Jerimaya 44:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Nighe, Me ra rhẹrẹ ayen fiki rẹ umiovwo ọ dianẹ fiki rẹ erhuvwu-u, ihwo ri Juda ejobi re hẹ otọ rẹ Ijipt cha ghwọrọ vwẹ ọ rẹ ọlọkọ vẹ owẹvwe bẹsiẹ rẹ ayen vwo fuere.

Jerimaya 44:27 Referans Kwoze

Jerimaya 31:28

O de rhi te re kirobo me rhẹrẹ ayen vwọ kọrọ ayen vwẹ ayen ghwiọtọ na, vwọ gere ayen she, vwọ ghwọrọ ayen, vwọ ghwẹ umiovwo rhe ayen na, ọtiọye me je cha rhẹrẹ ayen mu ayen vi kọn ayen, eriyin Ọrovwohwo tare.

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Ivie rẹ Ivẹ 21:14

Ke me cha kpare umuku rẹ iruiku mẹ na kufia, ki mi phi ayen phihọ obọ rẹ ivwighrẹ rayen, kẹ ayen cha dia eranvwe rẹ uyo kẹ ivwighrẹ rayen ejobi,

Izikiẹl 7:6

Oba rhire, oba na rhire, o vrẹn vwọ kpahe owẹ. Nighe, ọ cha.

Jerimaya 44:18

Ẹkẹvuọvo ri me vwo jẹ izobo ẹtorhẹ kẹ ovie-aye rẹ enu vwo na, ji ji udi ekuokuo vwo na, emu ejobi da kanre avwanre ọlọkọ vẹ owẹvwe kọye re ghwọrọ avwanre.

Jerimaya 44:12

Me cha reyọ umuku ri chekọ vwi Juda re ga ro vi re cha otọ rẹ Ijipt cha dia, ayen ejobi cha ghwọrọ; ayen che she vwẹ otọ rẹ Ijipt na; ọlọkọ vẹ owẹvwe che hwe ayen, ayen che hirhe phihọ isọn, vẹ oshẹdjẹ, ve ekan, kugbe ehwẹjẹ

Jerimaya 21:10

Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

Jerimaya 9:16

Ke me cha hra ayen ro ohri rẹ ẹgborho na re ayen te esẹ rayen riẹnre-e, ki mi ji ọlọkọ nene ayen, bẹsiẹye me vwọ guọghọ ayen nu.

Jerimaya 39:16

Yanran ta kẹ Ebẹdmẹlẹk rẹ ohwo rẹ Ẹtiopia na, Enẹ Ọrovwohwo rẹ otuofovwi, Ọghẹnẹ rẹ Izrẹl tare: Nighe mi che ru eta re me tare kpahe orere nana gba vwi fiki rẹ umiovwo ọ dia fiki rẹ erhuvwu-u, e che ru ayen gba vwẹ obaro wẹn vwẹ ẹdẹ yena.

Jerimaya 42:16

Ọtiọye na ọlọkọ rẹ oshọ rọye mu ovwan na kọ vwa ovwan vwẹ otọ rẹ Ijipt; owẹvwe rẹ oshọ rọye mu ovwan na kọ nene ovwan kpẹkpẹkpẹ kpo Ijipt, kẹ etiyin we de ghwu.

Jerimaya 44:13

Mi hwe ayen otu re dia otọ rẹ Ijipt na gangan, kirobo ri mi hwe Jerusalẹm na, vẹ ọlọkọ, vẹ owẹvwe, kugbe ọtiekọ.

Jerimaya 44:14

Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.

Izikiẹl 5:12

Ẹkẹn erha wẹn ki che ghwu ughwu rẹ emiavwe, owẹvwe kọ cha torhẹ vwẹ uherevie wẹn; ẹkẹn erha ọfa ko ghwu ughwu rẹ ọlọkọ riariẹ owẹ; ẹkẹn erha ro chekọ ke me hra nene odju ejobi ke yoro ọlọkọ nẹ ako rhe nene ayen.

Daniẹl 9:14

Fiki rẹ ọtiọye na, Ọrovwohwo vwọ rhuẹrẹ ukpokpogho na phihọ otọ o de kron nyẹ avwanre kidie Ọrovwohwo Ọghẹnẹ rẹ avwanre ọvwata o ruẹ vwẹ iruo ro ruẹ ejobi, avwanre ji nyo urhuru rọye-e.

Emọs 9:8

Nighere, ẹro rẹ Ọrovwohwo Ọghẹnẹ ọ he enu rẹ uvie rẹ umwemwu, ki mi hwe nẹ otọ na; ji mi che hwe uwevwi ri Jekọp ejobi-i, eriyin Ọrovwohwo na tare.

Jerimaya 9:15

Vwẹ ọtiọye na enẹ Ọrovwohwo rẹ otuofovwi na, Ọghẹnẹ rẹ Izrẹl, tare Kighe, me cha vwẹ akoro vwọ ghẹrẹ ihwo nana, me da vwẹ ame rẹ obi kẹ ayen da.