Jerimaya 51:43 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴³ Irere rọye hirhe phihọ emuoshọ, otọ rẹ ohwo jẹ dia, rẹ ọmọ rẹ ohwo jẹ wanvrẹn.

Jerimaya 51:43 Referans Kwoze

Jerimaya 2:6

Ayen sa ta nẹ, Tivọ Ọrovwohwo epha rọ reyọ avwanre nẹ otọ rẹ Ijipt rhe na, Ohwo ro sun avwanre vwẹ evun rẹ aghwa na, vwẹ evun rẹ otọ rẹ aton kugbe ikpotọ na, otọ ọyaya vẹ ebri rode na, asan rẹ ohwo dia-a na?

Aizaya 13:20

A gbe sa vwọ reuku bẹdẹ-ẹ eyẹ e gbi yere vwẹ uvwiẹ na bẹdẹ-ẹ, ohwo rẹ Arebia ọvuọvo gbe sa bọn utughẹ phihọ-ọ ọsuigodẹ ọvuọvo sa vwẹ igodẹ rọye sherhe otọ vwẹ ẹtiyi-i.

Jerimaya 51:29

Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.

Jerimaya 51:37

Babilọn ko che hirhe phihọ ẹko rẹ erhurhu urhuen rẹ ẹrha emuoshọ vẹ unuefiọn, ohwo rha dia-a.

Jerimaya 50:12

Oma cha vo oni wẹn tototo, ọ rọ vwiẹ wẹ na oma cha vuọ. Nighe, ọye cha ka uko vwẹ ẹgborho na ejobi, aton ọyaya ro shafon.

Une rẹ Ejiro 46:8

Yanrhe, wo rhi nughe re iruo rẹ Ọrovwohwo, obo ro ru iruo rẹ ẹghwọrọ vwẹ ẹvun rẹ akpọ na.

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Jerimaya 51:62

tanẹ, E Ọrovwohwo, wẹ re ta kpahe etinẹ na nẹ wo che bro fia, rere emuọvo vwo je dia, ihwo eyẹ eranvwe, kọ dia ofefe bẹdẹ.

Aizaya 34:13

Inwe ke tanrhe vwe ogba ọgangan rọye, ekpia ve idjighe vwe asan odjahọ rọye. Erha ke cha kọghọ Etiyin, edia vwọ ke ogomugọ

Jerimaya 18:16

Ayen ru otọ rayen phihọ emu rẹ oshọ emu ra fiọn unu kẹ bẹdẹ. Oshọ mu ohwo kohwo rọ wan rọ vrẹn o mi kpogho uyovwi.