Jerimaya 51:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọ dia etiọna ẹkẹn ri Jekọp họhọre-e, kidie ọye re ma imu ejobi, Izrẹl je orua rẹ ukuẹriọ rọye; Ọrovwohwo rẹ otuofovwi ọye odẹ rọye.

Jerimaya 51:19 Referans Kwoze

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Une rẹ Ejiro 73:26

Uvwọ mẹ vẹ udu mẹ sa lọhọ, ẹkẹvuọvo Ọghẹnẹ hẹ ogangan rẹ udu mẹ ọye ẹkẹn ughwẹ mẹ bẹdẹ.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Une rẹ Ejiro 33:12

Ebruba kẹ orere rẹ Ọghẹnẹ rọye dia Ọrovwohwo, ihwo rọ jẹreyọ nẹ e dia ireuku rọye!

Aizaya 47:4

Ọtan rẹ avwanre–Ọrovwohwo re otuofovwi na he odẹ rọye– ọye Ọfuanfon Ovuọvo re Izrẹl na

Uvwerhe 3:24

“Ọrovwohwo ọye hẹ ẹkẹn mẹ” ọtiọye erhi me tare, fiki rẹ ọtiọye na ki mi phi ẹro phihọ.

Jerimaya 50:11

Owenẹ wọ ghọghọ, owenẹ oma vwerhe owẹ, E ọ ro gborho ukuẹriọ mẹ owenẹ wo vwo urhurhu kerẹ ọmọ rẹ erhuẹn rọ ria odi, rọ djẹ eya kerẹ esi ọshare,

Une rẹ Ejiro 135:4

Kidie Ọrovwohwo jẹ Jekọp reyọ ke oma rọye, Izrẹl kerẹ emuobọ rọye.

Une rẹ Ejiro 115:3

Ọghẹnẹ rẹ avwanre ọ hẹ obo odjuvwu, o ruẹ obo ri jere.

Une rẹ Ejiro 74:2

Karohọ ukoko wẹn, ru wo vwori nẹ awanre rhe, ru wọ tan hirhe nẹ ọ dia orua rẹ uku wẹn! Karohọ Ugbenu ri Zayọn, asan ro wọ diare jovwo na.

Une rẹ Ejiro 16:5

Ọrovwohwo ọye ughwẹ me re me jẹreyọ kugbe iko mẹ, wewe re yọnrọn ẹkẹn mẹ.

Urhi Rivẹ 32:9

Kidie ẹkẹn rẹ Ọrovwohwo ọye ihwo rọye, Jekọp ọye ẹkẹn uku rọye.

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Jerimaya 33:2

Enẹ Ọrovwohwo rọ ma akpọ na tare, Ọrovwohwo ro farọ ro vwiro mu–Ọrovwohwo hẹ odẹ rọye,

Jerimaya 50:34

Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Jerimaya 51:5

Kidie Izrẹl vi Juda a je siẹn aye-en Ọrovwohwo Ọghẹnẹ yẹ otuofovwi rayen; ẹkẹvuọvo otọ ri Kaldia vọnre vẹ abe vwọ kpahe Ọfuanfon Ọvuọvo ri Izrẹl na.