Jerimaya 47:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ fiki rẹ ẹdẹ rọ cha guọghọ ihwo rẹ Filistia ejobi, rọ che bru kufia ni Taya vi Saidọn kọchuko kọchuko ro che chekọ. Kidie Ọrovwohwo herọ ghwọrọ ihwo ri Filistia, umuku ri chekọ vwẹ erhuru ri Kaftọ.

Jerimaya 47:4 Referans Kwoze

Emọs 9:7

Ọ dianẹ wọ họhọ ihwo rẹ Etiopia kẹ vwẹ? E ihwo rẹ Izrẹl? eriyin Ọrovwohwo na tare, Ọ dia omẹvwẹ ri si Izrẹl nẹ otọ rẹ Ijipt rhe, vẹ ihwo ri Filistia nẹ Kaftọ rhe vẹ Siria nẹ Kir rhe?

Aizaya 20:6

Ihwo re dia erhuru nana ejobi ke cha ta vwẹ ẹdẹ yena, Nighere, Ọnana obo re phiare kẹ ihwo rẹ avwanre vwẹ ẹro so rẹ avwanre djẹ bru nẹ e cha avwanre uko sivwi avwanre nẹ obọ rẹ ovie rẹ Asiria. Avwanre, komavọ avwanre vwọ sa vabọ?

Urhi Rivẹ 2:23

Ji te Avim ihwo re dia ighwre siẹ re de kpo Gaza na, Kaftọrim, ihwo ri ni Kafto rhe na, da ghwọrọ ayen, ayen da dia ẹdia rayen.)

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.

Izikiẹl 21:29

rẹ ayen vwọ mrẹ emramrẹ rẹ efian kẹ wẹ, rẹ ayen vwọ bọ epha rẹ efian kẹ wẹ–rere a vwọ ya ohọre rẹ ọ ro jẹfuọn ohwo umwemwu na, rẹ ẹdẹ rọye gba nure na, ọke rẹ ehwe rẹ obo oba rọye te re.

Izikiẹl 21:25

Wẹ rhe, E ọ ro jẹfuọn, ohwo umwemwu na, ovie rẹ Izrẹl, ọ rẹ ẹdẹ rọye gba nure na, ọke rẹ ehwe wẹn rẹ oba gbare,

Izikiẹl 7:12

Ọke na rhire, ẹdẹ na si kẹrire. E jẹn ohwo rọ de ghọghọ-ọ eyẹ ohwo rọ shẹ muomahọ-ọ, kidie ivuemiovwo ọ hẹ enu rẹ ẹgbotu rayen ejobi.

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Une rẹ Ejiro 37:13

ẹkẹvuọvo Ọrovwohwo ra hwẹ ohwo umwemwu, kidie ọ mrẹre nẹ ẹdẹ rọye ra cha.

Iyẹnrẹ Esiri ri Luk 21:22

Kidie enana ẹdẹ rẹ ihriẹriọ, rere obo re siri na vwọ gba.

Izikiẹl 30:8

Etiyin ayen ke riẹn nẹ mẹvwẹ Ọrovwohwo na, ọke ri mi de duvwu erhanre phihọ Ijipt, ichuko rọye ejobi ka guọghọ ayen.

Izikiẹl 25:16

fiki rẹ ọtiọye na e nẹ Ọrovwohwo Ọghẹnẹ tare, Nighe, ke me riẹn obọ mẹ vwọ kpahe ihwo ri Filistia, ke me fian ihwo ri Kẹrẹt kufia, ka guọghọ erhuru rayen ri chekọ.

Aizaya 31:8

Ihwo rẹ Asiria ke wan oma re ọlọkọ she, ọ dia ọlọkọ re ohwo-o, ọlọkọ ọvo, ọ dia re ohwo-o, kọ ghworọ, Ko cha dje ke ọlọkọ na, imighene rọye ke ghwa oghwa ri karia.

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

ỌBE RẸ JOB 9:13

Ọghẹnẹ che se ophu rọye reyọ-ọ; obotọ rọye ichuko re Rehab diguẹ phihọ.

1 Ikun rẹ Ivie 1:12

Patrusim Kasluhim (oma rọye ihwo ri Filistia nurhe), kugbe Kaftorim.

Joshua 22:30

Ọke ri Finehas rẹ orherẹn na kugbe ehọnvwọre rẹ ukoko na, igbuyovwi rẹ ekru rẹ Izrẹl re vẹ ọye gba herọ, vwo nyo eta rẹ ihwo ri Rubẹn na kugbe ihwo ri Gad kugbe ihwo ri Manasse tare, o de je ayen gangan.

Jẹnẹsis 10:15

Kenan kọye ọsẹ ri Sidọn, ọmọkpako rọye, kugbe Hẹt,

Aizaya 14:31

Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.