Joẹl 2:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Utuwevwi re de wuye cha vọn vẹ eka, Ukpotọ re de miẹ vain ke cha vọn mwavwe hwẹ vẹ vain kugbe evwri.

Joẹl 2:24 Referans Kwoze

Malakae 3:10

Wa gba ghwa ẹkẹ ihwe na ejobi rhe erhu mẹ, rere emuọre vọn uwevwi mẹ, rere wa davwe ovwẹ ni, eriyin Ọrovwohwo rẹ otuofovwi na tare; si mi gbi che rhie evakpo rẹ odjuvwu na phihọ kẹ wẹ ri mi de ku oburhuhu rẹ ebruphihọ mẹ kẹ ovwa-an.

Emọs 9:13

Nighere, ẹdẹ cha, eriyin Ọrovwohwo na tare, rẹ ovorivoro de che voro wan ihwo ri vuẹ orhọ rẹ ohwo ro chiyi edi da ra yan mu ohwo rọ kọn ibiedi, igbenu na ke cha djẹ ọkẹre rẹ udi rẹ ọmiẹmiẹ. igbenu rẹ itete na ejobi ki che hwerhe ọkẹre rọye.

Joẹl 3:18

Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Joẹl 3:13

Chọrọ oda rẹ ivuevun phihọ, kidie orhọ na ghwore. Ro evun rọye chiyo, kidie okọ ri vain na vọnre. ikpotọ na vọn mwavwe hwẹ, kidie umwemwu rayen rhoro gangan.

Livitikọs 26:10

Ovwan gbe cha sa re emu rẹ uhunhun rẹ ovwan re-e, ka cha ghwa emu rẹ uhunhun nẹ erhu rere a vwọ mrẹ asan ghwa emu rẹ orhọ re vun rhe phihọ.

Livitikọs 25:19

Otọ na ko yovwi emu, ovwan ke re evun vọn, ovwan ke dia vẹ ufuoma

Izikiẹl 36:8

Ẹkẹvuọvo wẹ. E igbenu rẹ Izrẹl, eghọn wẹn che yoro rhe, re da rhe mọ emamọ wẹn kẹ ihwo mẹ Izrẹl, kidie ayen cha rhe uwevwi nanana.