Jerimaya 5:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Wa djẹ oshọ me-e? eriyin Ọrovwohwo na tare ovwan rha phariẹ vwẹ obaro mẹ-ẹ? Me vwẹ ubu na jẹn ugbwru kẹ abadi ugbere ri bẹdẹ ro jẹ sa wan vrẹn; owenẹ abadi na họnre dede, ayen sa shariẹ-ẹ, owenẹ omimi na kpare ayen sa wan vrẹ-ẹn.

Jerimaya 5:22 Referans Kwoze

Une rẹ Ejiro 104:9

Wọwẹ ri gbere ughwru phihọ rẹ ayen jẹ sa shariẹ, rere ayen vwọ jẹn otọ na ekuo ọfa.

ỌBE RẸ JOB 26:10

O de si usi riariẹ enu rẹ ame rọ dia ughwru kẹ elo vẹ ebri.

Isẹ 8:29

Ọke ro vwo gberi ughwru kẹ abadi na, rere ame na vwo jẹ urhi rọye ẹchọ, kugbe ọke rẹ ọye ọvo vwọ tọn uchivwo rẹ akpọ na phihọ,

Une rẹ Ejiro 119:120

Uvwo mẹ phariẹ fiki rẹ oshọ wẹn. oshọ re orhiebro wẹn mu vwe.

Urhi Rivẹ 28:58

Ọ da dianẹ ovwan rha jomaotọ dẹndẹn vwọ yọnrọn eta rẹ urhi nana re si phihọ ọbe nana-a rẹ ovwan da djẹ oshọ rẹ odẹ rẹ urinrin ro mu oshọ na, Ọrovwohwo Ọghẹnẹ rẹ ovwan na-a;

Nahum 1:4

Ọ ghwọ ku abadi ọ da kpọ yamu, ọ da nẹrhẹ irhie na ejobi kpọ yamu; Beshan kugbe Karmẹl de vwioro, ẹbe djidji ri Lebanọn ejobi fare.

Jerimaya 10:7

Ono jẹ oshọ wẹn ẹdjẹ, E Ovie rẹ ẹgborho na? Kidie ọna ẹkẹn ro te we, kidie vwẹ uherevie rẹ ẹgborho rẹ ọvweghwanre na ejobi kugbe evun rẹ uvie rayen na ejobi Ọ rọ hoho owẹ herọ-ọ.

Iyẹnrẹ Esiri ri Mak 4:39

O de vrẹn ọ da van ku aphopho na, ọ da ta kẹ abadi na, Fọ, wọ dia riei Aphopho na da fọ, ẹfọ ri riei rode da rhe.

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.

Emọs 9:6

Ohwo rọ bọn uvun rọye kpenu vwẹ obi irharheghe, rọ nẹrhẹ ẹmwa dia obotọ rẹ akpọ na; rọ se ame rẹ abadi na reyọ, o mi kuo phihọ enu rẹ akpọ na–-Ọrovwohwo na ọye odẹ rọye.

Une rẹ Ejiro 99:1

Ọrovwohwo na ria uvie, jẹn ihwo na phariẹ! O tidia phihọ ekete rọ hẹ enu ri cherubim, jẹn akpọ na kpogho!

Une rẹ Ejiro 33:7

Ọ ghwẹ ame rẹ urhie koko kerẹsiẹ re ku ame phihọ ọgọ; o de phi okokodo na ejobi phihọ evun.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Iyẹnrẹ Esiri ri Luk 12:5

Ẹkẹvuọvo mi dje ohwo rẹ ovwan djẹ oshọ rọye kẹ ovwan; Djẹ oshọ rẹ ohwo ro de hwe nu o mi vwo ogangan ro vwo mu phihọ erhanre; e, Me ta kẹ wẹ, djẹ oshọ rọye!

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Aizaya 66:5

Nyo ota rẹ Ọrovwohwo na, ovwan re phariẹ kẹ ota rọye. Imoni wẹn ri tuoma wẹ re dje wẹ kufia fiki rẹ odẹ Mẹ tare nẹ, E ja vwẹ urinrin kẹ Ọrovwohwo, rere avwanre vwọ mrẹ aghọghọ wẹn, ẹkẹvuọvo ayen ihwo rẹ oma cha vo.

Jẹnẹsis 1:9

Ọghẹnẹ da ta, Gbe jẹn ame rẹ otọ rẹ odjuvwu na rhi koko oma vwẹ asan ọvo, rere e ji otọ ọyaya vwẹ oma phia. Ọ da ghene dia ọtiọye.

ỌBE RẸ JOB 38:8

Eyẹ kono re karẹ ẹchẹ gbe abadi na, ọke ro de turẹ nẹ ẹtẹrhe rọye rhe,

Une rẹ Ejiro 46:3

ọ da tobọ dianẹ ame rọye do ro de gbe iphughẹ, rọ da tobọ dianẹ edo rọye muẹ igbenu kpogho dede.

Aizaya 64:2

kerẹ ọke re de koko erhanre phihọ ehẹbe re erhanre da nẹrhẹ ame họrhọ re ivwighrẹ wẹn vwọ riẹn odẹ wẹn, re ẹgborho na de kpogho vwẹ obaro wẹn!

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Emọs 4:12

Fiki rẹ ọtiọye na ke enẹ mi che ru kẹ ovwan, E Iziẹl, fiki robo mi che vwo ru ọnana kẹ ovwan na, choma wọ ra vwa Ọghẹnẹ wẹn, E Izrẹl.

1 Ivie 13:28

ọ da yanran ra mrẹ orivwi rọye ra kpare phihọ idjerhe, te ekẹtẹkẹtẹ na te okpohrokpo na mudia kẹrẹ orivwi rọye. Okpohrokpo na je re orivwi na-a. eyẹ ke chaghọ ekẹtẹkẹtẹ na-a.

ỌBE RẸ JOB 37:24

Fiki rẹ ọtioye ihwo rẹ akpo wa djẹ oshọ rọye; o se ohwo rọ ghwanre ọvuọvo gbẹ emu vwẹ evun rẹ aghwanrẹ rọye-e.

Jerimaya 31:35

Enẹ Ọrovwohwo na tare, ọ rọ ma ọnre ra vwọ mrorẹ vwẹ uvo, ọ da gbẹn idjerhe kẹ emeranvwe vẹ isiọ re dia urhukpẹ kẹ ason. Ọ rọ kpare ame rẹ urhie rọ da sẹghẹ; Ọrovwohwo rẹ otuofovwi ọye hẹ odẹ rọye.

Jona 1:16

Etiyin oshọ rẹ Ọrovwohwo de mu ihwo na gangan, ayen de ze izobo kẹ Ọrovwohwo ayen de ve ive kẹ.