Jerimaya 6:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Jerimaya 6:20 Referans Kwoze

Aizaya 1:11

Die izobo obuebu rẹ ovwan na fi ke vwe? ọtiọye Ọrovwohwo tare, Izobo re egbo ra torhẹre bunọ kẹ vwẹ kugbe ivwri re eranvwe ra ghẹre, Oma rẹ ọbara re erhuẹn vwerha ovwẹ-ẹ eyẹ erẹ omogodẹ eyẹ ọrẹ ẹkpro dede.

Aizaya 60:6

Urogho rẹ iyesi ko rhurhu we pitiki, upene re iyesi ri Midian kugbe Ephah, otu ri Sheba ejobi cha rhe. Ayen cha ghwẹ oro vẹ adjija rhe, ayen ke che ghwoghwo urinrin rẹ Ọrovwohwo.

Une rẹ Ejiro 40:6

Izobo re zeri vẹ ẹkpẹvwẹ wọ guọnọre-e, ẹkẹvuọvo wọ kẹ vwẹ erhọn rọ rhie phihọ. Izobo rẹ ẹtorhẹ kugbe Izobo rẹ umwemwu wọ guọnọre-e.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Ẹyano 30:23

reyọ irienrien ri me yovwi: ọ rẹ ame rẹ adjija shekẹl ujori iyori ọ rẹ egẹn ro gbo ọnrhe ororo ujori ivẹ gbẹ ujuvẹ gbẹ ihwe, kugbe awọ rẹ erhẹvwo ujori ivẹ gbẹ ujuvẹ gbẹ ihwe,

Izikiẹl 27:22

Ineki ri Sheba kugbe Raamah vẹ owẹ chueki; ayen da vwẹ omamọ rẹ egẹ ri gbo ọnrhe ororo vwo wene oghwa rẹ eki wẹn, kugbe ibieragha re ma ghanre, kugbe oro.

Izikiẹl 20:39

Vwọ kẹ wẹ, E uwevwi rẹ Izrẹl, Enẹ Ọrovwohwo Ọghẹnẹ tare: Yanran re ohwo ọvuọvo ra gọ ẹdjọ rọye, asakiephana vẹ ọke rọ cha, ọ da dianẹ ovwan rha kerhọn mẹ-ẹ, ẹkẹvuọvo odẹ ọfuanfon mẹ na ovwan gbe vwẹ ekẹ wẹn kugbe ẹdjọ wẹn vwọ miovwo-o.

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

1 Ivie 10:10

Etiyin ọ da vwẹ talẹnt ujosan rẹ oro vwọ kẹ ovie, kugbe egẹn buebu, vẹ ibieragha eghaghare; egẹn obuebu tiọnana rhe bru ovie Solomọn rhe ọfa-a nọ ọ rọ ovie rẹ aye ri Sheba na vwọ kẹ-ẹ.

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Isẹ 21:27

Izobo rẹ ohwo umwemwu ẹgua ọ dia, komavo ọ dia ọ da dianẹ ọ vwẹ ọnko ze.

Jerimaya 14:10

E nẹ Ọrovwohwo ta kpahe ihwo nana: Ayen guọnọ suosuo ọtiọna, ayen sa da awọ rayen ji-i, ọtiọye na Ọrovwohwo gbe reyọ aye-en asakiephana kọ karohọ imwemwu rayen kọ vwẹ oja re ayen fikirẹ imwemwu rayen.

Jerimaya 14:12

Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Hosia 9:4

Ayen gbe jẹ udi ku Ọrovwohwo ọfa-a; ayen gbe sa vwẹ izobo rayen na phoro aro-o. Emuọre rayen kọ họhọ emu rẹ uvweri; ihwo re rerọ ejobi yi gbe ẹgua; emu ayen kẹ owẹvwe rayen ọvo ofue; a cha vwọ vwẹriẹ uwevwi rẹ Ọrovwohwo kakaka-a.

2 Samuẹl 15:12

Ọke Absalọm vwo ze izobo na, o de ji ohwo re Ahitofẹl ohwo ri Gilọn, obruche ri Devid, phihọ, ihwo ri nene Absalọm ki buẹ phihọ.

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.