Jerimaya 49:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ da dianẹ otu re kọrọ otie de bru wẹ rhe, ayen rha kọrọ chekọ? Ọ da dianẹ iji rhere vwẹ asọn, Ọ dia ọ rọ te kẹ ayen ọvo ayen ghwọrọ?

Jerimaya 49:9 Referans Kwoze

Aizaya 17:6

Ka kọrọ ẹvo chekọ vwọ, kere ẹsiẹn ra da gbẹrhiẹn urhe rẹ oliv eduru ivẹ eyẹ erha mi rhi chekọ vwẹ obi Irharheghe, ẹne eyẹ iyori vwẹ eghọn rẹ urhe rọ mọ na, eriyin Ọrovwohwo Ọghẹnẹ rẹ Izrẹl tare.

Livitikọs 19:9

Ọke we de che vun emu rẹ orho rẹ aghwa rẹ ovwan, ovwan rhe vuẹn te orhogba rẹ udju na-a, ovwan de ji vun nu ovwan rhe rhivwi yanran re gbugbo vwọ-ọ.

Jerimaya 6:9

Enẹ Ọrovwohwo rẹ otuofovwi na tare. Gbo otu ri chekọ vwẹ Izrẹl; Ọtiobo re gbo vain, gba vwẹ obọ wẹn wan rhe kerẹ ohwo rọ kọrọ otiẹ vwẹ enu rẹ eghọn rọye.