Jerimaya 51:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Mane mie sivwi Babilọn, ẹkẹvuọvo esivwiro-o. Siọn, rere wo jẹn avwanre dohwo dorere rọye yanran; kidie orhiẹn rọye te odjuvwu re a kpaerọ kpo irharheghe nure.

Jerimaya 51:9 Referans Kwoze

Ẹvwọphia 18:5

kidie imwemwu rọye kpare kpenu re te odjuvwu, Ọghẹnẹ rhe karohọ orukuruku rọye.

Jerimaya 50:16

Bru ọkekakon nu Babilọn, kugbe ohwo rọ yọnrọn arekpe vwẹ ọke rẹ orhọ na, fiki rẹ ọlọkọ rẹ ọroshenyẹ na, dohwo dihwo rọye che rhivwi bru ra, dohwo dotọ rọye cha djẹ ra.

Aizaya 13:14

Kerẹ eranvwe rẹ egba ra vwọ djẹ aghwa, eyẹ kerẹ igodẹ ra mrẹ ohwo ghwẹ ayen koko-o, dohwo dihwo rọye ki che rhivwi bru ra, dohwo dotọ rọye kọ cha djẹ ra.

Jerimaya 46:16

Urogho wẹn yẹnghrẹn she, ayen da ta kẹ ohwohwo, E vrẹn, e je rhivwi bru ihwo rẹ avwanre kpo otọ re de vwiẹ avwanre, fiki rẹ ọlọkọ rẹ oshenyẹ na.

Ezra 9:6

tanẹ, E Ọghẹnẹ mẹ, oma vo vwẹ opharo mẹ ke ghwọkpọ ọ gbi ju vwe kpare opharo mẹ ni we-e, Ọghẹnẹ mẹ, orukuruku rẹ avwanre kpare kpenu nọ uyovwi rẹ avwanre, abe rẹ avwanre ma kpenu re te odjuvwu,

Jerimaya 46:21

Ihwo rẹ ofovwi rọye re durhieri vwẹ uherevie rọye re họhọ emọ rẹ erhuẹn sọkọ sọkọ, uyota, ayen kuoma rhẹriẹ ayen de koko djẹ, ayen se mudia-a, kidie ẹdẹ rẹ okpetu rayen gbare, ọke re ehwe rayen tere.

Jerimaya 8:20

Orhọ vrẹn re, ọkeuvo rere, yẹ e ji sivwi avwanre-e.

Aizaya 47:15

Ọtiọye ihwo re ve owẹ gba wian kugbe cha dia, re ve owe gba cho eki ne ọke emọ rhe, dohwo dobene rọye gbe nene, o vwo ohwo ọvuọvo ro se sivwi uwe-e.

2 Ikun rẹ Ivie 28:9

Ẹkẹvuọvo ọmraro rẹ Ọrovwohwo ọvo hẹ etiyin, re se odẹ rọye Ọbẹd; ọ da ra vwa unuofowi na rọ ro Sameria, ọ da ta kẹ ayen, Nighe, fiki rẹ obo rẹ Ọrovwohwo, Ọghẹnẹ rẹ esẹ rẹ ovwan, vwo mu ophu kpahe Juda, ọye o vwo phi ayen phihọ obọ rẹ ovwan, ẹkẹvuọvo wa da vwẹ ophu hwe ayen rẹ oviẹ rayen de re te odjuvwu.

Ẹvwọphia 18:4

Etiyin mi de nyo urhuru ọfa ro nẹ odjuvwu rhe tanẹ, Vrẹn no rhe, ihwo mẹ, wo de rhe vwo obọ vwẹ imwemwu rọye, wọ da rha ghare vwẹ ọtiekọ rọye;

Hosia 7:13

Ekan kẹ ayen, kidie ayen ghwru nẹ obọ mẹ! Ẹghwọrọ kẹ ayen kidie ayen mu kpahe ovwẹ! manẹ me tan ayen hirhe, ẹkẹvuọvo ayen mu efian bare ovwẹ.