Jerimaya 46:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Mi che phi ayen phihọ obọ rẹ otu re guọnọ ayen hwe, phihọ obọ ri Nebukadreza ovie ri Babilọn vẹ inotu rọye. Ukuko rọye ka cha dia Ijipt kerẹ ọke rẹ awanre ye, eriyin Ọrovwohwo tare.

Jerimaya 46:26 Referans Kwoze

Izikiẹl 32:11

Kidie enẹ Ọrovwohwo Ọghẹnẹ tare Ọlọkọ rẹ ovie ri Babilọn che bru we cha

Jerimaya 44:30

Enẹ Ọrovwohwo tarẹ, Nighe me cha vwẹ Fero Hofra ovie rẹ Ijipt phihọ obọ rẹ ivwighrẹ rọye ji kugbe obọ rẹ ihwo re guọnọ arhọ rọye hwe, kirobo mi phi Zedikaya ovie ri Juda phihọ obọ ri Nebukadreza ovie ri Babilọn na rọ dia ọvweghrẹ rọye rọ je guọnọ arhọ rọye hwe na.

Jerimaya 49:39

Ẹkẹvuọvo vwẹ ẹdẹ rẹ okuko vwobo me cha rhoma vwẹ erhuvwu rẹ Elam rhivwi rhe, eriyin Ọrovwohwo tare.

Jerimaya 48:47

Dede na me cha reyọ erhuvwu ri Moab rhivwi rhe vwẹ ẹdẹ rẹ okuko na, eriyin Ọrovwohwo tare Ọna hẹ oba rẹ orhiebro rẹ Moab.

Aizaya 19:4

Ki mi siobọ nẹ ihwo rẹ Ijipt vwọ kẹ onini rọ goma; ovie rọ djoma ko che sun ayen, eriyin Ọrovwohwo, Ọrovwohwo rẹ otuofovwi na tare.

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;