Jerimaya 48:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Ọtiọye na ke me viẹ kẹ Moab, Mi kperi phia ke Moab ejobi, ihwo rẹ Kiheres mi muoma phihọ kẹ.

Jerimaya 48:31 Referans Kwoze

Aizaya 15:5

Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Ivie rẹ Ivẹ 3:25

Ayen da guọghọ irere rayen, ayen de phi ibieragha phihọ otọ esiri na bẹsiẹ e vwọ vọn; ayen de gbe ogbugbu rẹ ame ejobi, ayen de she ivi rẹ irhe ejobi phihọ otọ; bẹsiẹ rẹ ibieragha ri Kahareset ọvo ri chekọ; esedada da yariẹ phihọ, ayen da guọghọ.

Jerimaya 48:36

Ọtiọye na udu mẹ ko vwerhoma oma kẹ Moab kerẹ owanre, udu me je vwerhoma kerẹ owanre kẹ ihwo ri Kaheres; vwẹ ọtiọye na efe rẹ ayen kọn koko da ghwọrọ.