Jerimaya 50:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Bunu yariẹ phihọ abọ rhọrọ re, edaji rọye she nure, igbẹhẹ rọye she ghwotọ. Kidie ọnana ihriẹriọ rẹ Ọrovwohwo, vwọ re ihri kẹ kirobo ro ruru.

Jerimaya 50:15 Referans Kwoze

Jerimaya 51:58

Enẹ Ọrovwohwo rẹ otuofovwi tare. Igbẹhẹ rode ri Babilọn na e che kporo te otọ riẹriẹriẹ inurhoro rọye ri kpenu na cha tua vwẹ erhanre. Ihwo na wian kufia, omẹrhọ rẹ ẹghorho na kọ rẹ erhanre.

Ẹvwọphia 18:6

Ru kẹ kirobo rẹ okpuyovwi rọye ru kẹ ihwo efa, hwa osa kpahe kẹ fiki robo ro ruru; uko rọ je vọn na jẹ ọtiọye ọhwọhwivẹ kẹ.

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Uvwerhe 5:6

Avwanre ke yara emu miẹ Ijipt, kugbe Asiria, rere evun kọ vọn avwanre.

Jerimaya 51:44

Mi che hwe Bẹl vwi Babilọn, mi de si obo rọ rọre na nẹ unu rọye rhe. Ẹgborho na rha ghwiẹ bro ra ọfa-a, igbẹhẹ ri Babilọn she nure.

Jerimaya 51:14

Ọrovwohwo rẹ otuofovwi vwẹ oma rọye ve nure; Omuẹro me cha ghwẹ we vọn vẹ ihwo, kirobo rẹ ebaka buẹ ye, ayen che do edo rẹ ephiokparobọ vwẹ enu wẹn.

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

2 Ikun rẹ Ivie 30:8

We rhe jẹn udu rẹ ovwan dia gangan kerẹ esẹ rẹ ovwa-an, ẹkẹvuọvo wa vwẹ oma kpotọ kẹ Ọrovwohwo, re we bro rhe ẹshẹ rọye, ro ru fon bẹdẹ, re wa rhe ga Ọrovwohwo Ọghẹnẹ wẹn, rere ophu rẹ ovwan ro muo vwo fue.

1 Ikun rẹ Ivie 29:24

Isun na ejobi kugbe egba na ejobi, ji kugbe emọ rẹ Ovie Devid, de ve nẹ ayen vwẹ uyovwi kpotọ kẹ Ovie Solomọn.

Ẹvwọphia 19:2

Kidie orhiebro rọye uyota kugbe ọsoso; o brorhiẹ rẹ igberadja rode na rọ vwẹ ọfanrhiẹ rọye miovwi akpọ na, ọ da reihri rẹ ọbara rẹ idibo rọye vwẹ obọ rọye,

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

Ọbe ri Pọl si rhe Ihwo ri Rom 3:5

Ẹkẹvuọvo ọ da dianẹ orukuruku rẹ avwanre de dje ase rẹ Ọghẹnẹ phia, kidie avwanre ta? Kẹ Ọghẹnẹ ruchọ ọ da dianẹ ophu rẹ avwanre muro? (Me ta ọnana kerẹ ohwo rẹ akpọ.)

Iyẹnrẹ Esiri ri Luk 21:22

Kidie enana ẹdẹ rẹ ihriẹriọ, rere obo re siri na vwọ gba.

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

Nahum 1:2

Ọrovwohwo Ọghẹnẹ rọ rioma rọ reihri, Ọrovwohwo na reihri o ki ji mu ophu; Ọrovwohwo reihri vwẹ obọ rẹ ihwo ri mu kpahọ o ji mu ophu kpahe ivwighrẹ rọye.

Izikiẹl 21:22

Itẹ ri Jerusalẹm de rhi she phihọ obọrhe rọye, o de rhiunu rẹ oviẹ, ọ da teye unuebo, ra vwọ vwẹ ikurusu vi igbẹhẹ rẹ anurhoro na, ayen da ghwẹ ẹkoekpẹn vwo vi, rere ọ vwọ bọn uwevwi rẹ ohẹrhẹ.

Izikiẹl 17:18

Fikiridie ọ je ive na fia ọ de miovwi ọphọ na, fikiridie ọ ghwa obọ phiyọ nu o de rhe ru imu nana, ọ gbe sa djẹ va abọ-ọ

Jerimaya 51:64

re wo ta, Enẹ Babilọn che divwi, o gbi vrẹn ọfa-a, fiki rẹ umiovwo ri mi che muẹ nyẹ na. Ọtiọna eta ri Jerimaya bare.

Jerimaya 51:36

Ọtiọye na enẹ Ọrovwohwo tare; Nighe, mi mie we unu vwo gu me reihri kẹ wẹ ki mi che se abadi rọye kpọ mi de ru ogbugbu rọye ya,

Jerimaya 51:25

Nighere me vwọ so wẹ, E ugbenu rọ ghwọrọ na, eriyin Ọrovwohwo tare, rọ ghwọrọ akpo soso na; me cha riẹn obọ mẹ kpahe owẹ, mi de ghorie uwe nẹ ẹgbogho na rheotọ, mi de ru uwe ugbenu ra torhẹre.

Jerimaya 50:14

Hwa phihọ yariẹ Babilọn, ovwan si omurhabo ejobi wa sa, wa dobọjẹ-ẹ, kidie o ru umwemwu kpahe Ọrovwohwo.

Aizaya 63:4

Kidie ẹdẹ re irhi ẹriọ ọ hẹ udu mẹ, ikpe mẹ rẹ ẹtan hirhe o te nure,

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Aizaya 59:17

Ọ da gba ọvwata mu ohọre kerẹ emekpo-udu, erhu rẹ esivwo ro vwo tughẹ uyovwi, o ku iwun rẹ ihri-eriọ phihọ kerẹ amwa, ọ da vwẹ ophu phopho oma kerẹ okpa.

Une rẹ Ejiro 149:7

re ayen vwọ reihri vwẹ enu rẹ ẹgborho na kugbe efafa vwọ kẹ ihwo na,

Une rẹ Ejiro 94:1

E Ọrovwohwo, wọwẹ Ọghẹnẹ rọ reihri, wọwẹ Ọghẹnẹ rọ reihri na, la phia!

1 Samuẹl 15:33

Samuẹl da ta, kirobo rẹ ọlọkọ wẹn nẹrhẹ eya dia ẹga na, ọtiọye oni wẹn je dia ẹga vwẹ ohri rẹ eya. Samuẹl de she Agag ibribro vwẹ obaro rẹ Ọrovwohwo vwi Gilgal.

Joshua 6:20

Ọtiọye na ihwo na de kuvwie, e de hworo ewanre na. Rẹ ihwo na ghwe vwo nyo umri rẹ ewanre na, ihwo na ejobi de ghwe kuvwie ghwrọrọrọ, igbẹhẹ na de ghwe ghwie she re kpae, ihwo na da ghwa họrhọ ro evun rẹ orere na, ohwohwo vwọ kpahe ohwo, ayen da reyọ orere na.

Joshua 6:5

Ọke re ayen de hworo ighoro rẹ egbo na re ayen de dje ofu krekri, re ovwan de ghwe nyo edo rẹ owanre na, etiyin ihwo na ejobi ki mu kuvwie; igbẹhẹ ri Jeriko na ko che ghwie she totọ, ihwo na ọvuọvo ke cha vẹn ruọ.

Urhi Rivẹ 32:43

We jiri ihwo rọye, ovwan ẹgborho na; fikiridie ọ choja rẹ ọbara rẹ idibo rọye ọ da re ihri vwẹ enu rẹ ivwighrẹ rọye ra vwọ rhuẹrẹ arhuẹrẹ kẹ otọ rẹ ihwo rọye.

Urhi Rivẹ 32:41

ọ da dianẹ Me nọ ọlọkọ mẹ ro lo na, rẹ obọ mẹ da yọnrọn orhiebro, ki mi che ru ivwighrẹ mẹ keri, ke Me cha hwa osa kẹ iri mu kpahe ovwẹ.

Urhi Rivẹ 32:35

Ihri ẹriọ ọmẹ mẹvwẹ re hwa osa ọke rẹ owọ rayen da ghworiẹ kidie ẹdẹ rẹ okpetu rayen sikẹre re, ughwu rayen cha kpregede.

Jerimaya 50:25

Ọrovwohwo rhie uwevwi rẹ ekuakua re ofovwi rọye re, ọ da ghwẹ ekuakua rẹ ophu rọye phihọ otafe, kidie Ọrovwohwo Ọghẹnẹ rẹ otuofovwi na vwẹ iruo ro ruẹ vwẹ otọ rẹ ihwo ri Kaldia na.

Jerimaya 50:44

Nighe, kirobo rẹ okpohrokpo nẹ oghwaghwo ri Jọdan cha vwọ so ogba rẹ igegede ye, mi che ru ayen re djẹ jovwo kpregede, ohwo ro jevwe kọye mi vwo mu vwẹ enu rọye. Kidie kono họho ovwẹ? Ono che si ọbe se vwe? Didi osuigegede se mudia vwẹ obaro mẹ?

Jerimaya 51:24

Me cha reihri ri Babilọn vẹ ihwo ri Kaldia ejobi vwẹ irharo wẹn koko na vwi fiki rẹ umiovwo rẹ ayen ruru vwi Zayọn, eriyin Ọrovwohwo tare.

Jerimaya 51:30

Egba rẹ ofovwi ri Babilọn fue ohọnre re, ayen da oma ji vwẹ ogba ọgangan rayen, ogangan rayen reri, ayen rhi hirhe phihọ eya, ẹdia rọye herọ tọrhẹ, a guọghọ itehru rọye nure.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.