Jona 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹkẹvuọvo Ọrovwohwo da vwẹ aphopho rode rhe abadi na, o kpo ogiribo de rhi dju vwẹ abadi na, okọ na ko muegbe rọ vwọ bẹrẹ.

Jona 1:4 Referans Kwoze

Emọs 4:13

Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.

Une rẹ Ejiro 135:7

Ọye ri ruẹ egho na ro vwo mu vwẹ obo oba re otọ na, ro ru enuẹnyavwọ kẹ osio ọ da reyọ odju nẹ urhuẹn rọye rhe.

Ẹyano 10:19

Ọrovwohwo da reyọ odju ọgangan nẹ obuko ọnre rhe, ọ da kpare ebaka na kpenu o de re dju ayen phihọ Abadi ọvwavware na; kaka ebaka ọvuọvo gbi chekọ vwẹ otọ tẹ Ijipt na-a.

Ukeri 11:31

Ọke yena odju de rhi dju nẹ obọ rẹ Ọrovwohwo rhe, ọ da ghwẹ enyavwoto nẹ obo abadi rhe, i de rhi she muotọ vwẹ oma rẹ erhọn na, ro sheri te oyan rẹ ẹdẹ ọvo vwẹ ẹbẹre nana, kugbe oyan rẹ ẹdẹ ọvo vwẹ ẹbẹre rivẹ, riariẹ erhọn na, o de vwo ọkpan ro te oma ri kubit ivẹ nẹ otọ rhe.

Ẹyano 15:10

Wo de dju odju wẹn rhe, abadi na de rhurhu ayen; ayen de divwi kerẹ odje vwẹ evun rẹ ame rode na.

Ẹyano 14:21

Mosis da riẹn obọ rọye phihọ abadi na; Ọrovwohwo da djẹ abadi na kpo uko vwẹ odju ọgangan ro dju nẹ obaro ọnre rhe vwẹ ason na ejobi, o de ru abadi na kpọ yamu, ame na da ghare.

Ẹyano 10:13

Ọtiọye na Mosis da riẹn ọkpọ rọye phihọ otọ rẹ Ijipt na, Ọrovwohwo de dju odju nẹ obaro ọnre rhe otọ na vwẹ ẹdẹ yena vẹ ason yena; rẹ ọke rhi vwo rhie odju rẹ obaro ọnre da ghwẹ ebaka na rhe.

Une rẹ Ejiro 135:6

Obo ri jẹ Ọrovwohwo ọye o ruẹ, vwẹ odjuvwu vẹ akpọ na, vwẹ evun re abadi vẹ ikokodo ejobi.

Jerimaya 51:16

O de rhie urhuru rọye edọ rẹ ame kọ dia vwẹ idjuvwu, ọ me nẹrhẹ evwru mu nẹ oba rẹ akpọ na rhe. O de ru enu ẹnyavwọ kẹ osio, ọ da vwẹ odju nẹ ighẹn rọye rhe.

Une rẹ Ejiro 148:8

erhanre vẹ ibiosio rẹ erhanre vẹ imicho ogiribo yọnrọn urhi rọye!