devid da ta, Ọrovwohwo ro sivwi vwe nẹ ẹkuobọ rẹ okpohrokpo kugbe ẹkuobọ rẹ okorhi na, ko ji sivwi vwe nẹ obọ ri Filistia nana. Sọl da ta kẹ Devid, Yanran, Ọrovwohwo nene uwe dia.

2 Samuẹl 14:17

Ọmọtẹ wẹn de roro nẹ, Ota rẹ ọrovwovwe ovie kọ nẹrhẹ oma fuvwe; kidie ọrovwovwe ovie họhọ amakashe rẹ Ọghẹnẹ ro vughe emuesiri vẹ obrabra; Ọrovwohwo rẹ Ọghẹnẹ nene uwe dia.