Jerimaya 7:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ke me djẹ ovwan nẹ obaro mẹ, kirobo me djẹ imoni rẹ ovwan kufia ye, uvwiẹ rẹ Ifrem ejobi.

Jerimaya 7:15 Referans Kwoze

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Hosia 13:16

Sameria kọ ghwa abe rọye, kidie o mu kpahe Ọghẹnẹ rọye, a cha vwẹ ọlọkọ hwe ayen, a cha vwẹ emọ rayen fa otọ hwe, ka cha bẹrẹ evun rẹ eya vẹ evun rhie phihọ.

Jerimaya 52:3

Ghine uyota fiki rẹ ophu rẹ Ọrovwohwo na eravwọ da rhe gbaphihọ vwi Jerusalẹm vi Juda te obo ro de phi ayen kufia nẹ obaro rọye. Zedikaya de rhi mu kpahe ovie ri Babilọn.

Ivie rẹ Ivẹ 17:23

bẹsiẹ rẹ Ọrovwohwo ri vwo si Izrẹl nẹ obaro rọye kirobo rọ wan oma rẹ idibo rọye emraro ejobi na ta. Kọye a da kua Izrẹl nẹ otọ rayen vwo kpo Asiria ra dia ighuvwu re te ẹdẹ ri nonẹ na.

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Hosia 9:9

Ayen gbe oma rayen ku putu putu kerẹ ọke ri Gibeah; kọ karohọ orukuruku rayen, kọ guọghọ imwemwu rayen.

Hosia 9:3

Ayen gbe cha dia otọ rẹ Ọrovwohwo na-a; ẹkẹvuọvo Ifrem che rhivwi kpo Ijipt, ayen ke re emu rijẹfuọn vwẹ otọ rẹ Asiria.

Hosia 1:4

Ọrovwohwo da ta kẹ, se odẹ rọye Jezrẹl, vwẹ ọmọke emerha, ke me cha vwẹ oja rẹ uwevwi ri Jehu fiki rẹ ọbara ri Jezrẹl, uvie rẹ uwevwi rẹ Izrẹl kọ vwo oba.

Jerimaya 23:39

ọtiọye na, gbe nighe, uyota me cha kpare owẹ kpenu mi de phi we nẹ obaro mẹ, wẹ vẹ orere re me kẹ wẹ vẹ esẹ wẹn na.

Jerimaya 3:8

Ọ riẹnre nẹ fiki rẹ igberadja rẹ Izrẹl, ohwo ọfafarhiẹ na, mi vwo si ọbe kẹ nẹ o kpo, dede na oshọ se mu oniọvo ofian rọye na Juda-a, ẹkẹvuọvo ekpuyovwi rọye da je yanran re gbe igberadja.

2 Ikun rẹ Ivie 15:9

O da ghwẹ Juda ejobi kugbe Bẹnjamin koko, kugbe ihwo ri nẹ Ifrem rhe, Manasse, kugbe Simiọn re kua bru ayen rhe re dia, kidie ihwo buebu kua nẹ Izrẹl bru ayen rhe rẹ ayen vwọ mrẹ ne Ọrovwohwo Ọghẹnẹ rọye vẹ ọye herọ.

Ivie rẹ Ivẹ 24:20

Kidie fiki rẹ ophu rẹ Ọrovwohwo na ọye o rhi vwo te asan rọ vwọ kpare Jerusalẹm vi Juda kufia nẹ obaro rọye. Zẹdikaya da vwẹ ẹghwọ so ovie ri Babilọn.

Ukeri 1:32

Ihwo ri Josẹf marho kẹ ihwo rẹ Ifrem, uvwiẹ rayen, oruorua rayen, unuwevwi rẹ esẹ rayen, kirobo rẹ edẹ rayen epha, nẹ ẹgbukpe uje kpenu, kohwo kohwo ro se kpo ofovwi:

Une rẹ Ejiro 51:11

Wọ djẹ vwẹ nẹ obaro wẹ-ẹn, wọ reyọ Erhi ọfuanfon wẹn na mie vwe-e.

Aizaya 7:16

Kidie bẹsiẹ rẹ ọmọ na vwo riẹn obo ra sian ọbrabra ra jẹn ọresiri, otọ rẹ ivie ivẹ na ri mu ovwan oshọ na, ke cha dia ofefe.

Jerimaya 9:19

Kidie enyo edo rẹ oviẹ vwi Zayọn: Mavọ a ghwọrọ avwanre te! Oma vọ avwanre tototo, fikiridie ma yan je otọ na vwọ, kidie ayen guọghọ ẹdia rẹ avwanre te otọ.

Izikiẹl 23:31

Idjerhe rẹ oniọvo wẹ neneri ọye wo ji nene na, fiki rẹ ọtiọye na ki mi phi uko rọye phihọ owẹ obọ.

Hosia 7:13

Ekan kẹ ayen, kidie ayen ghwru nẹ obọ mẹ! Ẹghwọrọ kẹ ayen kidie ayen mu kpahe ovwẹ! manẹ me tan ayen hirhe, ẹkẹvuọvo ayen mu efian bare ovwẹ.

Hosia 9:13

Emọ rẹ Ifrem, kirobo re me mrẹ na, a vwẹ ayen ze kẹ ughwu; Ifrem ọvo che sun emọ rọye ra teye hwe.

Jona 2:4

Etiyin me da ta a kpare ovwẹ kufia nẹ obaro wẹn, Komavọ me rhoma sa kpare opharo vwo ni uwevwi ọfuanfon wẹn na?

Jerimaya 23:33

Ọke rẹ ọvo vwẹ usun rẹ ihwo nana, eyẹ ọmraro ọvo, eyẹ orherẹn ọvo da nọ wẹ nẹ, Die tobọ hẹ oghwa rẹ Ọrovwohwo vwo? ku wo nyo kẹ ayen nẹ, ovwan oghwa na mi phi ovwan kufia, eriyin Ọrovwohwo tare.

Izikiẹl 33:25

Vwẹ ọtiọye na gba ta kẹ ayen, E nẹ Ọrovwohwo Ọghẹnẹ tare. Wọ ria uvwo vẹ ọbara, yọ wọ kpare opharo wẹn nẹ edjọ wẹn, yi wo suẹn ọbara; kọye wọ da cha re ughwẹ rẹ otọ na?