Jerimaya 5:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Kidie a mrẹ ihwo umwemwu vwẹ ohri rẹ ihwo mẹ; ayen rhẹrẹ pẹpẹ kerẹ ọkpaufi rẹ ọphran rọ rhẹrẹ. Ayen kpahe ufi, ayen mu Ihwo.

Jerimaya 5:26 Referans Kwoze

Isẹ 1:11

Ayen de se we nẹ, Yanrhe rere me re fiọnko hẹrhẹ ọbara, jẹn avwanre ra hwa hẹrhẹ ọvwata na:

Jerimaya 18:22

E je nyo oviẹ vwẹ iwevwi rayen, vwẹ ọke wo de ji igbulegbu bru ayen ra kpregede! Kidie ayen tọn ọgọdọ re mi she ruọ, ayen kpahe ufi hẹrhẹ ovwẹ.

Une rẹ Ejiro 64:5

Ayen churu obọ mu iroro omiomiovwi rayen na kokoroko, ayen bẹbẹ ta ota re ufi ẹkpahọ, ayen roro nẹ, Kono sa mrẹ avwanre?

Iyẹnrẹ Esiri ri Luk 5:10

ọtiọye ji te Jems vẹ Jọn, emọ ri Zẹbidi, rẹ irivẹ ri Saimọn. Jesu da ta kẹ Saimọn, Wọ djẹ oshọ-ọ; kẹ etinẹ yanran ku wo hwe iyeri rẹ ihwo.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Aizaya 32:7

Irhurhu re ohwo rhurhu imiomiovwi; iroro umwemwu ọye ọvo ọ roro rọ vwẹ efian ghwọrọ ọvwiọgbere, owene ẹdjọ re ovwuvwọhwo na phiọre.

Jerimaya 9:8

Ẹrẹnvwe rayen vẹ obi kerẹ odada; Ota rẹ ophiẹnvwe ọ ta; dohwo dunu rọye vwọ ta ọta rẹ ufuoma kẹ ọrivẹ rọye, yẹ iroro ro vwo hwe hẹ udu rọye.

Jerimaya 18:20

A san vwẹ umiovwo vwọ hwa osa rẹ erhuvwu? Dede na ye ayen tọn ọgọdọ kẹ arhọ mẹ. Karohọ obo ri mi mudia vwẹ obaro wẹn vwọ ta ota yoyovwi kpahe ayen, wo vwo ku ophu wẹn rhẹriẹ nẹ oma rẹ ayen.

Maika 6:10

Kẹ uvumwemwu rọ he evun rẹ uwevwi rọye sa chọrọ ovwẹ ẹro kugbe ovwanvwọn rẹ umwemwu ra harhere na?

Maika 7:2

Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.