Jerimaya 48:33 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³³ Omavwerhovwẹ vẹ aghọghọ a reyọ ayen yanran nẹ otọ oyoyovwi ri Moab; Mẹvwẹ re da iwani ji vwẹ asan re de mio, ohwo ọvuọvo rha vwẹ aghọghọ chiyi aye-en, edo na gbe dia edo rẹ aghọghọ-ọ.

Jerimaya 48:33 Referans Kwoze

Hegae 2:16

Mavọ eyere rẹ ovwan epha? Siẹ rẹ ohwo ọvo da yan te asan rẹ ovwanvwọn uje epha jovwo, ihwe ọvo kọye herọ; siẹ rẹ ohwo ọvo de te okọ ri vain re ọ jẹ ovwanvwọn ujuvẹ gbe ihwe reyọ, uje ọvo kọye ọ cha mrẹ.

Aizaya 5:10

Kidie ẹbẹre otọ ihwe ri vain gbe sa vọu oze-e kugbe egheghẹre re ibi ra kọnre gbe sa vọn iputusẹ-ẹ.

Joẹl 1:16

Ọ dianẹ a ghwọrọ emuọre na kuẹfia vwẹ irharo rẹ ovwan na, te aghọghọ te omavwerhe nẹ uwevwi rẹ Ọghẹnẹ wẹn?

Joẹl 1:5

Vrẹn, ovwan igbaudu, re wa viẹ; we beroma, ovwan ihwo ejobi re da udi, fiki rẹ udi rọ miẹmiẹ, kidie e kuro kufia nẹ unu wẹn.

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Aizaya 7:23

Vwẹ ẹdẹ yena kasan kasan rẹ irhe ri vain uriori djẹ phihọ, re ghare te ovwanvwọn rẹ idọnọ uriori ko che hirhe phihọ ekpia vẹ Idjighe.

Emọs 5:17

vwẹ ogba ri vain ejobi kọ cha vọn vẹ omaebere kidie Me cha wan ohri rẹ ovwan vrẹn, eriyin Ọrovwohwo na tare.