Jerimaya 50:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Me cha reyọ Izrẹl rhivwi kpo egbri roye. Ọ cha re vwẹ enu ri Kamẹl vẹ evun ri Bashan, obo rọ guọnọre kọ cha vọn evun vwẹ enu rẹ igbenu itete rẹ Ifrem vi Giliad.

Jerimaya 50:19 Referans Kwoze

Maika 7:14

Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Jerimaya 31:6

Kidie ẹdẹ hero rẹ erhẹrotọ che vwo se vwẹ orere rẹ ugbenu rẹ Ifrem: Vrẹn, re e yeri kpo Zayọn, bru Ọrovwohwo Ọghẹnẹ rẹ avwanre.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Izikiẹl 38:8

Ẹdẹ buebu da wan nu ku wọ cha ghwẹ koko gbidi, vwẹ ikpe re cha vwẹ obaro na ku wọ ra vwẹ ofovwi vwọ so otọ na re si nẹ obọ rẹ ofovwi na, otọ rẹ ihwo da rhe ghwẹ koko nẹ ẹgborho buebu rhe rhi koko vwẹ igbenu rẹ Izrẹl, ra kua jovwo rhabae; ihwo ra ghwẹ nẹ ẹgborho na rhe. Asakiephana egbemọphẹ kọye ayen epha, ayen ejobi re kpae.

Izikiẹl 36:33

E nẹ Ọrovwohwo Ọghẹnẹ tare: Vwẹ ẹdẹ re me da cha hworhẹ owẹ nẹ orukuruku wẹn, ke me cha nẹrhẹ ihwo rhe dia evun rẹ irere wẹn, asan re guọghọ te otọ jovwo ka rhoma bọn ayen.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Izikiẹl 11:17

Fiki rẹ ọtiọye na gba ta kẹ ayen, Enẹ Ọrovwohwo tare: mi che si we koko nẹ oma rẹ ihwo na rhe, me me ghwẹ wẹ koko nẹ evun rẹ ẹkuotọ ra hra wẹ ra jovwo na, ke me vwẹ otọ rẹ Izrẹl na kẹ wẹ.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Jerimaya 31:25

Kidie mi che ru ẹnwẹn rẹ oma rhọ gan, me cha rhọvwọ, ẹnwẹn kẹnwẹn rẹ oma rhọ.

Jerimaya 31:14

Ke me vwẹ emu esiri buebu vwọ ghẹrẹ ẹnwẹn rẹ irherẹn na, erhuvwu mẹ cha vọn ihwo mẹ evun, eriyin Ọrovwohwo tare.

Jerimaya 30:18

Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 23:3

Ke me ghwẹ igegede mẹ ri chekọ nẹ asan me djẹ ayen ra ejobi rhe, me ghwẹ ayen rhivwi rhe ukoko rayen, ayen ki vwiẹ ji bu phihọ.

Jerimaya 3:18

Uwevwi ri Juda kọ kuoma gbe uwevwi rẹ Izrẹl vwẹ ẹdẹ yena. Ayen ki kuoma gbe nẹ otọ rẹ obọhwẹre ọnre rhe otọ re me vwọ kẹ ẹse rẹ ovwan nẹ e vwọ reuku.

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 33:9

Otọ na muomahọ ọ rọ brenu, Lẹbanọn a harherọ ọ fa che re, Sharọn ko họhọ atọn; Eashan kugbe Kamẹl io tue ẹbe fia

Solomon 6:5

Si ẹro wẹn ne uvwe, kidie i ju vwe nwẹ-ẹn– Ẹton wẹn họhọ rẹ ẹvwe, ri pho nene ọghwrọrọ ri Gilead cha.

Joshua 17:15

Joshua da ta kẹ ayen, Ovwan da dia ihwo buebu, we gbe kpo obo egbo na, re we re she kẹ oma rẹ ovwan vwẹ obo otọ rẹ ihwo ri Periz kugbe Refaim, rẹ orho rẹ obo ugbenu rẹ Ifrem na vwọ hwa nọ kẹr ovwan na.

Ukeri 32:1

Asakiephana emọ ri Rubẹn kugbe emọ ri Gad de vwo uchuru buebu gbidi; ayen da mrẹ otọ ri Jazer kugbe otọ ri Giliad, nighe, asan na da dia asan rẹ uchuru.

Jerimaya 30:7

Eghwo! ẹdẹ yena rhoro gangan. A mrẹ ẹdẹ re vwo dje-e; ọke rẹ okpetu kẹ Jekọp, dede na e che sivwo no.

Jerimaya 46:27

Ẹkẹvuọvo wọ djẹ oshọ-ọ, E Jekọp odibo mẹ, wo ji brudu-u, E Izrẹl; kidie gbe nighe, me cha dia ogboko de sivwi uwe, ivwrọmọ wẹn nẹ otọ rẹ ighuvwu rayen rhe. Jekọp che rhivwi rhe dẹndẹn vẹ omaefuo, ohwo rha nẹrhẹ phihọ oshọ-ọ.

Jerimaya 50:6

Ihwo mẹ rhe dia kerẹ igegede ri ghwruru, isuigegede rayen sun ayen ghwru, ayen ku ayen rhẹriẹ vwẹ enu rẹ igbenu, nẹ ugbenu ride kpo ugbenu otete ayen yan ra, ogba rayen chọrọ ayen ero.

Izikiẹl 47:18

Vwẹ abọ rẹ obaro ọnre, ughwru na kọ djẹ nẹ Hazarenọn vwẹ uvwre ri Hauran vi Damaskọs; vwẹ oma rẹ urhie ri Jọdan vwẹ uvwre ri Gilead vẹ otọ rẹ Izrẹl, re te abadi rọ hẹ obaro ọnre rhiri re te Tamar. Ọnana kọ dia abọ rẹ obaro ọnre.

Zekaraya 10:10

Mi che si ayen nẹ otọ rẹ Ijipt rhe uwevwi, koko ayen ne Asiria rhe, Me Me vwẹ ayen rhe otọ rẹ Giliad vẹ otọ ri Lebanọn, bẹsiẹ re asan vwo jẹ ayen ẹgba.

Ukeri 32:4

otọ na rẹ Ọrovwohwo ghwọre vwe obaro rẹ ukoko rẹ Izrẹl na, ọye otọ ro yoma kẹ uchuru rẹ idibo wẹn.

Ezra 2:1

Asakiephana enana keye ihwo rẹ ubrakpọ rẹ Juda ri nẹ ighuvwu rhe vwẹ usun rẹ ihwo re muru ri Nebukadneza ovie ri Babilọn mu kpo Babilọn, ayen da rhoma rhivwi kpo Jerusalẹm vi Juda, dohwo dorere rọye.