Jerimaya 46:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ayen cha guọghọ egbo rọye te otọ, eriyin Ọrovwohwo tare, owenẹ e se dje uyovwi phihọ dede-e, fikiridie ayen bu nọ ebaka, e se kere aye-en.

Jerimaya 46:23 Referans Kwoze

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.

Iguẹdjọ 6:5

Fikiridie ayen vẹ uchuru rẹ ayen kugbe itughẹ rẹ ayen, Me ghwiẹ rhe kerẹ otu rẹ ebaka re se keri-i ayen kugbe iyesi buebu re se keri-i, ayen Me rhe guọghọ otọ na fiotọ.

Joẹl 2:25

Ke Me cha rhan ikpe na rhivwi ikpe re igurube na vwọ ghwọrọ na, ebaka na, eghwọghọ na, emegbọ na unuofovwi mẹ rode na, ri mi ji rhe ohri rẹ ovwan na.

Izikiẹl 20:46

Ọmọ rẹ ohwo, tọn opharo wẹn vi obukọ ọnre, ta ota kpahe obuko ọnre na, re wọ mraro kpahe otọ rẹ egbo rọ hẹ obi Nẹgẹb;

Aizaya 10:18

Urinrin rẹ egbo rọye kugbe otọ rọye re yovwẹ emu Ọrovwohwo cha ghwọrọ te ẹnwẹn kugbe oma, kọ dia kẹrẹ ẹsiẹ rẹ ohwo ro mwọga e de hrẹn mu.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 46:22

O kperi kerẹ ọrọdekọ ro kpanọ yanran, kidie ivwighrẹ rọye chihẹ nene gangan, a vwẹ ishurhe yan kpahọ, kerẹ ihwo ri she irhe.