Jerimaya 44:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Eya na da ta, Ọke re ma vwọ tọrhe izobo kẹ ovie-aye rẹ enu ji ku udi kuo na, ọ dianẹ eshare rẹ avwanre rhọvwere nẹ avwanre kake ikara kẹ oma rọye oma rọye rere e ku udi kuo?

Jerimaya 44:19 Referans Kwoze

Jerimaya 7:18

Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Jerimaya 44:15

Etiyin ihwo ejobi re riẹnre nẹ eya rayen torhẹ insẹns kẹ edjọ efa, vẹ eya ejobi ri mudia, tẹ ọghwẹgbe rọde na, ihwo ejobi re dia Patros vwẹ otọ rẹ Ijipt, da kpahe kẹ Jerimaya.

2 Ikun rẹ Ivie 21:6

Ọ da yan vwẹ idjerhe rẹ ivie rẹ Izrẹl, kirobo rẹ uwevwi rẹ Ehab ruru; kidie ọmọtẹ rẹ Ehab ọye aye rọye. Ọ de ru obo re brare vwẹ obaro rẹ Ọrovwohwo.

1 Ivie 21:25

O vwo ohwo ọvuọvo rọ shẹ oma rọye kẹ umiovwo vwẹ obaro rẹ Ọrovwohwo Ehabu-u, rẹ aye rọye Jezibẹl mu vwo ruo.

Jẹnẹsis 3:6

Rẹ aye na vwọ mrẹ nẹ urhe na fẹriọ, o ki rhe fẹro, nẹ urhe na ki rhe ru ohwo ghwanre, ọ da reyọ omamọ rọye ọ da riọ; ọ da je vwẹ ẹvo kẹ ọshare rọye ọ da je re.

Isẹ 11:21

Jo mu we ẹro, nẹ ohwo umwemwu che jẹ ehwe ẹmrẹ-ẹ, ẹkẹvuọvo ihwo rẹ evun rayen fonro e che sivwẹ ayen.

Jerimaya 44:20

Etiyin Jerimaya da ta kẹ ihwo na ejobi, eshare vẹ eya, ihwo na ejobi re kpahe ota nana kẹ na:

Ukeri 30:8

Ẹkẹvuọvo ọ da dianẹ, ẹdẹ rẹ ọshare rọye nyo ota na, ọ da sẹn kẹ, etiyin ive ro veri na kẹ ofefe vwẹ oma rọye, eta ro roro te-e rọ tare vwẹ ẹbẹrunu rọye, vwọ gba oma rọye; Ọrovwohwo ko vwo ghovwo.

Ukeri 30:12

Ẹkẹvuọvo ọshare rọye de gu ayen kufia vwẹ ẹdẹ ro nyo ayen na, etiyin kemu kemu ejobi ro nẹ unu rọye rhe kpahe ive na, eyẹ vwọ kpahe eta rọ ta kẹ oma rọye na, rhe se mudia-a: ọshare rọye gu ive na kufia, Ọrovwohwo ko vwo ghovwo.