Joẹl 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ A ghwọrọ idju na ejobi fiotọ, otọ na muomahọ; fikiridie a ghwọrọ ọka na, udi na re fiotọ, Evwri na re beroma.

Joẹl 1:10 Referans Kwoze

Hosia 4:3

Fiki rẹ ọtiọye na otọ na de muoma phihọ, ihwo re dia otọ na ejobi oma re ro ayen, ọtiọye ji te eranvwe rẹ aghwa, kugbe ephran rẹ irharheghe, iyeri rẹ evun rẹ ame ghwrara e ji si ayen nọ.

Hosia 9:2

Utuwevwi re de wuye vẹ okọ ri vain gbe sa ghẹrẹ aye-en, udi ọkpokpọ ayen gbe cha mrẹ da-a.

Jerimaya 12:11

Ayen ruro phihọ ofefe, ofefe, o muomahọ kẹ vwẹ. E ru otọ na soso phihọ ofefe, ẹkẹvuọvo ohwo rọ dare herọ-ọ.

Joẹl 1:5

Vrẹn, ovwan igbaudu, re wa viẹ; we beroma, ovwan ihwo ejobi re da udi, fiki rẹ udi rọ miẹmiẹ, kidie e kuro kufia nẹ unu wẹn.

Hegae 1:11

Ke me vwẹ ọkarovwẹ rẹ ame rhe otọ na vẹ igbenu na, ọkarovwẹ rẹ ọka, ọ rẹ udi ọboba, ọ rẹ ọfigbo, ọ rẹ obo rẹ djẹ nẹ otọ cha, ọ rẹ enu rẹ ohwo vẹ eranvwe, ji kugbe owian rẹ obọ rayen ejobi.

Joẹl 1:12

Vain na re vwioro urhc ri fig na ra fa ẹbe Pomegranate, oriẹ, kugbe orhomrẹ, irhe rẹ aghwa na ejobi fa ẹbe re, omavwerhovwẹ gbe herọ kẹ emọ rẹ ihwo-o

Jerimaya 48:33

Omavwerhovwẹ vẹ aghọghọ a reyọ ayen yanran nẹ otọ oyoyovwi ri Moab; Mẹvwẹ re da iwani ji vwẹ asan re de mio, ohwo ọvuọvo rha vwẹ aghọghọ chiyi aye-en, edo na gbe dia edo rẹ aghọghọ-ọ.

Jerimaya 12:4

Mavo otọ na muoma phihọ krite, rẹ ẹbe rẹ aghwa na vwioro krite? fiki rẹ umwemwu rẹ otu re dia evun rọye, tẹ eranvwe vẹ emephran e hwerhe ayen kufia kidie ihwo tare nẹ, Ọ sa mrẹ oba rẹ avwanre-e.

Aizaya 24:11

Unuebo ọ hẹ ẹvun rẹ irhuvwu fiki ri wain rọ kanrẹ; aghọghọ ejobi te ovwọnvwọn rọye rẹ ọmavwerhovwẹ rẹ akpọ na reri kakare

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Jẹnẹsis 4:12

Wo de voro otọ na, o gbi che yovwi emu kẹ wẹ-ẹ, ku wọ dia ọvwisusu kugbe osoghoro vwẹ evun rẹ akpọ na.

Aizaya 15:6

ame ri Nimrim ayen djẹ fiotọ re kakare; odi vwiori, ekpokpọ gbe djẹ cha-a, odi djidji na gbe herọ-ọ

Aizaya 24:7

Wain muomahọ, irhe ri vain rọ brenu, ihwo rẹ oma vwerha ra fiunu.

Joẹl 2:19

Ọrovwohwo na de nyo ọ da ta kẹ ihwo rọye, Nighe, mi che vwo rhe we Ọka, udi, kugbe evwri, evun kọ cha vọn wẹ; mi gbi che ru we vwọ dia ehwẹjẹ vwẹ ohri re ẹgborho na ọfa-a.

Habakọk 3:17

Owenẹ urhe ri fig rha kpa ipho dede-e, eyẹ ibi gbe hẹ enu ri vai-in, rẹ urhe rẹ oliv gbe mọ-ọ re idju na gbi yovwi emu-u ro gbi vwo ekru rẹ eranvwe vwẹ erhu-u,

Malakae 2:3

Nighe, me cha ghwọ ku uvwiẹ wẹn, me cha vwẹ isọn ghworo uwe opharo; isọn rẹ ẹkpẹvwẹ wẹn na, ke me djẹ wẹ nu obaro mẹ.