Jerimaya 46:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² O kperi kerẹ ọrọdekọ ro kpanọ yanran, kidie ivwighrẹ rọye chihẹ nene gangan, a vwẹ ishurhe yan kpahọ, kerẹ ihwo ri she irhe.

Jerimaya 46:22 Referans Kwoze

Aizaya 29:4

Etiyin nẹ obo okokodo rẹ akpọ na wọ da ta ota phia, vwe ọbo otọ rẹ iwurhie ota wẹn che nurhe; urhuru wẹn cha mra nẹ evun rẹ otọ rhe kerẹ urhuru rẹ orivwi, ota wẹn kọ họhọ ophiọrọ re gbe nẹ iwurhie na rhe.

Aizaya 14:8

Owangha na ejobi ke ghọghọ owẹ, igedu ri Lebanọn, ke tanẹ, Rhabae ra vwọ ghwọrọ owẹ nu na, ohwo ọvuọvo ji rhe she avwanre.

Zekaraya 11:2

Beroma, E owangha kidie igedu she nure kidie irhe ri vwo urinrin na guọghọre! Beroma, ehahe ri Bashan, kidie eshe egbo rode na nure!

Maika 7:16

Ẹgborho na ke mrẹ oma rẹ ẹgba rayen, ayen ke vwẹ abọ rayen rhurhu unu rayen; erhọn rayen ki che di;

Maika 1:8

Fiki rẹ ọnana Me vwọ viẹ beroma; ke Me ghwiẹ amwa nu Me ba phihọ; ke Me viẹ kerẹ erha, mi muomahọ kerẹ ogomugoro.

Aizaya 37:24

Vwẹ oma rẹ idibo wẹn wọ wan phọphọ Ọrovwohwo, wọ da tanẹ, Vẹ ekpẹrẹ rẹ ofovwi mẹ buebu na Eye mi vwo yeri kpo enu rẹ igbenu na, re te obo ẹtan ri Lebanọn, Mi de she igẹdu ri me gro vwọ ejobi, omamọ re owangha re herọ, Mi de rhi te obọ shesheri rẹ ugbenu na, asan obiebi hwi vwẹ egho na.

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!

Joshua 9:21

Isun na da ta kẹ ayen, Jẹn ayen vwo re ayen dia. Ayen de rhi hirhe phihọ otu ri du irhe kugbe otu ri vo ame kẹ ukoko na, kirobo re isun na ta kẹ ayen.

Une rẹ Ejiro 74:5

Vwẹ anurhoro rẹ obenu na ke ayen vwẹ ushurhe she umukpe rẹ ephapha ra so phihọ.

Jerimaya 46:21

Ihwo rẹ ofovwi rọye re durhieri vwẹ uherevie rọye re họhọ emọ rẹ erhuẹn sọkọ sọkọ, uyota, ayen kuoma rhẹriẹ ayen de koko djẹ, ayen se mudia-a, kidie ẹdẹ rẹ okpetu rayen gbare, ọke re ehwe rayen tere.

Jerimaya 46:23

Ayen cha guọghọ egbo rọye te otọ, eriyin Ọrovwohwo tare, owenẹ e se dje uyovwi phihọ dede-e, fikiridie ayen bu nọ ebaka, e se kere aye-en.