Jerimaya 44:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Fiki rẹ ọtiọye na we gbe nyo ota rẹ Ọrovwohwo na, ovwan Juda ejobi re dia otọ rẹ Ijipt na: Nighe, Me vwẹ odẹ mẹ rode na duvwu iyori nure, eriyin Ọrovwohwo tare, nẹ unu rẹ ohwo ri Juda ọvuọvo rọ dia otọ rẹ Ijipt na gbi se odẹ mẹ ọfa-a, nẹ, Kirobo rẹ Ọrovwohwo Ọghẹnẹ na vwọ herọ na.

Jerimaya 44:26 Referans Kwoze

Hibru 6:13

Kidie ọke rẹ Ọghẹnẹ vwo ve ive kẹ Ebraham, rọ rha mrẹ ohwo ọfa rọ rho nọ oma rọye vwo duvwu iyori-i, ọ da vwẹ omaobọ rọye vwo duvwu iyori,

Izikiẹl 20:39

Vwọ kẹ wẹ, E uwevwi rẹ Izrẹl, Enẹ Ọrovwohwo Ọghẹnẹ tare: Yanran re ohwo ọvuọvo ra gọ ẹdjọ rọye, asakiephana vẹ ọke rọ cha, ọ da dianẹ ovwan rha kerhọn mẹ-ẹ, ẹkẹvuọvo odẹ ọfuanfon mẹ na ovwan gbe vwẹ ekẹ wẹn kugbe ẹdjọ wẹn vwọ miovwo-o.

Une rẹ Ejiro 50:16

Ẹkẹvuọvo vwọ kẹ oruimwemwu Ọghẹnẹ tare nẹ: Didi ogangan wọ vwọ sen iji mẹ re wọ vwọ vwe unu te ọphọ mẹ?

Jẹnẹsis 22:16

ọ da ta, Me vwẹ oma mẹ duvwu iyori, eriyin Ọrovwohwo tare, fikiridie wo ru Ọnana, wọ sa vwẹ ọmọ wẹn, ọmọ vuọvo wẹn na vwọ djahe obuko kẹ vwẹ-ẹ,

Emọs 6:8

Ọrovwohwo Ọghẹnẹ vwẹ oma rọye duvwu iyori (eriyin Ọrovwohwo na, Ọghẹnẹ rẹ otuofovwi na tare) Me gba omephuo ri Jekọp, oma re ogba ọgangan rọye tu vwẹ, ki mi phi orere na vẹ obo re herọ phihọ obọ rẹ ivwighre.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Hibru 3:18

Kẹ amono e duvwu iyori kẹ nẹ ayen che te omaerovwo mẹ-ẹ, ọ gbe dia ayen ri jẹ ọghọ emuo?

Emọs 8:7

Ọrovwohwo na vwẹ omephuo ri Jekọp vwo duvwu iyori nure; uyota uruemu rayen sa cha chọrọ ovwẹ ẹro-o.

Emọs 6:10

Ọke rẹ omoni rẹ ohwo na, ohwo rọ torhẹ na, de muo kpenu rere ọ ghwẹ ibeku rọye nẹ evun rẹ uwevwi na rhe, rọ da ta kẹ ohwo rọ obẹtan rẹ uwevwi na nẹ, Ohwo ọfa ji kugbe uwe? Kọ ta nẹ, Ẹjo, kọ cha ta Rhurhu unu! E jẹn avwanre se odẹ rẹ Ọrovwohwo-o.

Jerimaya 46:18

Kirobo me herọ na, eriyin Ovie na tare, Ọ rẹ ọde rọye hẹ Ọrovwohwo rẹ otuofovwi na, kerẹ Tabọ vwẹ ohri rẹ igbenu na, je kerẹ Kamẹl vwẹ oma rẹ abadi na, ọvo cha rhe.

Jerimaya 22:5

Ẹkẹvuọvo wa gbe kerhọn rẹ eta nana-a, ye me vwẹ oma mẹ duvwu iyori, eriyin Ọrovwohwo tare, nẹ uwevwi nana cha dia ofefe.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Aizaya 62:8

Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Une rẹ Ejiro 89:34

Mẹvwẹ ọvo rha sa chọ urhi rẹ ọphọ mẹ-ẹ, eyẹ se ku ota ro nẹ unu mẹ rhe rhẹriẹ-ẹ.

Ukeri 14:28

Ta kẹ ayen, Kirobo re me herọ na, ọtiọye Ọrovwohwo tare, obo ro wọ tare, ri mi nyori na, ọye mi che ru kẹ wẹ:

Jerimaya 24:8

Ẹkẹvuọvo enẹ Ọrovwohwo tare, Kirobo ri fig imiomiovwi na ri miovwi nọ re ja re-e na, epha na, ọtiọye mi che ru Zedikaya rẹ ovie ri Juda, te isun rọye, otu ri chekọ vwi Jerusalẹm re jẹ hẹ otọ nana, kugbe ayen otu re dia otọ rẹ Ijipt.

Jerimaya 44:24

Jerimaya da ta kẹ ihwo na ejobi kugbe eya na ejobi, Nyo ota rẹ Ọrovwohwo na, ovwan ihwo ri Juda ejobi re dia otọ rẹ Ijipt na

Jerimaya 49:13

Kidiẹ me vwẹ oma mẹ duvwuiyori nure, ẹriyin Ọrovwohwo tare, nẹ Bozra che hirhe phihọ emuọshọ, ohare ofefe kugbe ekan; irere rọye ejobi ke cha dia ifefe rhiri bẹdẹ.

Hosia 4:15

Owene wo gbe igberadja, E Izrẹl, wo ji Juda reabe-e, Wọ vwẹriẹ Gilgal re, eyẹ wọ kpọ enu rẹ Betave-en, wo duvwu iyori nẹ, Kirobo rẹ Ọrovwohwo herọ na.

Jerimaya 44:11

Fiki rẹ ọtiọye na enẹ Ọrovwọhwo rẹ otuofovwi, Ọghẹne rẹ Izrẹl, tare. Nighe, mi che mu opharo mẹ vwọ kpahe ovwan fiki rẹ umiovwo, ri mi de bru Juda ejobi kufia.

Jerimaya 44:14

Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.

Jerimaya 51:14

Ọrovwohwo rẹ otuofovwi vwẹ oma rọye ve nure; Omuẹro me cha ghwẹ we vọn vẹ ihwo, kirobo rẹ ebaka buẹ ye, ayen che do edo rẹ ephiokparobọ vwẹ enu wẹn.