Jona 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Oshọ de rhi mu ihwo ri biẹ okọ na, dohwo dẹdjọ rọye ki kperẹ se; kẹ ayen kpare eghwa re hẹ evun rẹ okọ na phihọ abadi na rere ọ vwọ pharhe kẹ ayen. Ẹkẹvuọvo Jona da yanran kpo ẹtan rẹ okọ na vwẹ obotọ re shevwerhẹ, ovwerhẹ de muo kokodo.

Jona 1:5 Referans Kwoze

1 Ivie 18:26

Ayen da reyọ erhuẹn na, ayen da va, ayen de se odẹ ri Baal nẹ irhiọke te oghẹruvo, tanẹ, E Baal nyo avwanre Ẹkẹvuọvo e nyo urhuru ọvuọvo-o, ohwo ọvuọvo nyori-i. Ayen de pho kreikrei riariẹ agbada rẹ ayen soro na.

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

1 Samuẹl 24:3

Ọ de rhi te asan ogba rẹ igegede vwẹ idjerhe, asan rẹ emwa epha; Sọl da vwẹriẹ etiyin re rovwoma. Asakiephana Devid vẹ ihwo rọye tidia vwẹ obo ẹtan rẹ ẹmwa na.

Iguẹdjọ 16:19

Aye na da riẹriẹ phihọ ọvwerhẹ vwẹ awọ rọye; o de se ọshare ọvo rhe re waren osunsun ighwrẹn rẹ ẹto rẹ uyovwi rọye ejobi no. Aye na de muohọ elaghọ, ogangan rọye de vrẹn no oma.

Iruo rẹ Iyinkọn na 27:38

Ọke rẹ ayen vwọ re evun vọn nu, ayen de mu eghwa nẹ okọ na, a da kpare ayen phiho evun rẹ abadi.

Matiu 26:45

Ọ da rhoma bru idibo na rhe, ọ da ta kẹ ayen nẹ, Wa gba vwerhẹ we rovwoma; nighe ọke na tere, a shẹ ọmọ rẹ ohwo kẹ iruimwemwu nure.

Matiu 26:43

O de rhivwi rhe rhe mrẹ ayen re vwerhẹ, kidie ovwerhe sun ayen hwe.

Matiu 25:5

Ọpha na gbe fobọ rhe-e, ikọpha na da vwerhẹ re.

Jona 1:16

Etiyin oshọ rẹ Ọrovwohwo de mu ihwo na gangan, ayen de ze izobo kẹ Ọrovwohwo ayen de ve ive kẹ.

Jona 1:14

Etiyin ayen de kperi se Ọrovwohwo, Avwanre rẹ wẹ, E Ọrovwohwo, wo jẹn avwanre ghwẹ fiki rẹ ohwo nana-a, wo mu oghwa rẹ ọbara rẹ ekun nana nyẹ avwanre-e; Kidie wọwe, E Ọrovwohwo ri ru obo ri je we.

Jona 1:6

Ọtiọye na olotu rẹ okọ na da rhe ọ da ta kẹ, Die wo roro, we oghwovwerhẹ na? Vrẹn, se ọghẹnẹ wẹn, Ọkeọvo ọghẹnẹ wẹn me chọ avwanre uko, rẹ avwanre de je ghwo.

Hosia 7:14

Ukpere rẹ ayen nẹ ubiudu bru vwẹ rhe-e, ẹkẹvuọvo ayen di beroma vwẹ enu rẹ ehwa rayen, fiki rẹ eka vẹ idi kọye ayen vwo mu eta ta, ayen mu kpahe ovwẹ.

ỌBE RẸ JOB 2:4

Etiyin Ẹdjọ da kpahe kẹ Ọrovwohwo, Ohọroma a vwọ hwa osa rẹ ohọroma! Obo rẹ ohwo vwori ejobi ọ vwọ hwa osa rẹ urhuarho rọye.

Une rẹ Ejiro 107:25

Kidie o ji urhi, odju rẹ oseghe o de dju, rọ kpare oseghe re abadi na kpenu

Une rẹ Ejiro 148:8

erhanre vẹ ibiosio rẹ erhanre vẹ imicho ogiribo yọnrọn urhi rọye!

Aghwoghwo 3:6

ọke ra vwọ guọnọ vẹ ọke ri vwo ghwrẹ nẹ obọ; ọke ra vwọ vwẹ ẹro te vẹ ọke re vwo kuẹfia;