Jerimaya 52:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹdẹ rirhiri rẹ emeranvwe rẹne owẹvwe da rhe gan gangan vwẹ orere na, rẹ emuọre rha herọ kẹ ihwo rẹ otọ na-a.

Jerimaya 52:6 Referans Kwoze

Jerimaya 39:2

vwẹ ẹgbukpe uhwọvo ri Zedikaya, vwẹ emeranvwe rẹne, vwẹ ẹdẹ rirhiri rẹ emeranvwe na, e de bru unu phihọ orere na.

Aizaya 3:1

Gbe nighe, Ọrovwohwo na, Ọrovwohwo rẹ ofovwi na, o cha reyọ echoma kugbe ọkpọ nẹ Jerusalẹm kugbe Juda rhe echoma rẹ ikara ejobi, echoma rẹ ame ejobi,

Jerimaya 38:9

Ọrovwovwe ovie mẹ, ihwo nana ru bra rẹ ayen vwo mu Jerimaya rẹ ọmraro na phihọ evun rẹ orhare, owẹvwe che hwe ghwẹ, kidie ikara gbi chekọ vwẹ orere na-a.

Ivie rẹ Ivẹ 25:3

Ẹdẹ irhiri rẹ emeranvwe rẹne rẹ ukpe yena owẹvwe de rhi fi gangan kidie emuọre rha herọ kẹ ihwo rẹ otọ na-a.

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Izikiẹl 7:15

Ọlọkọ ọ hẹ uphephẹ, emiavwe vẹ owẹvwe hẹ evun rẹ uwevwi, ọ rọ hẹ obo uphephẹ ghwu ughwu rẹ ọlọkọ; ọ rọ hẹ obo evun rẹ orere owevwe te emiavwe ke ghwọrọ.

Uvwerhe 5:10

Oma rẹ avwanre kọ rhorha kerẹ enyerhanre vẹ ọtotorhẹ rẹ owẹvwe.

Jerimaya 25:10

Ọ rọ ma rho, mi che si urhuru rẹ omavwerhovwẹ vẹ urhuru rẹ aghọghọ, urhuru rẹ oshare rẹ ọpha vẹ urhuru rẹ ọpha nẹ ayen obọ, ẹnọ rẹ elanọ vẹ elo rẹ urhukpẹ.

Jerimaya 21:9

Ohwo rọ da oma ji orere nana che ghwu ughwu rẹ ọlọkọ vẹ ọ rẹ owẹvwe, kugbe ọ rẹ emiavwe; ẹkẹvuọvo ohwo rọ yan nọ rọ da vwẹ oma rọye kẹ ihwo ri Kaldia re yariẹ ovwan phihọ na cha rhọ ye arhọ rọye kọ cha dia osa re ofovwi.

Jerimaya 19:9

Ki mi che ru ayen re ayen da re ugboma rẹ emeshare vẹ emetẹ rayen, dohwo dugboma rẹ ọrivẹ rọyẹ ke cha re vwẹ ọke rẹ imu na vẹ ukpokpogho na, rẹ ivwighrẹ rayen vẹ otu re guọnọ arhọ rayen hwe che vwo kpokpo ayen.

Jerimaya 15:2

Ọke rẹ ayen da nọ wẹ, Bovọ ma ra vwo? Wọ me vuẹ ayen nẹ, E nẹ Ọrovwohwo tare: Erẹ emiavwe vwọ kẹ emiavwe, erẹ ọlọkọ vwọ kẹ ọlọkọ erẹ owẹvwẹ vwọ kẹ owẹvwe erẹ a vwọ kẹ imu, vwọ kẹ imu.

Urhi Rivẹ 32:24

Owẹvwẹ hwe ayen kufia, oheri kọ torhẹ ayen hwe kugbe obi ọdjadja; ki mi ji ibiako re eranvwe re djoma bru ayen rhe, vẹ obi re imu ri kpono vwẹ otọ na.

Livitikọs 26:26

Mi de vwirhi ọkpọ rẹ ikara rẹ ovwan nu, eya ihwe ke cha dia enyerhanre ọvo kaka ikara, kẹ ovwan cha vwanvwe emu re; ovwan da re nu evun rha vọn ovwa-an.

Jerimaya 37:21

Eriyin na Ovie Zedikaya ki ji urhi ayen ki phi Jerimaya phihọ ọguan rẹ isodje rọ rhẹrẹ na, kẹdẹ kẹdẹ kọye a vwọ kẹ ọko rẹ ikara ọvo nẹ urhuvwu rẹ ọkakikara na cha, bẹsiẹye rẹ ikara rẹ orere na rhi vwo re. Ọtiọye Jerimaya da dia ọguan rẹ isodje rọ rhẹrẹ na.

Uvwerhe 1:11

Ihwo rọye ejobi herọ guan re ayen vwọ guọnọ emu; ayen vwẹ efe rayen vwo wene emuọre rere ayen vwo vwo ẹgba Nighere, E Ọrovwohwo, kidie a phọphọ ovwẹ.

Izikiẹl 5:16

ọke me da vwẹ edada rẹ obi rẹ ewẹvwe mẹ vwọ sa wẹ, edada rẹ ẹghwọrọ, re me cha vwọ sa wẹ ghwọrọ, ọke me da vwẹ ewẹvwe kpahe ewẹvwe rhi vwo hwe we, ri mi de vwirhi ọkpọ rẹ ikara wẹn.

Izikiẹl 14:13

Ọmọ rẹ ohwo, ọke rẹ ihwo rẹ otọ na de ru umwemwu kpahe ovwẹ vwẹ ijesegbuyota raycn, re me da riẹn obọ me kpahọ, ri mi de vwirhi ọkpọ rẹ ikara rọye re me da vwẹ owẹvwe rhe otọ na, ri mi de hwe ohwo vẹ eranvwe kufia no,

Izikiẹl 31:1

Vwẹ ukpe ruhwọvo, vwẹ emeranvwe rerha, vwẹ ẹdẹ rẹsosuọ rẹ emeranvwe na, ota rẹ Ọrovwohwo de bru vwe rhe.