Jerimaya 51:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Enẹ Ọrovwohwo tare: Nighe, me cha kpare erhi rẹ oghwọrọ ọvo vwọ kpahe Babilọn, vwo kpahe ihwo ri Kaldia.

Jerimaya 51:1 Referans Kwoze

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Hosia 13:15

Owenẹ ọ rho bodo bodo kerẹ ẹgon, odju rẹ obaro ọnre, odju rẹ Ọrovwohwo cha rhe, ọ kpara nẹ obo aghwa cha; ogbugbu rọye cha kpọ, imigbo rọye cha yamu, o che hwerhe kemu kemu esiri rọ sẹro rọye nu ejobi kufia.

Iruo rẹ Iyinkọn na 9:4

O de she teye otọ o de nyo urhuru ọvo rọ ta kẹ, Sọl, Sọl, die sorọ wo vwo mu uvwe?

Zekaraya 2:8

Kidie enẹ Ọrovwohwo rẹ otuofovwi na tare, rẹ urinrin rọye vwo ju vwe bru ẹgborho ri gborho ovwan, kidie ohwo rọ vwẹ obọ te ovwan, yẹ ọ vwẹ obọ te ọmẹro rọye:

Izikiẹl 19:12

Ẹkẹvuọvo a da vwẹ ophu ghwie vain na kufia, a da kparọ phihọ otọ, ọ da yamu vwẹ odju rẹ obaro ọnre, a da kpare ibi rọye kufia, ugboma rọye rọ ma gan ejobi na da yamu; erhanre da torhẹ.

Jerimaya 50:33

Enẹ Ọrovwohwo rẹ otuofovwi na tare: E shenyẹ ihwo rẹ Izrẹl, ihwo ri Juda ji kugbe ayen rhe, otu ri mu ayen imu yọnrọn ayen kokoroko, ayen rhọvwe siobọ nẹ aye-en.

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Jerimaya 50:24

Me kpahe ufi kẹ wẹ o de mu we, E Babilọn, ye wọ riẹnre-e; a mrẹ we e de mu we, fikiridie wo nene Ọrovwohwo họnra.

Jerimaya 50:21

Yanran ra vwọ so otọ ri Mirataim na, je vwọ so ihwo ri Pikọd Hwe, re wọ ghwọrọ ayen tototo, eriyin Ọrovwohwo tare, ru obo ri mi ji iji kẹ wẹ na ejobi.

Jerimaya 50:9

Kidie gbe no, me cha kpara vwọ so Babilọn usun rẹ ẹgborho ride na, ri nẹ orho rẹ obọrhe ọnre na cha, ayen cha hwa phihọ vwo suọ, etiyin e de muo yanran. Edada rayen họhọ ọgbofovwi re yonori ro fiabọ kpo-o.

Jerimaya 49:36

ke me cha reyọ odju ẹne nẹ igogo ẹne rẹ odjuvwu na rhe rhurhu Elam, me me hra ayen kẹ odju na, o rhe vwo ẹgborho ọvuọvo re ihwo ra djẹ nẹ Elam na che jẹ ra-a.

Ivie rẹ Ivẹ 19:7

Nighe, mi che phi erhi phihọ oma, ko che nyo usi rẹ ofovwi ko che rhivwi kpo otọ robọ rọye, ke me cha nẹrhẹ o ghwu ughwu rẹ ọlọkọ vwẹ otọ robọ rọye.

Une rẹ Ejiro 137:8

E ọmọtẹ ri Babilọn, wẹ oghwọrọ na! Aghọghọ kẹ ohwo rọ hwa osa kẹ wẹ kirobo ru wo ru kẹ avwanre na!

Jerimaya 23:19

Nighe, ogiribo rẹ Ọrovwohwo! Ophu rọye ro otafe re, ọdju rode; ọ cha enu rẹ iriumwemwu na.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 14:14

Mi yeri vrẹn enu rẹ irharheghe na, Ki mi ru oma mẹ kerẹ Ọ ro Me kpenu na.

Aizaya 21:1

Aruemrẹ kpahe aghwa rọ obọ urhie. Kirobo rẹ ogoribo djuẹ vwẹ obi Nẹgẹb, ọ djuẹ nẹ obo aton cha, nẹ otọ ro mu oshọ rhe.

Aizaya 47:1

Wotọ rhe wo rhi tidia iwurhie, E ọmọtobe ri Babilọn, tidia otọ ghevweghe ro vwo ekete-e, E ọmọtẹ ri Kaldia! Kidie e gbi se we ọfa-a nẹ wọ pha pọkọ pọko yoyovwi.

Jerimaya 51:53

Owenẹ Babilọn yeri kpenu te odjuvwu, owenẹ ọ gba ogba ọgangan kpenu yariẹ oma, dede ẹghwọrọ che nẹ obọ mẹ bro ra, eriyin Ọrovwohwo tare.

Jerimaya 51:60

Jerimaya de si umiovwo ro te Babilọn ejobi phihọ ọbe, eta nana ejobi re siri kpahe Babilọn na.