Jerimaya 47:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Enẹ Ọrovwohwo na tare: Nighe, ame herọ kpara nẹ obọrhe ọnre cha, O cha djẹ ọkẹre reghereghe ayen che reghe otọ na vẹ obo re vọnrọn ejobi. Orere na kugbe otu re dia evun rọye. Ihwo che kperi phia, ohwo kohwo rọ hẹ otọ na ejobi che beroma.

Jerimaya 47:2 Referans Kwoze

Jerimaya 46:20

Ijipt umuomuo rẹ erhuẹn ro yovwiri, ẹkẹvuọvo egbaregba che nẹ obọrhe ọnre bro cha.

Jerimaya 8:16

Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Jerimaya 1:14

Ọrovwohwo da rha ta kẹ vwẹ, obọhwẹre ọnre na okpetu che nẹ brẹ ihwo rẹ otọ na cha.

Ẹvwọphia 17:15

Ọ da ta kẹ vwẹ, Ame na re wọ mrẹre na, vwẹ asan rẹ igberadja na tidia na, ayen hẹ ihwo kugbe urogho kugbe ẹgborho kugbe ephẹrẹ.

Ẹvwọphia 17:1

Amakashe ọvo vwẹ usun rẹ emakashe ighwrẹ na ri mu idjokpo ighwrẹ na da rhe ọ da ta kẹ vwẹ, Yanrhe, re me vwẹ orhiẹn re bruhwe igberadja ro tidia enu rẹ ame buebu na nẹ wẹ,

Jems 5:1

Edafe na, ovwan mọ, wa viẹ we bunu vwọ kẹ ukpokpogho ro bru ovwan cha na.

1 Kọrẹnt 10:28

Ẹkẹvuọvo ohwo ọvo da ta kẹ owẹ nẹ, A vwẹ ọnana gọ iye, fiki rẹ eroro kẹ ohwo rọ vnẹ wẹ na jovwo–

1 Kọrẹnt 10:26

Kidie akpọ na ọ rẹ Ọrovwohwo kugbe obo re hẹ evun rọye.

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.

Daniẹl 11:22

Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.

Jerimaya 48:39

Mavọ ọ guọgherọ vwo! Mavọ ayen viẹ vwọ! Mavọ Moab vwẹ omaẹvuọ chuko ku! Eriyin na Moab vwo hirhe phihọ ehwẹjẹ vẹ emuọshọ kẹ otu re yarierẹ phihọ ejobi.

Jerimaya 46:13

Ota rẹ Ọrovwohwo ta kẹ Jerimaya rẹ omraro na kpahe echa ri Nebukadreza ovie ri Babilọn re ọ rhe kua otọ rẹ Ijipt na:

Aizaya 59:19

Ọtiọye na kẹ ayen cha djẹ oshọ rẹ Ọrovwohwo nẹ obuko ọnre rhe, urinrin rọye nẹ ẹvacha rẹ ọnre rhe, ọ cha rhe kerẹ uto rọ dje ọkẹre rẹ odju rẹ Ọrovwohwo muẹ vwọ djẹ.

Aizaya 28:17

Ki mi ru usi na dia ọsoso ọvwata ke rha he ovwanvwọn na, ogiribo ko che hwerhe odjahọ rẹ efian na kufia, ame ko che phoro urhurho na.

Aizaya 22:1

Arọẹmrẹ kpahe iyara rẹ emramrẹ. Die wo rori ri wo vwo yeri kpenu, ovwan ejobi, vwo yeri kpo enu re uwevwi,

Aizaya 15:8

Kidie unuebo tọnre o nene otọ ri Moab ejobi re; omebere na te Eglaim re, omebere na ji te Eẹẹrẹlim.

Aizaya 14:31

Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.

Une rẹ Ejiro 98:7

Jẹn abadi na ghọghọ, kugbe obo re vọnrọ na ejobi; akpọ na kugbe ọbo re dia na ejobi!

Une rẹ Ejiro 96:11

Jẹn odjuvwu ghọghọ, re jẹn oma vwerhe akpọ na, jẹn abadi na do, kugbe obo re vọnrọ na ejobi,

Une rẹ Ejiro 50:12

Ọ da dianẹ owẹvwe hwe vwe, me sa ta kẹ wẹ-ẹ; kidie akpọ na kugbe obo re herọ ejobi na e mẹ.

Une rẹ Ejiro 24:1

Akpọ na o rẹ Ọrovwohwo kugbe obo re vọnrọ ejobi, akpọ na kugbe obo re dia evun rọye ejobi;

Jerimaya 6:22

Enẹ Ọrovwohwo na tare: Nighe, ihwo evo nẹ obọhwẹre ọnre cha ẹgborho rode na ri tue nẹ ogboko, oba rẹ akpo na cha.

Jerimaya 46:12

Ẹgborho nyo umri rẹ omẹvuọ wẹn, oviẹ wẹn vọn akpọ na ejobi re; kidie ọgbofovwi yẹnghrẹ she teye ọgbofovwi; ayen ivẹ na de she ugbada.

Jerimaya 46:24

A cha vwẹ ọmọte rẹ Ijipt jehwẹ, e che phiọ phihọ obọ rẹ ihwo ri nẹ obọrhe ọnre cha.