Jerimaya 49:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Itughẹ rayen vẹ ekru rẹ igegede rayen na, emwa rẹ anurhoro vẹ ekuakua rayen ejobi kamel rayen ejobi e che mu ayen jẹn ayen vwo, ihwo ki che kperi kẹ ayen: Oshẹọdjẹ kọ dia vwẹ asan ejobi!

Jerimaya 49:29 Referans Kwoze

Jerimaya 46:5

Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.

Jerimaya 6:25

Wa yan kpo evun rẹ aghwa na rẹ, wa je yan vwẹ idjerhe na-a, kidie ọvweghrẹ na yọnrọn ọlọkọ vwẹ obọ oshọ herọ vwi kabọ kabọ.

Habakọk 3:7

Me da mrẹ itughẹ ri Kushan re hẹ ukpokpogho, emwa rẹ inurhoro rẹ otọ ri Midian ki muẹ phariẹ.

Une rẹ Ejiro 120:5

Ekan kẹ vwẹ, mi vwo beghe vwi Mẹshẹk, re me vwọ dia ohri rẹ itughẹ ri Kedar!

2 Kọrẹnt 7:5

Kidie rẹ avwanre vwo te Masidonia, oma fu avwanre-e ẹkẹvuọvo ukpokpogho vwi kabọ kabọ–ohọnre vwẹ otafe kugbe oshọ vwẹ obo evun.

2 Kọrẹnt 4:8

A lagha avwanre vwẹ idjerhe kidjerhe, ẹkẹvuọvo yẹ a pẹtiẹ avwanre-e; ofu dje avwanre, ẹkẹvuọvo ye siẹro nu-u;

Jerimaya 49:24

Damaskọs hirhe phihọ ọvwiẹrẹ re, o kuoma rhẹriẹ kọ djẹ, uguegue de muo; uvwerhe vẹ oja gbarọ kokoroko, kerẹ aye rọ chuẹ uvwiẹ.

Jerimaya 10:20

Aghwọrọ utughẹ mẹ ifi mẹ ejobi sanvwere, emọ mẹ yan juvwe vwo ayen gbe herọ-ọ, ohwo ro si utughẹ mẹ phihọ rọ da vwẹ amwan tan gbe herọ-ọ.

Jerimaya 4:20

Ẹguọghọ nene ẹguọghọ, otọ na ejobi kọ cha dia ofefe kpregede a teyọ itughẹ mẹ she, ibọkpọ mẹ vwẹ ẹro ẹbrẹ na.

Aizaya 60:7

Uchuru ri Keda ejobi ke ghwẹ koko bru we rhe, egho ri Nebaiọth che gbe odibo kẹ wẹ, ayen cha rhe vẹ ẹreyọ vwẹ enu rẹ ẹshẹ Mẹ, ke Me vwẹ ejiro kẹ uwevwi rẹ urinrin mẹ na.

Aizaya 13:20

A gbe sa vwọ reuku bẹdẹ-ẹ eyẹ e gbi yere vwẹ uvwiẹ na bẹdẹ-ẹ, ohwo rẹ Arebia ọvuọvo gbe sa bọn utughẹ phihọ-ọ ọsuigodẹ ọvuọvo sa vwẹ igodẹ rọye sherhe otọ vwẹ ẹtiyi-i.

Une rẹ Ejiro 31:13

E, mi nyo ophiọrọ re otu buebu– oshọ vwi kabọ kabọ– rẹ ayen vwọ rua ero kpahe ovwẹ, rẹ ayen vwọ jẹ iroro re vwo hwe vwe!–

ỌBE RẸ JOB 1:3

O vwo igegede uriorin ighwrẹ, kamẹl uriorin erha, irhuẹn ivive ra vwọ ya ohwohwo ujorin iyori, kugbe ekẹtẹkẹtẹ ujorin iyori, vẹ idibo buebu; eriyin na ohwo nana kọye ma rho vwẹ obaro ọnre na ejobi.

Iguẹdjọ 8:26

Ọnyẹn rẹ isan rẹ erhọ rẹ oro ra vwọ kẹ na da họhọ te ovwanvwọn rẹ oro ri Shekel uriori kugbe ujori ighwrẹn; ji kugbe ekuakua rẹ eheri buebu, kugbe ikoro rẹ ehọvwore, kugbe emwa rẹ ivie ri Midian na vwo rhuo, kugbe ejọnrọn rẹ ọhọre rẹ iyesi rayen.

Iguẹdjọ 8:21

Etiyin Zeba vi Zalmunna da tanẹ, Gbe vrẹn kẹ oma wẹn, rere wo she nyẹ avwanre; kidie kirobo rẹ ohwo ẹpha, ọtiọye ọgangan rọye je epha. Gidiọn de vrẹn o de hwe Zeba vi Zalmunna; ọ da reyọ ekuakua rẹ eheri rẹ ohọnre rẹ iyesi rayen.

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

Iguẹdjọ 6:5

Fikiridie ayen vẹ uchuru rẹ ayen kugbe itughẹ rẹ ayen, Me ghwiẹ rhe kerẹ otu rẹ ebaka re se keri-i ayen kugbe iyesi buebu re se keri-i, ayen Me rhe guọghọ otọ na fiotọ.

Jẹnẹsis 37:25

Ayen tidia te otọ kẹ ayen ria emu, ayen vwọ kpare opharo ayen da mrẹ usun rẹ ihwo rẹ Ishmael ri nẹ Giliad cha, vẹ usun rẹ iyesi rayen re ghwa orhọrhe, adjija, kugbe egẹ, re yanran kpo Ijipt.

Jerimaya 49:5

Nighe, me cha vwẹ oshọ ẹdjẹ vwo rhe we, eriyin Ọrovwohwo Ọghẹnẹ rẹ otuofovwi na tare, nẹ obọ rẹ otu re yariẹ owẹ phihọ ejobi, ka cha djẹ wẹ phia, dohwo dasa ro vwo gbe, o gbi vwo ohwo ro se koko isoghoro na-a.