Jerimaya 8:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ E se fuẹ ophu mẹ-ẹ, Udu mẹ herọ mwọga.

Jerimaya 8:18 Referans Kwoze

Uvwerhe 5:17

Fiki rẹ ọtiọna na udu rẹ avwanre kọ mwa ọga; fiki rẹ emu nana ẹro rẹ avwanre dje mu koi,

Jerimaya 6:24

Avwanre nyo ikun rọye, abọ re avwanre ke ghwrọghọ odjadja te avwanre unu, odjadja kerẹ aye rọ chuẹ uvwiẹ.

Aizaya 22:4

Fiki rẹ ọtiọye na me da ta. Wo gbi ni vwe-e, ju vwe viẹ oviẹ rọ yara; wọ lagha oma bru vwe uche-e fiki rẹ ẹghwọrọ rẹ emetẹ rẹ ihwo mẹ.

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

Une rẹ Ejiro 143:7

Jọphẹre kpahe kẹ vwẹ, E Ọrovwohwo! Oma ro erhi mẹ! Wo si opharo wẹn nẹ kẹ vwẹ-ẹ, Me da rha họhọ otu ri kpo obo Ukpotọ na.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Jerimaya 23:9

Vwọ kpahe emraro na: Udu mẹ guọghọre vwẹ evun me, ibeku mẹ ejobi kpoghori, Me họhọ ohwo rọ da udi rhe họhọ ohwo rẹ udi muẹ fiki rẹ Ọrovwohwo na kugbe fiki rẹ eta efuanfon rọye.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.