Jerimaya 44:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Fikiridie wa tọrhẹ izobo, fikiridie we ru umwemwu kpahe Ọrovwohwo we mu ọghọ kẹ urhuru rẹ Ọrovwohwo eyẹ yan phihọ evun rẹ urhi rọye vẹ iji rọye vẹ iseri rọye-e, ọye umiovwo nana vwo shenyẹ ovwan na, kirobo rọ epha nonẹ na.

Jerimaya 44:23 Referans Kwoze

1 Ivie 9:9

Etiyin kẹ ayen ta, Fikiridie ayen sen Ọrovwohwo Ọghẹnẹ rayen rọ reyọ esẹ rayen nẹ otọ rẹ Ijipt rhe, ayen da ra djẹ gbane edjọ efa, ayen da gọ ayen fiki rẹ ọtiọye na ọye Ọrovwohwo vwọ vwẹ ukpokpogho nana vwo rhe ayen.

Une rẹ Ejiro 119:150

Ihwo ri kpokpo uvwe na re siẹ kẹre ovwẹ vẹ iroro umwemwu, ayen tephe kẹ urhi wẹn.

Nehemaya 13:18

Ọ dia enẹ esẹ re ovwan ruru, ọ dia fiki re ọnana Ọghẹnẹ re avwanre vwọ vwe umiovwo nana ru avwanre ve orere nana? Ovwan ra rhoma ghwa ivuemiovwo ọfa cha Izrẹl vwe oma rẹ ẹdidjala egbekuẹ.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

1 Kọrẹnt 10:20

Ẹjo, obo re me ta na kẹ ọna nẹ iye rẹ ihwo ri Keferi gọ na idẹbono ayen gọ ọ dia Ọghẹnẹ-ẹ. Me guọnọre nẹ ovwan vẹ idẹbono dia oma ọvo-o.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Jerimaya 44:21

Vwọ kẹ insẹns re wa torhẹre vwẹ irere ri Juda vẹ irhuvwu ri Jerusalẹm ye, te owẹ vẹ esẹ rẹ ovwan te ivie rẹ ovwan vẹ isun rẹ ovwan, vẹ ihwo rẹ otọ na ejobi, Ọrovwohwo rha karo phihọ aye-en ọ rha djẹ ro udu rọye-e?

Jerimaya 44:18

Ẹkẹvuọvo ri me vwo jẹ izobo ẹtorhẹ kẹ ovie-aye rẹ enu vwo na, ji ji udi ekuokuo vwo na, emu ejobi da kanre avwanre ọlọkọ vẹ owẹvwe kọye re ghwọrọ avwanre.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 40:3

Ọrovwohwo ruro, o ru obo rọ tare. Fikiridie we ru umwemwu kpahe Ọrovwohwo, we mu ọghọ kẹ urhuru rọye-e, kọye nẹrhẹ emu nana bru ovwan rhire na.

Une rẹ Ejiro 119:155

Esivwo pha shesheri kẹ ohwo umwemwu, kidie ayen guọnọ iji wẹ-ẹn.

Une rẹ Ejiro 78:56

Dede na ayen davwerọ ayen de mu kpahe Ọ rọ Me Kpenu Ọghẹnẹ, ayen gbe vwẹ ẹro te iseri rọye-e,

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

Une rẹ Ejiro 78:10

Ayen yọnrọn ọphọ rẹ Ọghẹnẹ-ẹ, ẹkẹvuọvo ayen da sen nẹ ayen yan nene urhi rọye-e.

Une rẹ Ejiro 119:136

Ẹro mẹ ra djẹ ọkẹre rẹ oviẹ fikiridie ihwo sa yọnrọn urhi wẹ-ẹn.

Jerimaya 26:4

Wọ me ta kẹ ayen, Enẹ Ọrovwohwo tare: Ọ da dianẹ wa kerhọn mẹ-ẹ, vwọ yan phihọ urhi me ri mi phihọ obaro rẹ ovwan,

Jerimaya 44:2

Enẹ Ọrovwohwo rẹ otuofovwi, Ọghẹnẹ rẹ Izrẹl, tare: Wa mrẹ umiovwo re me ghwarhe enu ri Jerusalẹm vẹ enu rẹ irere ri Juda ejobi, Nighe, none na ayen kẹ ofefe, ohwo rha dia aye-en,

Jerimaya 44:3

fiki rẹ umwemwu rẹ ayen ruru rẹ ayen vwọ kpare ophu mẹ, kidie ayen ra torhẹ izobo kẹ edjọ efa ayen da gọ ayen, e rẹ ayen, eyẹ ovwan, eyẹ esẹ rẹ ovwan riẹnre-e.

Jerimaya 44:10

Ayen je vwẹ oma rayen kpoto rhi te nonẹ na-a, ayen je djẹ osho-o, ayen je yan phihọ evun rẹ urhi vẹ iji ri mi phihọ obaro rẹ ovwan vẹ obaro rẹ esẹ rẹ ovwan na-a.

Ivie rẹ Ivẹ 17:15

Ayen da jẹ irhi rọye fia, kugbe ọphọ rọ vẹ esẹ rayen rere, kugbe okpa rọ kpa kẹ ayen. Ayen da yan nene ema rẹ efian, ayen de nene ẹgborho re yariẹ ayen phihọ, rẹ Ọrovwohwo kpa ọkpa kẹ ayen nẹ ayen nene-e na.

Daniẹl 9:13

Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.