Jerimaya 51:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.

Jerimaya 51:29 Referans Kwoze

Jerimaya 51:43

Irere rọye hirhe phihọ emuoshọ, otọ rẹ ohwo jẹ dia, rẹ ọmọ rẹ ohwo jẹ wanvrẹn.

Jerimaya 8:16

Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Emọs 8:8

Otọ na rhe kpogho vwi fiki rẹ ọnana, kohwo kohwo rọ dia evun rọye de muomaphihọ rẹ ayen ejobi de ku reghe reghe kerẹ Nile, ro de phio rhe phio kpo ro ki divwi, kere Nile rẹ Ijipt?

Jerimaya 50:45

Ọtiọye na gbe nyo iroro rẹ Ọrovwohwo jẹn kpahe Babilọn, vẹ obo ro ruru kpahe otọ rẹ ihwo ri Kaldia na: Omuẹro e che kpono igegede itete rayen yanran, Omuẹro obo re phia kẹ ayen che gbe ogba rẹ igegede rayen unu.

Jerimaya 50:13

Fiki rẹ ophu rẹ Ọrovwohwo na a gbe sa dia-a, ẹkẹvuọvo ọ cha dia ofefe kakare, ohwo kohwo rọ wan Babilọn vrẹn ko gbunu ko fiunu fiki rẹ era rọye ejobi.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;

Joẹl 2:10

Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.

Jerimaya 50:43

Ovie ri Babilọn nyo usi rayen, abọ rọye de she ghwrọghọ, ophu de muo, odjadja kerẹ ọ rẹ aye rọ chuẹ uvwiẹ.

Aizaya 14:16

Ihwo re mrẹ wẹ ki che rhie unu phihọ kẹ wẹ, ki che roro iroro kokodo kpahe owẹ. Ọnana ohwo ro mu akpọ na kpogho na, ro kpogho ivie na.

Jerimaya 50:36

Ọlọkọ vwẹ enu rẹ ihwo re bọ epha, rere ayen vwọ mrasan hirhe phihọ ẹkpa! Ọlọkọ vwẹ enu rẹ egba ofovwi rọye, rere ayen vwọ mrasan ghwọrọ!

Jerimaya 50:46

Akpọ na che kpogho vwẹ edo rẹ emuo ri Babilọn, e che nyo oviẹ rọye vwẹ uherevie rẹ irere na.

Jerimaya 51:26

E rhe mie we olalọ ọvuọvo vwọ bọn ubienyẹ-ẹ kugbe olalọ ọvuọvo re vwo ru uchivwo-o, ẹkẹvuọvo ẹghwọrọ kufia ri bẹdẹ wọ cha dia, eriyin Ọrovwohwo tare.

Jerimaya 51:28

Rhuẹrẹ ẹgborho na kẹ ofovwi ra vwọ suọ, ivie ri Mid kugbe isun rayen vẹ ediachavwẹ rayen, vẹ otọ kotọ rẹ uvie rayen.

Aizaya 24:20

Akpọ na re gbe kerẹ ohwo rọ da udi, ọ rọ vuẹ kerẹ utughẹ, ogbeku rọye pha họhọhọ yẹgbẹ vwẹ enu rọye, o sheri, o rhe se vrẹn ọfa-a

Jerimaya 51:37

Babilọn ko che hirhe phihọ ẹko rẹ erhurhu urhuen rẹ ẹrha emuoshọ vẹ unuefiọn, ohwo rha dia-a.