Jerimaya 46:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kirobo me herọ na, eriyin Ovie na tare, Ọ rẹ ọde rọye hẹ Ọrovwohwo rẹ otuofovwi na, kerẹ Tabọ vwẹ ohri rẹ igbenu na, je kerẹ Kamẹl vwẹ oma rẹ abadi na, ọvo cha rhe.

Jerimaya 46:18 Referans Kwoze

Jerimaya 48:15

Ọghwọrọ ri Moab vẹ irere rọye rhe nure, imighene esiri rọye na ayen yanran kpo ehwe, eriyin Ovie na tare, ọ rẹ odẹ rọye Ọrovwohwo rẹ otuofovwi na.

Iguẹdjọ 4:6

O de ji ikọn re se Barak ọmọ rẹ Abinoam nẹ Kedẹsh ri Naftali rhe, ọ da ta kẹ nẹ, Ọ dianẹ Ọrovwohwo na, Ọghẹnẹ rẹ Izrẹl na, ji urhi kẹ wẹ nẹ, Yanran, koko ihwo wẹn rẹ ugbenu rode ri Tabọr, rere wọ reyọ eshare uriori ihwe nẹ uvwiẹ ri Naftali rhe kugbe emọ ri Zẹbulọn.

Joshua 19:22

ughwru na de ji te Tabor, Shahazumah, kugbe Bẹtshẹmẹsh, ughwru rọye de vwo oba vwi Jọdan–irere ihwe gbẹ esan vẹ eko rayen.

Malakae 1:14

Ekan kẹ ohwo rọ ghwa ihwo ria ro vwo egbo vwẹ ohri rẹ igode rọye, rọ nabọ ve ive nu, ọ da ra reyọ eranvwe ro vwo ẹgua vwo ze izobo kẹ Ọrovwohwo na; kidie mẹvwẹ Ovie rode, eriyin Ọrovwohwo rẹ otuofovwi na tare, ihwo rẹ akpọ na ejobi djẹ oshọ kẹ odẹ mẹ.

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Aizaya 47:4

Ọtan rẹ avwanre–Ọrovwohwo re otuofovwi na he odẹ rọye– ọye Ọfuanfon Ovuọvo re Izrẹl na

Une rẹ Ejiro 89:12

Te obọrhe ọnre te obọhwere ọnre, wọwẹ re ma ayen. Tabọ kugbe Hammon re jiri odẹ wẹn vẹ aghọghọ.

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

Matiu 5:35

wọ je vwẹ akpọ duvwẹ-ẹ, kidie ọye hẹ asan rẹ Ọghẹnẹ ghwẹ awọ rọyẹ phihọ; wọ fa odẹ ri Jerusalẹmu-u, kidie ọye hẹ orere rẹ Ivie.

Jerimaya 51:17

Ihwo ejobi ekpa i vwo erianriẹ-ẹn ogun kogun ro duvwu iro oma vorọ fiki rẹ ema ro duvwuru kidie ema rọye efian ayen vwo ẹnwẹn vwe evun raye-en.

Jerimaya 44:26

Fiki rẹ ọtiọye na we gbe nyo ota rẹ Ọrovwohwo na, ovwan Juda ejobi re dia otọ rẹ Ijipt na: Nighe, Me vwẹ odẹ mẹ rode na duvwu iyori nure, eriyin Ọrovwohwo tare, nẹ unu rẹ ohwo ri Juda ọvuọvo rọ dia otọ rẹ Ijipt na gbi se odẹ mẹ ọfa-a, nẹ, Kirobo rẹ Ọrovwohwo Ọghẹnẹ na vwọ herọ na.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Joshua 12:22

ovie ri Kedesh, ọvo, ovie ri Jokneam vwi Karmel, ọvo,

Jerimaya 51:57

Mi che ru isun vẹ evweagnwanre rọye re idi de mu ayen, osun vẹ olotu kugbe egbofovwi rọye, ayen cha vwerhẹ ovwerhẹ ri bẹdẹ ayen rha rhọvwọ-ọ, Ovie na tarọ, ọ rẹ odẹ rọye hẹ Ọrovwohwo rẹ otuofovwi na.

Iguẹdjọ 4:12

Ọke ra vwọ ta kẹ Sisira nẹ Barak ọmọ ri Abinoam yanran kpo Ugbenu rode ri Tabor,

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Emọs 4:13

Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.