Jerimaya 7:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Jerimaya 7:34 Referans Kwoze

Ẹvwọphia 18:23

kugbe erhanre rẹ urhukpẹ ọ gbe la vwẹ evun wẹn ọfa-a; kugbe urhuru rẹ ọpha yẹ ọshare rọye e gbi nyo vwẹ evun wẹn ọfa-a; kidie ineki wẹn hẹ ikpihwo ride rẹ akpọ na, ka phiẹn ẹgborho na ejobi fiki rẹ aroẹmrẹ wẹn.

Hosia 2:11

Ki mi phi oba phihọ omavwerhovwẹ rọye, te erẹ rọye, tẹ ọtuphro rẹ emeranvwe rọye, ẹdidjala rọye, kugbe ẹdẹ rẹ orẹ re bruru.

Izikiẹl 26:13

Ihwehworo vẹ ine wẹn ke me da ayen ji, edo rẹ isorogun wẹn e gbi nyo ọfa-a.

Jerimaya 25:10

Ọ rọ ma rho, mi che si urhuru rẹ omavwerhovwẹ vẹ urhuru rẹ aghọghọ, urhuru rẹ oshare rẹ ọpha vẹ urhuru rẹ ọpha nẹ ayen obọ, ẹnọ rẹ elanọ vẹ elo rẹ urhukpẹ.

Jerimaya 16:9

Kidie enẹ Ọrovwohwo rẹ otuofovwi na tare, Ọghẹnẹ rẹ Izrẹl na, Nighe, mi che ru rere urhuru rẹ omavwerhovwẹ vẹ urhuru rẹ aghọghọ, urhuru rẹ ọshare rẹ ọpha kugbe urhuru rẹ ọpha de ghwru nẹ etine na, vwẹ aro rẹ ovwan na ejobi.

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Livitikọs 26:33

Ke Me cha hra ovwan ro irere na ejobi, eda re dje phihọ ako ejobi ke che yoro ayen phia fiki rẹ ovwan otọ na kọ cha dia ofefe, irere re ovwan ejobi ka kua ayen fiotọ.

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .

Jerimaya 4:27

Kidie enẹ Ọrovwohwo na tare, Otọ na soso cha dia ofefe, ẹkẹvuọvo me cha guọghọ totọ-ọ.

Aizaya 3:26

Inurhoro rọye ke cha viẹ ki muomahọ, a da ghwọrọ nure kọ broma phihọ otọ.

Jerimaya 33:10

Enẹ Ọrovwohwo tare. Etinẹ na re wa ta nẹ, o fefe ohwo herọ-ọ eyẹ kẹ eranvwe-e, vwe irere ri Juda vẹ irhuvwu ri Jerusalẹm ra kua fiotọ na, ri vwo ohwo-o eyẹ ohwo rọ dia-a eyẹ kẹ eranvwe-e,

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Une rẹ Ejiro 78:63

Erhanre da torhẹ imighene rayen, emetẹ rayen gbe so ine rẹ orọvwe-e

Jerimaya 22:6

Kidie enẹ Ọrovwohwo tare kpahe uwevwi rẹ ovie ri Juda: Wọ họhọ Giliad kẹ vwẹ, kerẹ enu ri Libanọn, dede na uyota mi che ru we phihọ aton, phihọ orere re jẹ dia.

Jerimaya 27:17

Wa kerhọn raye-en wa ga ovie ri Babilọn re wa rhọ. Die nẹrhẹ orere nana rhe dia ofefe?

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Uvwerhe 5:14

Ekpako na yan jẹ unu ra wa rua orere vwo; imighene je yan jẹ ihwehworo vwo.

ỌBE RẸ JOB 3:7

E, jẹn ason yena dia ofefe; e je nyo edo rẹ aghọghọ vwẹ ẹdẹ na-a.

Jerimaya 4:26

Mi vwo ni, me da mrẹ nẹ, otọ ro yovwe emu na kẹ aton, irere rọye ejobi hirhe phihọ erhurhu vwẹ obaro rẹ Ọrovwohwo vẹ obaro rẹ ophu ọtuatua rọyẹ.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Izikiẹl 7:11

Ozighi rhe rho hirhe phihọ ọkpọ rẹ uvumwemwu; ọvuọvo rọye che chekọ-ọ, eyẹ obuebu raye-en, eyẹ efe raye-en, eyẹ ohwo rode gbe dia ohri raye-en.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,