Jerimaya 44:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Enẹ Ọrovwohwo tarẹ, Nighe me cha vwẹ Fero Hofra ovie rẹ Ijipt phihọ obọ rẹ ivwighrẹ rọye ji kugbe obọ rẹ ihwo re guọnọ arhọ rọye hwe, kirobo mi phi Zedikaya ovie ri Juda phihọ obọ ri Nebukadreza ovie ri Babilọn na rọ dia ọvweghrẹ rọye rọ je guọnọ arhọ rọye hwe na.

Jerimaya 44:30 Referans Kwoze

Izikiẹl 30:21

Ọmọ rẹ ohwo, mi vwirhi ugbobọ ri Fẹro ovie rẹ Ijipt, gbe no, a je gba-a, ayen rha sa vwẹ amwa gba rere o vworo-o, rere ọ vwọ gan ro vwo jọ vwọ yọnrọn ọlọkọ

Jerimaya 34:21

Zẹdikaya ovie ri Juda vẹ isun rọye mi che phi ayen phihọ obọ rẹ ivwighrẹ rayen ji te obọ rẹ otu re guọnọ urhuarhọ rayen, phihọ obọ rẹ otuofovwi rẹ ovie ri Babilọn rọ yan jẹn ovwan vwo jovwo nu na.

Izikiẹl 31:18

Kono wọ họhọre vwẹ etinẹ na vwẹ urinrin kugbe ọrho vwẹ ohri rẹ irhe rẹ Idẹn na? A cha vwẹ owe te otọ wọ vẹ irhe rẹ Idẹn na vwo kpo akpọ rivẹ, ku wo shevwerhẹ vwe ohri re upheruphe, vwo kugbe ihwo rẹ ọlọkọ hweri. Ọnana Fẹro kugbe urogho rọye ejobi, eriyin Ọrovwohwo Ọghẹnẹ tare.

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Jerimaya 44:29

Ọnana cha dia oka kẹ ovwan, eriyin Ọrovwohwo tare, nẹ mi che hwe ovwan vwẹ etinẹ na, rere wa vwọ riẹn nẹ eta mẹ ghine sẹ mu ovwan vwẹ ọ rẹ umiovwo.