Jerimaya 48:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Kpahe Moab,. Enẹ Ọrovwohwo rẹ otuofovwi, Ọghẹnẹ rẹ Izrẹl tare: Ekan ki Nebo, kidie a ghwọerọ a vwẹ ọmavovwẹ kẹ Kiriataim, a reyerọ; ọgba na a vwẹ rọ jehwẹ a ghwọerọ te otọ;

Jerimaya 48:1 Referans Kwoze

Ukeri 32:3

Atarọt, Dibon, Jazer, Nimrah, Hẹshbọn, Elealeh, Sebam, Nebo, kugbe Beọn,

Jerimaya 25:21

Idọm, Moab, kugbe emọ rẹ Ammọn.

Jerimaya 27:3

Vwẹ ovuẹ rhe ovie rẹ Idọm, kugbe ovie ri Moab, vẹ ovie rẹ emọ rẹ Ammọn, vwo rhe ovie ri Taya, ji rhe ovie ri Saidọn vwẹ obọ rẹ ikọn rọ rhe Jerusalẹm bru Zedikaya rẹ ovie ri Juda rhe.

Jerimaya 9:26

Ijipt, Juda, Idọm, emọ rẹ Ammọn, Moab, kugbe otu re dia aton ejobi ri bru akakọ rẹ ẹto rayen, kidie ẹgborho nana yanvwere-e a je yanvwe uwevwi rẹ Izrẹl ejobi vwẹ udu-u.

Aizaya 27:3

Mẹvwẹ rẹ Ọrovwohwo, ọye vwẹ ẹro te, kọke kọke mi vwo ku ame kuo. O dia ọtiọye-e ohwo de rhe miovwo Me rhẹrẹ te ason te uvo,

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

2 Ikun rẹ Ivie 20:10

Asakiephana gbe nighe, ihwo rẹ Ammọn vi Moab kugbe ugbenu ri Seir, ro wọ djẹ Izrẹl nẹ ayen phiẹ-ẹ vwẹ ọke rẹ ayen vwo nẹ otọ rẹ Ijipt cha, rẹ ayen kẹnẹ oma kẹ rẹ ayen guọghọre-e–

Ukeri 33:47

Ayen de mu oyan nẹ Almondiblataim, ayen de mu erhọn phihọ igbenu rẹ Abarim, ra vrẹn nẹ te Nebo.

Ukeri 24:17

Me mrẹrẹ, ẹkẹvuọvo yọ dia asakiephana-a, mi niro ẹkẹvuọvo o si kẹrẹ-ẹ isio ọvo che nẹ oma ri Jekọp rhe ọkpọ ọvo che nẹ evun rẹ Izrẹl rhe; Kọ cha guọghọ uyovwi ri Moab, ko che vwirhi emọ ri Shet kuotọ.

Jẹnẹsis 19:37

Ọ rẹ ọkpako na de vwiẹ ọmọshare, o de se odẹ rọye Moab, kọye ọsẹ rẹ ihwo ri Moab rhi te nonẹ na.

Joshua 13:19

vẹ Kiriataim, vẹ Sibmah, vẹ Zeretshahar vwẹ enu rẹ ugbenu vwẹ obo iyara,

Jẹnẹsis 14:5

Vwẹ ikpe ihwẹne rẹ Chedor-laomer kugbe ivie re vẹ ọye gba obọ na da rhe re họnre Rifem vwi Ashterof-karnaim, Zuzim vwi Ham, Emim vwi Shaveh-kiria-taim,

Aizaya 25:12

Ogba rọ gba kpenu kokoroko na ejobi ka guọghọ igbẹhẹn rọye te otọ riẹriẹriẹ, guọghọ kporo phihọ otọ, ro hirhe phihọ iwurhie.