Joẹl 3:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọrovwohwo de do nẹ Zayọn rhe, urhuru rọye da mra nẹ Jerusalẹm rhe, odjuvwu vẹ akpọ na de mu kpogho Ẹkẹvuọvo Ọrovwohwo hẹ odjahọ kẹ ihwo rọye, ogba ọgangan kẹ ihwo rẹ Izrẹl.

Joẹl 3:16 Referans Kwoze

Emọs 1:2

Ọ da ta: Ọrovwohwo na do ni Zayọn rhe, Ọ da ta ota ni Jerusalẹm rhe, egbri re isuigodẹ na muoma phihọ, enu ri ugbenu ri Kamẹl vwiori.

Hegae 2:6

Kidie enẹ Ọrovwohwo rẹ otuofovwi na tare: Chekọ esiẹvo, vwẹ ọmọke krẹ emerha, ki mi che kpogho odjuvwu na kugbe akpọ na kugbe abadi na kugbe otọ ọyaya na;

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Izikiẹl 38:19

Kidie vwẹ omẹriọ mẹ kugbe evun rẹ ophu ọtuatua mẹ, me da ta, Vwẹ ẹdẹ yena ekpogho rode kọ cha dia otọ rẹ Izrẹl.

Aizaya 51:16

Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Une rẹ Ejiro 61:3

Kidie wẹ odjahọ mẹ, ogba ọgangan vwọ hẹrhẹ ivwighrẹ.

Ẹvwọphia 16:18

Enu da nyavwaro, urhuru de kperi, agbrara da van, otọ de rhi mu kpogho gangan ra je mrẹ oghẹre rọye vwẹ akpọ na dẹvo-o, ọtiọye otọ na kpogho rho te.

Une rẹ Ejiro 18:2

Ọrovwohwo na oragha mẹ, kugbe egbe mẹ, kugbe osivwi mẹ, Ọghẹnẹ mẹ, oragha mẹ, evun wẹn me da djahe, ekpọfia mẹ, kugbe ighoro re esivwo mẹ, asan ọgangan mẹ.

Aizaya 33:16

Kọ cha dia asan ro kpenu; asan ekpọfia rọye ọye uwevwi rẹ oragha, a vwe emuọre rọye ke, ame rọye ro da omuero

Une rẹ Ejiro 29:11

E jẹn Ọrovwohwo vwẹ ogangan kẹ ihwo rọye! E jẹn Ọrovwohwo vwẹ ufuoma bruphihọ kẹ ihwo rọye.

1 Samuẹl 15:29

Urinrin rẹ Izrẹl na sa vwọrọ efia-an eyẹ ọ rhẹriẹ-ẹ; kidie ọ dia ohwo rẹ akpọ, ro kuẹrhẹriẹ-ẹ.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

Ẹvwọphia 11:13

Vwẹ ọke yena otọ de mu kpogho gangan, ẹkẹne rẹ orere na de ghwie she; ihwo uriori ighwrẹ de ghwu vwẹ otọ ro kpoghori na, uguegue da ro i ri chekọ oma ayen da vwẹ urinrin kẹ Ọghẹnẹ rẹ Odjuvwu.

Hibru 12:26

Vwẹ ọke yena urhuru rọye ko kpogho akpọ na; ẹkẹvuọvo asakiephana o vẹri nure, Kẹ ẹsiẹvo ri chekọ o diane kẹ akpọ na ọvo mi che kpogho-o ẹkẹvuọvo ji te odjivwu rhe.

Zekaraya 10:12

Mi ru ayen goma vwẹ evun rẹ Ọrovwohwo ayen che vwo urinrin vwẹ ode rọye, Ọrovwohwo tare.

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Zekaraya 10:6

Me cha kẹ uwevwi ri Juda ogangan, mi ji che sivwi uwevwi ri Josẹf. Me cha ghwẹ ayen hirhe rhe fikiridie mi ni aruẹdọn rayen, ayen ke cha dia kerẹsiẹ rẹ a mrẹ nẹ Me je sen ayen dẹvo-o; kidie mẹvwẹ hẹ Ọrovwohwo Ọghẹnẹ rayen mi che nyo kẹ ayen.

Aizaya 33:21

Ẹkẹvuọvo Ọrovwohwo na ro vwo ọrho ọ vẹ avwanre obọ asan rọ vọnre ve irhie eliehere vẹ itọ ride, asan re ọkọ re inaweri je se te, eye ekpo re erhanre ride je sa wan.

Jerimaya 17:17

Wọ dia uguegue kẹ vwẹ-ẹ, wọwẹ hẹ asan odjahọ mẹ vwẹ ẹdẹ rẹ ukpokpogho.

Nahum 1:7

Ọrovwohwo na yoma, asan odjahọ vwẹ ẹdẹ rẹ ukpokpogho; ọ riẹn ihwo re djẹ sioma nu vwẹ evun rọye.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Zekaraya 9:12

Rhivwi kpo odjahọ wẹn, E ihwo re he uwodi ri iphiẹrohọ; nonẹ mi ghwoghwori nẹ mi ru ovwan akuava.