Jerimaya 50:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Oma cha vo oni wẹn tototo, ọ rọ vwiẹ wẹ na oma cha vuọ. Nighe, ọye cha ka uko vwẹ ẹgborho na ejobi, aton ọyaya ro shafon.

Jerimaya 50:12 Referans Kwoze

Jerimaya 51:43

Irere rọye hirhe phihọ emuoshọ, otọ rẹ ohwo jẹ dia, rẹ ọmọ rẹ ohwo jẹ wanvrẹn.

Ẹvwọphia 17:5

e de si odẹ rẹ igbunu tamuo arhare; Babilọn rode na, oni rẹ igberadja kugbe omaetuo rẹ akpọ na.

Galesha 4:26

Ẹkẹvuọvo, Jerusalẹm rọ hẹ obenu na, ọmuvwiẹ kọye hẹ oni rẹ avwanre ejobi.

Jerimaya 49:2

Ọtiọye na, gbe nighe, ede cha, eriyin Ọrovwohwo tare, ri mi che vwo ruo re de nyo edo rẹ ofovwi kpahe Rabba rẹ ihwo rẹ Amọn, ọ che hirhe phihọ ẹrhẹnre rẹ ekpẹn ofefe, a cha vwẹ erhanre torhẹ ighwre rọye, kẹsiẹye Izrẹl ke kua ihwo re kuarọ jovwo na, eriyin Ọrovwohwo tare.

Jerimaya 25:26

Ivie rẹ obọhwẹre ọnre ejobi, te iri sheri vẹ ere kẹre, ohwo kpahe ohwo, vẹ uvie rẹ akpọ na ejobi re hẹ enu rẹ otọ na. Ayen da da nu ovie ri Babilọn kọ da.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Aizaya 23:13

Nighere otọ rẹ ihwo ri Kaldia. Ọna hẹ ihwo na; o dia Asiria-a Akpọ-eyere ri Taya da họhọ akpọ-eyere rẹ eranvwe re djoma. Ayen bọn ẹgedẹge rẹ imu rayen nure, ayen kprọ ighẹn rayen ejobi te otọ, ayen ruru phihọ erhurhu.

Aizaya 14:22

Ki mi che vrẹn vwọ so ayen, eriyin Ọrovwohwo rẹ otuofovwi na tare, ke me nyavwe nẹ Babilọn te odẹ te umuku, emọ kugbe uvwiẹ eriyin Ọrovwohwo tare.

Jerimaya 12:14

Enẹ Ọrovwohwo tare kpahe irivẹ me imiomiovwi na re vwẹ obọ te ukuẹriọ re me vwo ke ihwo mẹ Izrẹl, nẹ vwọ reuku na: Nighe, mi che yoro ayen nẹ otọ rayẹn, ki mi yoro uwevwi ri Juda nẹ ohri rayen.

Jerimaya 15:9

Aye ro vwiẹ ighwrẹ oma rhọrọ, o de rhe shero; ọke ji kpo-o yẹ onrẹ rọye ruotọ nure, omavorọ a vwe rọ jehwẹ. Otu ri chekọ me cha ghwẹ ayen kẹ ọlọkọ vwẹ obọ rẹ ivwighrẹ rayen, eriyin Ọrovwohwo tare.

Jerimaya 22:6

Kidie enẹ Ọrovwohwo tare kpahe uwevwi rẹ ovie ri Juda: Wọ họhọ Giliad kẹ vwẹ, kerẹ enu ri Libanọn, dede na uyota mi che ru we phihọ aton, phihọ orere re jẹ dia.

Jerimaya 51:47

Ọtiọye na, gbe nighe, ẹdẹ cha rhe, mi che vwo hwe ema ri Babilọn na; oma cha vo otọ rọye na ejobi ihwo rọye re hweri che she teye uherevie rọye.