Joẹl 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Die ovwan epha kẹ vwẹ, E Taya vi Sidọn, kugbe ubrakpọ ri Filistia ejobi? Wọ rhoma hwa osa kẹ vwẹ fiki rẹ emuọvo? Ọ da dianẹ wọ rhoma hwa osa kẹ vwẹ, ye Me cha nọ ekpẹn rẹ uruemu wẹn vwẹ uyovwi wẹn kpata kpata.

Joẹl 3:4 Referans Kwoze

Jerimaya 47:4

fiki rẹ ẹdẹ rọ cha guọghọ ihwo rẹ Filistia ejobi, rọ che bru kufia ni Taya vi Saidọn kọchuko kọchuko ro che chekọ. Kidie Ọrovwohwo herọ ghwọrọ ihwo ri Filistia, umuku ri chekọ vwẹ erhuru ri Kaftọ.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Aizaya 34:8

Kidie Ọrovwohwo bru ẹdẹ re ihri rọye nure, ukpe re ọsa ehwa fiki re ọbo re ru ke Zayọn.

2 Tẹsalonaika 1:6

rẹ Ọghẹnẹ vwo roro nẹ o fori rere ọ vwẹ oja re ayen otu ri gbe oja kẹ ovwan ria na,

Iruo rẹ Iyinkọn na 9:4

O de she teye otọ o de nyo urhuru ọvo rọ ta kẹ, Sọl, Sọl, die sorọ wo vwo mu uvwe?

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Matiu 11:21

Iraghwo korazini Iraghwo Betsaida kidie e ru iruo ride nana vwi Taya vi Sidọn, re ruru vwẹ evun rẹ ovwan na, mane ayen kurhẹriẹ rhabae, rẹ ayen de bru oma vwọ iwurhie.

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

2 Ikun rẹ Ivie 21:16

Ọrovwohwo da rhe kpare ophu rẹ ihwo ri Filistia vwọ so Jehoram kugbe ihwo rẹ Arebia re dia kẹre Itiopia;

Iguẹdjọ 11:12

Etiyin Jẹfta de ji ikọn bru ovie rẹ ihwo rẹ Ammọn tanẹ, Die mi ru we wọ cha vwọ họnre ovwẹ vwẹ evun rẹ otọ mẹ?

Urhi Rivẹ 32:35

Ihri ẹriọ ọmẹ mẹvwẹ re hwa osa ọke rẹ owọ rayen da ghworiẹ kidie ẹdẹ rẹ okpetu rayen sikẹre re, ughwu rayen cha kpregede.

Matiu 11:22

Ẹkẹvuọvo me ta kẹ ovwan nẹ, o yovwi kẹ Taya vẹ Sidọn vwẹ ẹdẹ rẹ edjọeguo vwọ nọ wẹ.

Iyẹnrẹ Esiri ri Luk 10:13

Ekan kẹ wẹ, Korazin! ekan kẹ wẹ, Bẹtsaidai Ọ dianẹ iruo ride nana re ru vwẹ evun wẹ na ke ru ayen vwi Taya vi Saidọn, manẹ ayen kurhẹriẹ rhabae, rẹ ayen de rhuo esiso bru oma phihọ iwurhie.

Iyẹnrẹ Esiri ri Luk 10:14

Ẹkẹvuọvo o yovwi vwẹ ẹdẹ rẹ ẹdjọeguo kẹ Taya kugbe Saidọn vwo nọ wẹ.

Aizaya 14:29

Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Jerimaya 47:1

Ota rẹ Ọrovwohwo ro bru Jerimaya rẹ ọmraro na rhe kpahe ihwo ri Filistia, tavwe ri Fero ki hwe Gaza.

Joẹl 2:2

ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Joẹl 2:10

Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.