Jerimaya 46:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ihwo rẹ ofovwi rọye re durhieri vwẹ uherevie rọye re họhọ emọ rẹ erhuẹn sọkọ sọkọ, uyota, ayen kuoma rhẹriẹ ayen de koko djẹ, ayen se mudia-a, kidie ẹdẹ rẹ okpetu rayen gbare, ọke re ehwe rayen tere.

Jerimaya 46:21 Referans Kwoze

Jerimaya 46:5

Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.

Ivie rẹ Ivẹ 7:6

Fikiridie Ọrovwohwo ru ituofovwi rẹ ihwo ri Siria nyo edo rẹ ekpẹrẹ vẹ iyesi rẹ ituofovwi ride, kọye ayen da ta kẹ ohwohwo, Nighe, ovie rẹ Izrẹl durhie ivie ri Het vẹ ivie rẹ Ijipt rhe rhẹ họnre avwanre.

Maika 7:4

Ọ ro me yovwi vwẹ usun rẹ ayen họhọ ebẹn, ọ rọ ma dia ọvwata vwẹ ohri rẹ ayen họhọ ogba rẹ inwe. Ẹdẹ rẹ ọrhẹrotọ rayen, ẹdẹ rẹ ehwe rayen, o te nure; Asakiephana ozighi rayen kẹrẹ otọ re.

Ọbe rẹ Ọmraro Ọbadaya Obadaya 1:13

Wa rha vwẹriẹ anurhoro rẹ ihwo mẹ-ẹ vwẹ ẹdẹ rẹ okpetu rọye na-a, wa rha vwẹ abọ gbanoma vwẹ asan rẹ ughwu de hwe na-a vwẹ ẹdẹ rẹ okpetu rọye, we rhe gborho ekuakua rọye reyọ vwẹ ẹdẹ rẹ okpetu rọye na-a.

Emọs 6:4

Eka kẹ ihwo ri sherhẹ ehwa rẹ akeni, re riẹn paparapa phihọ enu rẹ ukpe rayen, re ria upene rẹ ogegede vwẹ ohri rẹ igegede na, re ria upene rẹ erhuẹn vwẹ evun rẹ urhuẹn rayen;

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.

Jerimaya 50:27

Hwe irhuẹn rọye ejobi, jẹn ayen yanran bru ọrohwe. Ekan kẹ ayen, kidie ẹdẹ rayen rhire, ọke rẹ ehwe rayen.

Aizaya 34:7

Irhuẹn re aghwa re ayen che She, emọ re irhuẹn ra ghwanre kugbe irhuẹn re eshare ride. Otọ rayen cha kpọrhọ ve ọbara, ivwri rayen kọ nẹrhẹ otọ na yovwi,

Une rẹ Ejiro 37:13

ẹkẹvuọvo Ọrovwohwo ra hwẹ ohwo umwemwu, kidie ọ mrẹre nẹ ẹdẹ rọye ra cha.

2 Samuẹl 10:6

Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

Izikiẹl 35:5

Fikiridie wọ rhanre egbrẹ rẹ awanre phihọ evun, wọ da vwẹ ihwo rẹ Izrẹl kẹ ogangan rẹ ọlọkọ vwẹ ọke rẹ okpetu rayen, vwẹ ọke rẹ ehwe rayen rọ ka oba;

Jerimaya 50:11

Owenẹ wọ ghọghọ, owenẹ oma vwerhe owẹ, E ọ ro gborho ukuẹriọ mẹ owenẹ wo vwo urhurhu kerẹ ọmọ rẹ erhuẹn rọ ria odi, rọ djẹ eya kerẹ esi ọshare,

Jerimaya 46:9

Yan obaro E Iyesi mu ophu, E ekpẹrẹ! Jẹn egbofovwi na yan phia, ihwo rẹ Ẹtiopia vẹ Put re yọnrọn ekpọfia, ihwo ri Lud, re riẹn umurhabọ sa.

Jerimaya 18:17

Kerẹ odju ro nẹ obaro ọnre cha eriyin me cha hra ayen vwẹ obaro rẹ ọvweghrẹ roye. Obuko mẹ me vwo ni ayen, ọ dia opharọ mẹ-ẹ, vwẹ ẹdẹ rẹ oghwọrọ rayen.

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Isẹ 15:17

Ukodo rẹ ẹbe diodi ra ria vẹ ẹguọnọ yovwi nọ erhuẹn tubie tubie ra rere vẹ eghrẹn.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Matiu 22:4

Ọ da rhoma ji idibo efa re se ayen nẹ, Ta ke ihwo ri mi seri jovwo na nẹ, Nighe, Mi chere emu vọn otọ nure; erhuẹn mẹ kugbe egbo mẹ rode na e hwe ayen, emu na ejobi gba nure; Wa yanrhe asan ra da cha rẹ orẹ rẹ opha na.

Jerimaya 46:22

O kperi kerẹ ọrọdekọ ro kpanọ yanran, kidie ivwighrẹ rọye chihẹ nene gangan, a vwẹ ishurhe yan kpahọ, kerẹ ihwo ri she irhe.

Jerimaya 48:44

Ọ rọ djẹ vabọ re oshoẹdjẹ na che she phihọ ọgọdọ na rhe, ọ ro ji wotọ nẹ ọgọdọ na rhe che mu ufi na. Kidie me cha ghwẹ emu nana ejobi na rhurhu Moab vwẹ ukpe rẹ ehwe rayen, eriyin Ọrovwohwo tare.

Jerimaya 49:8

Djẹ, rhẹrioma, dia asan okokodo na, E ihwo ri Dedan! kidie me che mu okpetu rẹ Isọ rhurho ọke ri mi de che hwe.

Izikiẹl 30:22

Fiki rẹ ọtiọye na e nẹ Ọrovwohwo Ọghẹnẹ tare: Nighe, mi mu kpahe Fẹro ovie rẹ Ijipt, ki mi vwirhi igbabọ rọye, te igbabọ rọye rọ ganre te ọ re vwirhiri na; ki mi ruo re ọlọkọ de she vabọ.