Jerimaya 44:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Jerimaya 44:22 Referans Kwoze

Jerimaya 25:18

Jerusalẹm vẹ irere ri Juda, ivie vẹ isun rọye, re e vwo ru ayen ofefe ra vwọ ghwọrọ ayen, ru ayen unuefiọn vẹ ekan, kirobọ rọ epha nọne na.

Malakae 2:17

Wọ vwẹ eta wẹn ghwọrọ Ọrovwohwo oma. Yo wọ tanẹ, Mavọ avwanre vwọ ghwọrọ owẹ oma? Wọ vwọ tanẹ, kohwo kohwo ro ru umwemwu vwẹ obaro rẹ Ọrovwohwo yẹ oyoyovwi o ruru, oma rọye kọ vwerhọ. Eyẹ kọ nọ nẹ, Tivọ Ọghẹnẹ rẹ uyota na epha?

Jerimaya 44:12

Me cha reyọ umuku ri chekọ vwi Juda re ga ro vi re cha otọ rẹ Ijipt cha dia, ayen ejobi cha ghwọrọ; ayen che she vwẹ otọ rẹ Ijipt na; ọlọkọ vẹ owẹvwe che hwe ayen, ayen che hirhe phihọ isọn, vẹ oshẹdjẹ, ve ekan, kugbe ehwẹjẹ

Jerimaya 25:38

Ọ ya jẹ emwa rọye vwọ kerẹ okpohrokpo, kidie otọ rayen ghwọrọ kufia fiki rẹ ọlọkọ rẹ Ọrovwohwo na, kugbe fiki rẹ ophu ọtuatua rọye na.

Jerimaya 25:11

Otọ nana soso na che hirhe phihọ umiovwo kọ dia ofefe, irere nana cha ga ovie ri Babilọn ikpe ujorha gbẹ ihwe.

Jerimaya 18:16

Ayen ru otọ rayen phihọ emu rẹ oshọ emu ra fiọn unu kẹ bẹdẹ. Oshọ mu ohwo kohwo rọ wan rọ vrẹn o mi kpogho uyovwi.

Aizaya 43:24

Wọ vwe ighọ dẹ uhwerhe ọvwevwerhe kẹ vwe-e, eye ivwri rẹ izobo wẹn vọn vwe evu-un Ẹkẹvuọvo wo kru oghwa re imwemwu wẹ nyẹ vwẹ, wọ vwe imwemwu wẹn ghwọrọ ovwẹ oma

Aizaya 7:13

O da ta, Gbe nyo E uwevwi ri Devid! Emu otete re wọ vwọ lagha ihwo, rere wọ je lagha Ọghẹnẹ me rhe?

Ọbe ri Pọl si rhe Ihwo ri Rom 9:22

Kidie ọ da dianẹ Ọghẹnẹ, da guọnọ dje ophu rọye phia rọ da nẹrhẹ a riẹn ogangan rọye, ro de chirako vẹ odiri kẹ ekuakua rẹ ophu ra mare kẹ ẹghwọrọ,

Emọs 2:13

Nighe, Me nyẹ ovwan muotọ vwẹ asan wẹn kerẹ idjighere re kru oghwa nyẹ rọ tan muotọ.

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Izikiẹl 5:13

Enẹ kọye ophu mẹ cha dia, ke me kpa ivuemiovwo ku ayen kẹ ọhọre mẹ she; kẹ ayen riẹn nẹ mẹvwẹ Ọrovwohwo na, ta ota vwẹ evun rẹ omẹriọ mẹ nure, vwẹ ọke ri mi de ku ophu mẹ ku ayen nu.

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Jerimaya 44:2

Enẹ Ọrovwohwo rẹ otuofovwi, Ọghẹnẹ rẹ Izrẹl, tare: Wa mrẹ umiovwo re me ghwarhe enu ri Jerusalẹm vẹ enu rẹ irere ri Juda ejobi, Nighe, none na ayen kẹ ofefe, ohwo rha dia aye-en,

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 15:6

Wọ sen vwẹ, eriyin Ọrovwohwo tare, obobuko wọ cha ra; kọye me vwọ riẹn obọ mẹ kpahe owẹ re me vwọ ghwọrọ owẹ; oma rẹ ufuefu rhọ vwẹ rẹ.

Aizaya 1:24

Fiki re ọtiọye na Ọrovwohwo tare, Ọrovwohwo rẹ ofovwi na, Ọgba Ọvuọvo rẹ Izrẹl na E, Mi che won ophu mẹ ku ivwighrẹ mẹ, Me cha vwẹ ivwighrẹ mẹ re ihri

Jẹnẹsis 19:13

fikiridie avwanre cha ghwọrọ etinẹ na, kidie edo rẹ orukuruku rẹ ihwo nana rhi duvwu erhọ rẹ Ọrovwohwo, Ọrovwohwo kọye ri ji avwanre rhe re ghwọrọ na.

Jẹnẹsis 6:3

Etiyin Ọrovwohwo da ta, Erhi Me sa dia evun rẹ ohwo bẹdẹ-ẹ, fikiridie uvwo oruẹ, ẹkẹvuọvo ẹdẹ rẹ akpọ rọye kẹ ikpe ujosa kọye ọ dia.

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Jerimaya 21:12

E uwevwi ri Devid! Enẹ Ọrovwohwo tare Brorhiẹ esiri vwẹ urhiọke, Sivwi ohwo re Shenyẹ na nẹ abọ rẹ Ohwo ro shenyẹ na, eyẹ ophu mẹ da rhe kerẹ erhanre, rọ la rẹ ohwo je se fuo, fiki rẹ iruo ogbegho rẹ ovwan.

Jerimaya 23:2

Ọtioye na enẹ Ọrovwohwo, Ọghẹnẹ rẹ Izrẹl tare, kpahe isuigegede ri nẹ ihwo mẹ: wa hra ukoko rẹ igegede mẹ, wa djẹ ayen ghwru, wa vwẹ ẹro te aye-en. Nighe, Me cha mrẹ ovwan fiki rẹ iruo omiomiovwi rẹ ovwan, eriyin Ọrovwohwo tare.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 48:9

Vwẹ lbekpe kẹ Moab, kidie ọ guọnọ rhan yanran; irere rọye cha dia ifefe, ohwo cha dia aye-en.

Izikiẹl 39:23

Ẹgborho na ejobi ke cha riẹn nẹ e ghine mu uwevwi rẹ Izrẹl ighuvwu fiki rẹ orukuruku rayen, fikiridie ayen ru emu rẹ ophiẹvwe kẹ vwẹ ọ da nẹrhẹ ovwẹ si opharo mẹ nu kẹ ayen, mi de phi ayen phihọ obọ rẹ ukọn rayen, a da vwẹ ọlọkọ nyavwe ayen ejobi hwe.

Ivie rẹ Ivẹ 17:15

Ayen da jẹ irhi rọye fia, kugbe ọphọ rọ vẹ esẹ rayen rere, kugbe okpa rọ kpa kẹ ayen. Ayen da yan nene ema rẹ efian, ayen de nene ẹgborho re yariẹ ayen phihọ, rẹ Ọrovwohwo kpa ọkpa kẹ ayen nẹ ayen nene-e na.

Jerimaya 5:9

Mi gbi hwe ayen vwi fiki rẹ imu nana-a eriyin Ọrovwohwo tare; me gbe re ihri kẹ oma mẹ kpahe orere ọtiọnana?

Daniẹl 9:11

Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.