Jerimaya 44:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ fiki rẹ umwemwu rẹ ayen ruru rẹ ayen vwọ kpare ophu mẹ, kidie ayen ra torhẹ izobo kẹ edjọ efa ayen da gọ ayen, e rẹ ayen, eyẹ ovwan, eyẹ esẹ rẹ ovwan riẹnre-e.

Jerimaya 44:3 Referans Kwoze

Urhi Rivẹ 29:26

ayen da yan ra ga edjọ ayen de shiguẹ kẹ ayen, edjọ rẹ ayen riẹnre-e ra ghare te aye-en;

Urhi Rivẹ 32:17

Ayen ze izobo kẹ idẹbono re dia edjọ-ọ na, vwọ kẹ edjọ rẹ ayen jẹn riẹ-ẹn, vwọ kẹ edjọ kpopko re rhere na, e re esẹ rẹ ovwan djẹ oshọ kẹ na-a.

Urhi Rivẹ 13:6

Ọ da dianẹ oniọvo wẹn, rọ dia ọmọ rẹ oni wẹn, eyẹ ọmọshare wẹn, eyẹ ọmọtẹ wẹn, eyẹ ayerhi wẹn, eyẹ ugbeyan wẹn, rọ kẹrẹ owẹ oma rọ da bẹbẹ riẹriẹ owẹ, tanẹ, Jẹn avwanre yanran ra ga ẹdjọ, e re wọ vẹ esẹ wẹn riẹnre-e na;

Daniẹl 9:5

avwanre ru umwemwu kugbe obo re chọre, me ru obo re brare me ji mukpahe owẹ, avwanre yan jẹ irhi wẹn vwo vẹ obo ru wọ tanẹ avwanre ru.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Nehemaya 9:33

Dede na emu re ọsoso wo ruru kpahe obo re phia kẹ avwanre na, kidie emu re esegbuyota wo ruru yẹ emu umwemwu avwanre ruru,

Izikiẹl 9:9

Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.

Uvwerhe 4:13

Ọna ki fiki rẹ umwemwu rẹ emraro rọye kugbe orukuruku rẹ irherẹn rọye, ri sun ọbara rẹ evwata na ekueku vwẹ ohri rọye.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Jerimaya 22:9

Ayen ke kpahe, Fikiridie ayen siẹn ọphọ rẹ Ọrovwohwo rẹ Ọghẹnẹ rayen, ayen da vwẹ uyovwi kpotọ kẹ eghẹnẹ efa, ayen da gọ ayen.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 7:19

Mẹvwẹ kọye ayen kpare ophu na? eriyin Ọrovwohwo na tare. Ọ dia omobọ rayen, ayen vwo gbe ozighi na?

Jerimaya 5:29

Mi gbe hwe ayen fiki rẹ imu nana? eriyin Ọrovwohwo na tare, orere ọtionana me gbe reihri kẹ oma mẹ kaphẹ orere ọtiọna na-a?

Jerimaya 5:19

Ọke rẹ ihwo wẹn da ta nẹ, Die sorọ rẹ Ọrovwohwo rẹ Ọghẹnẹ vwo ru avwanre imu? ku wọ ta kẹ ayen nẹ, Ọtiobo rẹ ovwan sen vwẹ re wa da ga edjọ erhorha vwẹ otọ rẹ ovwan na, ọtiọye ovwan je ga erhorha vwẹ otọ rọ dia ọ rẹ ovwa-an

Hibru 3:16

Kẹ amono ri nyo nu, rẹ ayen de rhe mukpahọ? Ọ dia ayen ihwo ri nẹ Ijipt rhe vwẹ otọ rẹ isuesun ri Mosis?

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Jerimaya 32:30

Kidie emọ rẹ Izrẹl vẹ emọ ri Juda rhe ji ru emuọvo-o jokpa rẹ umiovwo ọvo vwẹ obaro mẹ nẹ ọke emọ rhe, rẹ Izrẹl ji ru emu ọvo-o jokpa rẹ ophu mẹ rẹ ayen kpare ọvo, eriyin Orovwohwo tare.

Jerimaya 44:23

Fikiridie wa tọrhẹ izobo, fikiridie we ru umwemwu kpahe Ọrovwohwo we mu ọghọ kẹ urhuru rẹ Ọrovwohwo eyẹ yan phihọ evun rẹ urhi rọye vẹ iji rọye vẹ iseri rọye-e, ọye umiovwo nana vwo shenyẹ ovwan na, kirobo rọ epha nonẹ na.

Urhi Rivẹ 29:25

Ihwo ke ta nẹ, Fiki rẹ obo rẹ ayen vwọ sen ọphọ rẹ Ọrovwohwo Ọghẹnẹ rẹ esẹ rayen na, ro nene ayen re vwẹ ọke ro vwo si ayen nẹ otọ rẹ Ijipt rhe,

Jerimaya 16:10

Ọke wọ da ta eta na ejobi kẹ ihwo nana re, rẹ ayen da ta kẹ wẹ, Die nẹrhẹ Ọrovwohwo ghwoghwo umiovwo rode nana kpahe avwanre vwo? Die ọye orukuruku rẹ avwanre? Didi umwemwu me ru kpahe Ọrovwohwo rẹ Ọghẹnẹ rẹ avwanre vwo?

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.