Jerimaya 48:40 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁰ Kidie enẹ Ọrovwohwo tare: Nighe, ọvo cha rhan pherephere kerẹ ugo, kọ bẹrẹ ibekpe rọye sa Moab,

Jerimaya 48:40 Referans Kwoze

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e

Jerimaya 49:22

Nighe, ọvo cha kparoma rọ da rhan pherephere kerẹ ugo, ko rhie ibekpe rọye phihọ kpahe Bọzra, udu rẹ egbofovwi rẹ Idọm vwẹ ẹdẹ yena ke họhọ ọ rẹ aye rọ chuẹ uvwiẹ,

Hosia 8:1

Phi owanre na phihọ unu wẹn, kidie udene ọ hẹ enu rẹ uwevwi rẹ Ọrovwohwo, kidie ayen miovwo ọphọ mẹ, ayen da chọ urhi mẹ.

Izikiẹl 17:3

ta, Enẹ Ọrovwohwo Ọghẹne tare Ugo rode vẹ ibekpe rode kugbe ugbunu piọnpiọn, vẹ iphoro jigbri dohwo doka rọye, da rhe Lebanọn rhi fru enu rẹ igẹdu reyọ,

Habakọk 1:8

Iyesi rayen djẹ onẹ phẹre nọ edjanakpo, i muoshọ nẹ ikpohrokpo rẹ ovwọnvwọn; otu re gua iyesi rayen ra gọlọ hẹ obaro. Uyota, otu re gua iyesi rayen ogboko i nurhe, e rhan kerẹ ugo rọ mrẹ obo ro re fru.

Daniẹl 7:4

Ọ rẹsosuọ da họhọ okpohrokpo vẹ ibekpe rẹ ugo. Ọke mi vwo no re a da sanvwẹ ibekpe rọye nu, a da kparọ nẹ otọ e de vwo mudia vwẹ awọ rọye ivẹ kerẹ ohwo; iroro rẹ ohwo kọye a vwọ kẹ.

Uvwerhe 4:19

E re vwọ tua avwanre na djẹ phẹre nọ avwanre, nọ ekala re hẹ obenu e vwọ tua avwanre vwẹ enu rẹ igbenu; ayen fiọnko hẹrhẹ avwanre vwẹ evun rẹ aghwa.

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Isẹ 30:19

Idjerhe rẹ ugo rhan wan vwẹ obenu, idjerhe rẹ ọrọdekọ vwẹ enu rẹ oragha, idjerhe rẹ okọ biẹ vwẹ abadi rode, kugbe uruemu rẹ ọshare vẹ ọmọtẹ.

Aizaya 11:14

Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.