Jerimaya 44:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Ayen otu re vabọ rẹ ọlọkọ keye ri che rhivwi nẹ otọ rẹ Ijipt kpo otọ ri Juda, iche buẹ-ẹ, kugbe umuku ri chekọ vwi Juda ejobi, re rhe otọ rẹ Ijipt rhe dia na, cha riẹn ohwo rẹ ota rọye cha sẹ, sẹ ọmẹ eyẹ ọ rayen.

Jerimaya 44:28 Referans Kwoze

Jerimaya 44:14

Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.

Aizaya 10:19

Irhe ri che chekọ vwẹ evun rẹ egbo na ke hanvwe gangan omotete ko se si ayen phihọ otọ.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Jerimaya 44:29

Ọnana cha dia oka kẹ ovwan, eriyin Ọrovwohwo tare, nẹ mi che hwe ovwan vwẹ etinẹ na, rere wa vwọ riẹn nẹ eta mẹ ghine sẹ mu ovwan vwẹ ọ rẹ umiovwo.

Une rẹ Ejiro 33:11

Umẹ rẹ Ọrovwohwo na mudia bẹdẹ, iroro re udu rọye herọ nẹ edje ra ro edje.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Ukeri 14:41

Ẹkẹvuọvọ Mosis da ta, Die ovwan vwọ chọ urhi rẹ Ọrovwohwo na, fikiridie, ọnana cha sa kẹ wẹn obọ ẹkparọ-ọ?

Aizaya 10:22

Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Jerimaya 42:17

Eshare ejobi rẹ tọn opharo rayen vi Ijipt ri kpo oboyi ra dia na ọlọkọ che hwe ayen, owẹvwe vẹ ọtiekọ che hwe ayen, o che vwo ohwo ro che chekọ kẹ ayen vwẹ umiovwo re me vwo bru ovwan cha na.

Jerimaya 44:13

Mi hwe ayen otu re dia otọ rẹ Ijipt na gangan, kirobo ri mi hwe Jerusalẹm na, vẹ ọlọkọ, vẹ owẹvwe, kugbe ọtiekọ.

Jerimaya 51:50

Wẹ rọ djẹ vabo rẹ ọlọkọ na, yanran wo muẹdia fọ-ọ Karohọ Ọrovwohwo vwẹ ogboko, jẹn iroro ri Jerusalẹm ro wẹ evun.

Izikiẹl 6:8

Dede na mi ji ihwo evo vwo ekpokpọ. Ọke wo de vwo ihwo evo vwẹ ohri rẹ ẹgborho na re djẹ vabọ rẹ ọlọkọ, kẹ ayen cha hrabọ ruẹ ẹkuotọ na ejobi.