Jerimaya 6:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Jerimaya 6:16 Referans Kwoze

Aizaya 30:21

Erhọn wẹn ki che nyo ota vwẹ obuko wẹn, tanẹ. Ọnana he Idjerhe na, yan nene, vwe ọke wọ da rhẹriẹ oma kpo obọrhe kugbe ọke wọ da rhẹriẹ oma kpọ ọhọhwere.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Urhi Rivẹ 32:7

Karohọ ẹdẹ rẹ awanre, roro ikpe rẹ edje buebu na nọ vwẹ obọ rẹ ọsẹ wẹn, ro dje kẹ wẹ; nọ ekpako wẹn, ayen ta kẹ wẹ.

Jerimaya 7:23

Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

Kolose 2:6

Kirobo rẹ ovwan reyọ Jesu Kristi Ọrovwohwo na ovwan yan nene ọtiọye.

Aizaya 2:5

E uwevwi ri Jekọp, yanrhe, je avwanre yan vwẹ urhukpẹ rẹ Ọrovwohwo.

Iyẹnrẹ Esiri ri Jọn 12:35

Jesu da ta kẹ ayen, Urhukpẹ na vẹ ovwan je dia kri emerha. Ovwan yan vwẹ ọke na rẹ urhukpẹ vwọ herọ na; ọ dia ọtiọye-e ebri na che muẹ ghene ovwan; ohwo rọ yan vwẹ evun rẹ ebri riẹn asan rọ ra-a.

Jerimaya 18:12

Ẹkẹvuọvo ayen da ta nẹ, Ọyena emu gheghe! Me nene iroro rẹ obọ rẹ avwanre, avwanre ohwo ọvuọvo ru kirobo rẹ udu ọgangan rẹ avwanre epha.

Jerimaya 22:21

Me ta kẹ wẹ vwẹ evun rẹ oyovwe wẹn, ẹkẹvuọvo wọ tare, Me cha kerhọ-ọn, Ọnana uruemu wẹn nẹ emọ rhe, nẹ wo nyo urhuru mẹ-ẹ.

Jerimaya 44:16

Vwọ kpahe ota ru wọ ta kẹ avwanre vwẹ odẹ rẹ Ọrovwohwo na, ma sa kerhọn wẹ-ẹ.

Hibru 11:2

Fiki rọye Ọghẹnẹ vwọ jẹ ihwo efuanfon rẹ awanre na reyọ.

Iyẹnrẹ Esiri ri Jọn 13:17

Ovwan da riẹn imu nana, ebruba kẹ ovwan rẹ ovwan de ru ayen.

Malakae 4:4

Karophihọ urhi ri Mosis odibo mẹ na, irhi kugbe iji ri mi ji kẹ vwẹ ugbenu ri Horẹb vwọ kẹ ihwo rẹ Izrẹl ejobi.

Hibru 6:12

Ọtiọye na ovwan rha dia lọkpọ lọkpọ-ọ, ẹkẹvuọvo vwẹ ẹro keri otu re wan oma rẹ esegbuyota kugbe erhiori reuku rẹ ive na.

Aizaya 8:20

Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

Iyẹnrẹ Esiri ri Luk 16:29

Ẹkẹvuọvo Ebraham da ta, Ayen vwo Mosis kugbe emraro na; jẹn ayen nyo ayen.

Aizaya 28:12

rọ cha ta kẹ nẹ, Ọnana urovwoma; vwẹ oma erọvwọ kẹ ọ rẹ oma rhọ. Ọnana kọye oma erọvwọ na, dede na ayen che nyo-o.

Iyẹnrẹ Esiri ri Jọn 5:39

Wa guọnọ ẹbe efuanfon na, fikiridie we rori nẹ evun rẹ ayen we de vwo arhọ ri bẹdẹ na; ayen ri se oseri kpahe ovwẹ na;

Iruo rẹ Iyinkọn na 17:11

Asakiephana ihwo ri Ju nana keye me ru dẹndẹn nọ ayen otu re hẹ Tẹsalonaika, kidie urhuru rẹ ota na si ayen gangan, kẹ ayen hiẹ ẹbe ọfuanfon na sẹ imu nana ghine ọtiọye.

Ọbe ri Pọl si rhe Ihwo ri Rom 4:12

Ọsẹ rẹ ihwo re yanvwere ọ dia oyanvwe ghevweghe-e ẹkẹvuọvo ri nene oniru rẹ esegbuyota rẹ ọsẹ rẹ avwanre Ebraham vwori tavwe ra ke yanvwọ.

Jerimaya 2:25

Wo rhie awọ phihọ ya-an si upho wẹn nẹ urhuru rẹ ame. Ẹkẹvuọvo wọ tare o fiemu-u, kidie me guọnọ erhorha, me yan nene ayen.

1 Ivie 8:36

gbe nyo vwẹ obo odjuvwu, wo vwo ghovwo umwemwu rẹ Idibo wẹn, ihwo wẹn Izrẹl, vwẹ ọke wo de yono ayen idjerhe rẹ esiri re ayen yan nene; re wọ rhọ osio phihọ otọ wẹn, ru wọ vwọ kẹ ihwo wẹn nẹ e vwo reuku.

Une rẹ Ejiro 116:7

Rhivwi, E ẹnwẹ mẹ, kpo omerovwo wẹn; kidie Ọrovwohwo na nene uwe yeri wurhie wurhie.

Jerimaya 12:16

Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Jerimaya 31:21

Ka eka phihọ idjerhe kẹ oma wẹn, ru obo ri sun we kẹ oma wẹn; nabọ roro idjerhe rode na, idjerhe wọ wan yaran na. Rhivwi, E ọmọtobẹ rẹ Izrẹl, rhivwi rhe irere wẹn nana.

Jerimaya 42:3

Gba rẹ Ọrovwohwo Ọghẹnẹ wẹn na so se dje idjerhe rẹ avware wan kẹ avwanre, vẹ obo rẹ avwanre ru.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Iguẹdjọ 2:17

Dede na ayen kerhọ ri iguẹdjọ na-a; kidie ayen gbe igberadja nene edjọ efa ayen da vwẹ uyovwi te otọ kẹ ayen; siẹvuọvo na ayen de kudẹriẹ ni idjerhe rẹ esẹ rẹ ayen neneri, ihwo ri mu ọghọ kẹ irhi re Ọrovwohwo na, ayen gbi rhe ru ọtiọye-e.

2 Ikun rẹ Ivie 19:11

Nighe, Amaria olori rẹ irherẹn na kọye che sun ovwan vwi kota kota rẹ Ọrovwohwo ejobi; kugbe Zebadia ọmọ rẹ Ishmael, osun rẹ uwevwi ri Juda, vwi kota kota ro nẹ oma rẹ ovie rhe; ihwo ri Livae na ke dia inotu rẹ ẹga kẹ ovwan. Yivwaro, Ọrovwohwo gbe nene ọvwata dia.

Aizaya 46:9

Karophihọ imu rẹ awanre, kidie Mẹvwẹ Ọghẹnẹ, o gbi vwo ọfa-a, Mẹvwẹ Ọghẹnẹ, ọfa rọ họhọ ovwẹ gbe herọ-ọ,

Aizaya 57:2

vwo kpo ufuoma, ayen re rovwoma vwẹ ehwa rọye re yan vwẹ evun re ọvwata rayen.

Jerimaya 7:3

Enẹ Ọrovwohwo rẹ otuofovwi na tare, Ọghẹnẹ rẹ Izrẹl na Rhuẹrẹ idjerhe wẹn ve eyere wẹn phihọ ke me rhọvwe nẹ ovwan dia etinẹ.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.