Jerimaya 50:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ota rẹ Ọrovwohwo tare kpahe Babilọn, kpahe otọ rẹ ihwo ri Kaldia vwẹ oma ri Jerimaya rẹ ọmraro na:

Jerimaya 50:1 Referans Kwoze

2 Pita 1:21

fikiridie o vwo aroẹmrẹ ọvuọvo ro di nẹ udu rẹ obọ rẹ ohwo cha-a, ẹkẹvuọvo ihwo rẹ Erhi Ọfuanfon na muru re ta ota ro nẹ obọ rẹ Ọghẹnẹ rhe.

Iruo rẹ Iyinkọn na 7:4

Etiyin o de vrẹn nẹ otọ ri Kaldia, ọ da ra dia Haran. Rẹ Ọsẹ rọye vwọ ghwu nu, Ọghẹnẹ da reyọ nẹ etiyin rhe otọ nana rẹ ovwan dia na;

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Aizaya 23:13

Nighere otọ rẹ ihwo ri Kaldia. Ọna hẹ ihwo na; o dia Asiria-a Akpọ-eyere ri Taya da họhọ akpọ-eyere rẹ eranvwe re djoma. Ayen bọn ẹgedẹge rẹ imu rayen nure, ayen kprọ ighẹn rayen ejobi te otọ, ayen ruru phihọ erhurhu.

Aizaya 14:4

ke wa so une rẹ ehwẹjẹ nana kpahe ovie ri Babilọn. Mavọ ọ ro shenyẹ ihwo na vwọ fọ, ọharhe eka na vwo fotovwi!

ỌBE RẸ JOB 1:17

Rọ je ghwa vwọ ta ota na, ofa da djẹ rhe, tanẹ, Ihwo ri Kaldia de koko unuofovwi erha, ayen de gborho kamẹl na ayen da ghwẹ ayen reyọ, ayen da vwẹ ọlọkọ hwe idibo na, mẹvwẹ ọvo kọye vabọ rhe vuẹ we na.

2 Samuẹl 23:2

Erhi rẹ Ọrovwohwo wan oma mẹ ta ota rọye hẹ ẹrevwe mẹ.

Jẹnẹsis 11:31

Terah da reyọ Ebram rẹ ọmọ rọye vi Lọt rẹ ọmọ ri Haran, rẹ ovwrọmọ rọye, vi Serai rẹ aye rẹ ọmọ rọye Ebram, ayen ejobi de ku usun phihọ ni Ur ri Kaldia vwo kpo Kenan, ẹkẹvuọvo rẹ ayen vwo te Haran ayen da daji Etiyin.

Jẹnẹsis 10:10

Emuophihọ rẹ uvie rọye ki Babẹl, Erẹk kugbe Akad, enana ejobi kẹ otọ ri Shinar epha.

Ẹvwọphia 14:8

Amakashe ọfa, ọrivẹ, de nene, rọ tanẹ, Osheri, osheri, Babilọn rẹ orere rode na sheri, wẹ rọ vwẹ igberadja wẹn mu ẹgborho ejobi na.

Jẹnẹsis 11:9

Fiki rẹ ọtiọye na e de se odẹ rọye Babẹl, fikiridie Etiyin Ọrovwohwo de zighi ephẹrẹ rẹ akpọ na ejobi, kẹ Etiyin rhe Ọrovwohwo da hra ayen nene enu rẹ akpọ na ejobi.

Ivie rẹ Ivẹ 17:24

Ovie rẹ Asiria da kua ihwo nẹ Babilọn rhe, vẹ Kuta, vẹ Ava, Hamat, vi Sefavem rhe, ọ da ghwẹ ayen phihọ irere ri Sameria ra kua ihwo rẹ Izrẹl nu na, ayen de rhe vwo Sameria, ayen de yeri irere rọye.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Daniẹl 1:1

Vwẹ ukpe rerha ri Jehoiakim vwọ hẹ ovie ri Juda, etiyin Nebukadreza, ovie ri Babilọn da ghwẹ unuofovwi rọye rhe vwọ gba riariẹ Jerusalẹm phihọ.