Jerimaya 6:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

Jerimaya 6:10 Referans Kwoze

Iruo rẹ Iyinkọn na 7:51

Ovwan ihwo re vẹ udu kpoi na, vẹ udu vẹ erhọn koi, ovwan nene Erhi Ofuanfon sivwi oma kọke kọke. Kirobo rẹ esẹ rẹ ovwan ruru, ọtiọye we ji ruẹ na.

Iyẹnrẹ Esiri ri Jọn 7:7

Akpọ na se tuoma rẹ ovwa-an, ẹkẹvuọvo o tuoma mẹ fikiridie mi se oseri kpahọ nẹ iruo rọye ọ rẹ uvumwemwu.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Aizaya 53:1

Ono ri se iyenren rẹ avwanre gbuyota? ono a vwẹ igbabọ rẹ Ọrovwohwo phia kẹ?

Ẹyano 6:12

Ẹkẹvuọvo Mosis da ta kẹ Ọrovwohwo na, “Nighe, ihwo rẹ Izrẹl dede kerhọ mẹẹ; ko mavọ Fẹro sa vwọ kerhọ mẹ, ohwo re jẹn awẹrẹnvwe rọyen ebro na?

2 Timoti 4:3

Kidie ọke cha rẹ ihwo de jẹ davwerhọ rẹ omamọ rẹ uyono, ẹkẹvuọvo ọke rẹ erhọn rẹ ayen da rhe dia gede gede re ke cha ghwẹ iyono huehn gidoma ri yọno ayen obo ri je ayen,

Kolose 1:28

Kọye avwanre ghwoghwo na, rere kohwo kohwo ejobi sa vwọ dia ohwo ri Kristi;

Ọbe ri Pọl si rhe Ihwo ri Rom 7:22

Kidie oma rẹ urhi rẹ Ọghẹnẹ vwerha ovwẹ, vwẹ obo otọ rẹ evun mẹ,

Iruo rẹ Iyinkọn na 7:60

Ọ de diguẹ ọ da van kperi nẹ Ọrovwohwo, wo kere umwemwu nana ba kẹ aye-en. Ọke rọ vwọ ta ọnana nu, ọ da vwerhẹ.

Iyẹnrẹ Esiri ri Jọn 9:40

Farisi evo ri si kerẹ vwo nyo ọnana, ayen da ta kẹ, Avwanre ji rhuẹro rhe?

Iyẹnrẹ Esiri ri Luk 20:19

Isiẹbe na kugbe ilori rẹ irherẹn na da guọnọ shabọ phihọ vwẹ unọke yena ọvuọvo na, ẹkẹvuọvo oshọ rẹ ihwo na de mu ayen; kidie ayen vwẹ omoma riẹn nẹ o kpe itẹ nana kpahe ayen.

Iyẹnrẹ Esiri ri Luk 11:45

Ọvo vwẹ usun re ẹriẹn urhi na da kpahe kẹ. Oyono, wọ vwọ ta ọnana na avwanre ejobi wo di muẹ harha na.

Matiu 3:7

Ẹkẹvuọvo ọke rọ vwọ mrẹ otu ri Farisi kugbe Sadiusi ri bruro rhe rhe reyọ ame, ọ da ta kẹ ayen nẹ, Uvwiẹ rẹ eredekọ na, Ono ta kẹ ovwan nẹ wa djẹ nẹ abe rọ cha na?

Emọs 7:10

Etiyin Amazaya rẹ orherẹn ri Bẹtẹl de ji ohwo bru Jeroboam ovie rẹ Izrẹl nẹ, Emọs jẹ iroro ọbrabra kpahe owẹ vwẹ ohri rẹ uwevwi rẹ Izrẹl, otọ na sa gba ota rọ tare-e.

Izikiẹl 33:9

Ẹkẹvuọvo wọ da kpa okpa kẹ ohwumwemwu nọ rhẹriẹ nẹ idjerhe rọye, jẹ ọ rha rhẹriẹ nẹ idjerhe rọye-e, kọ ghwu phihọ orukuruku rọye, ẹkẹvuọvo ji wo sivwi arhọ wẹn nure.

Izikiẹl 33:3

rọ da mrẹ ọlọkọ rọ cha otọ na ro de hworo owanre rọ da vuẹ ihwo na,

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Une rẹ Ejiro 119:174

Urhuru rẹ esivwo wẹn si vwe, E Ọrovwohwo, urhi wẹn ọye omavwerhe mẹ.

Une rẹ Ejiro 119:77

Jẹn aruẹdọ wẹn bru vwe rhe, rere me vwọ rhọ; Kidie urhi wẹn vwerhe ovwẹ oma.

Une rẹ Ejiro 119:70

udu rayen vẹ ọkpan kerẹ ivwri, ẹkẹvuọvo oma rẹ urhi wẹn vwerha ovwẹ.

Une rẹ Ejiro 119:35

Sun vwe wan idjerhe rẹ irhi wẹn, Kidie ọ vwerhe ovwẹ oma.

Une rẹ Ejiro 119:24

Iseri wẹn eye omavwerhe mẹ, eye ọbuiroro mẹ.

Une rẹ Ejiro 119:16

Mi vwo omavwerhe vwẹ iji wẹn. Ota wẹn sa chọrọ ovwẹ ẹro-o

Une rẹ Ejiro 40:8

Me vwo omavwerhe ru ọhọre wẹn, E Ọghẹnẹ mẹ; urhi wẹn ọ hẹ evun re udu mẹ

Une rẹ Ejiro 1:2

ẹkẹvuọvo o vwo aghọghọ vwe evun re urhi rẹ Ọrovwohwo urhi rọye na kọye o roro te ason te uvo.

Urhi Rivẹ 29:4

ẹkẹvuọvo rhi te nonẹ na Ọrovwohwo je kẹ ovwan iroro re vwo vughe-e, eyẹ ibiẹro ra vwọ mrẹ-ẹ, eyẹ erhọn re vwo nyo-o.

Jerimaya 5:21

Nyo ọnana, E ẹkpa ighenghẹn ri vwo ẹro, ye mrorẹ-ẹ ri vwo erhọn yi nyo ẹme-e na.

Jerimaya 9:26

Ijipt, Juda, Idọm, emọ rẹ Ammọn, Moab, kugbe otu re dia aton ejobi ri bru akakọ rẹ ẹto rayen, kidie ẹgborho nana yanvwere-e a je yanvwe uwevwi rẹ Izrẹl ejobi vwẹ udu-u.

Aizaya 42:20

Ọ mrẹ imu buebu, ẹkẹvuọvo yo ni so-o, erhọn rọye rhieri, ẹkẹvuọvo jẹ o nyo ẹme-e

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 35:13

Enẹ Ọrovwohwo rẹ otuofovwi, Ọghẹnẹ rẹ Izrẹl na tare: Yanran ra ta kẹ eshare ri Juda vẹ ihwo re dia Jerusalẹm, Wa reyọ uyono re wa kerhọn rẹ eta mẹ? Eriyin Ọrovwohwo tare.

Izikiẹl 3:7

Ẹkẹvuọvo uwevwi rẹ Izrẹl cha sa kerhọn wẹ-ẹ; kidie ayen rhọvwe kerhọn mẹ-ẹ; fikiridie uwevwi rẹ Izrẹl ejobi epha vẹ arhare gangan vẹ udu kokoroko kpoi.