Jerimaya 46:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ọrovwohwo rẹ otuofovwi Ọghẹnẹ rẹ Izrẹl, tare nẹ: Nighe, mi che hwe Amọn ri Tibis, vi Fẹro, te Ijipt vẹ edjọ rọye kugbe ivie rọye, vwẹ enu ri Fẹro vẹ ihwo re vwẹ ẹro suọ.

Jerimaya 46:25 Referans Kwoze

Zẹfanaya 2:11

Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Ẹyano 12:12

Kidie me cha wan otọ rẹ Ijipt vrẹn vwẹ ason yena, ke me ghwiẹ emekpako rẹ otọ rẹ Ijipt ejobi hwe te ohwo te eranvwe, ke me vwẹ edjọ rẹ Ijipt ejobi guẹdjọ; Mẹvwẹ Ọrovwohwo na.

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Jerimaya 44:30

Enẹ Ọrovwohwo tarẹ, Nighe me cha vwẹ Fero Hofra ovie rẹ Ijipt phihọ obọ rẹ ivwighrẹ rọye ji kugbe obọ rẹ ihwo re guọnọ arhọ rọye hwe, kirobo mi phi Zedikaya ovie ri Juda phihọ obọ ri Nebukadreza ovie ri Babilọn na rọ dia ọvweghrẹ rọye rọ je guọnọ arhọ rọye hwe na.

Jerimaya 49:3

Beroma, E Hẹshbọn, kidie a ghwọrọ Ai te otọ! Wa vie, E emetẹ ri Rabba! vwẹ isiso rhuo oma wẹn, viẹ, re wọ djẹrhe djẹkpo vwẹ ohri rẹ ogba na! Kidie e che mu Milkọm, kugbe irherẹn vẹ isun rọye kpo ighuvwu.

Izikiẹl 30:22

Fiki rẹ ọtiọye na e nẹ Ọrovwohwo Ọghẹnẹ tare: Nighe, mi mu kpahe Fẹro ovie rẹ Ijipt, ki mi vwirhi igbabọ rọye, te igbabọ rọye rọ ganre te ọ re vwirhiri na; ki mi ruo re ọlọkọ de she vabọ.