Jerimaya 44:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ẹkẹvuọvo me se ru obo ri me veri ni me ru, ma torhẹ izobo kẹ ovie-aye re enu, me je ku udi kuo, kirobo me ru wanre, te avwanre te esẹ rẹ avwanre, ivie rẹ avwanre vẹ isun rẹ avwanre, vwẹ irere ri Juda vẹ irhuvwu ri Jerusalẹm, kidie ọke yena avwanre da mrẹ emuọre buebu, o de yovwi kẹ avwanre, ma mrẹ umiovwo-o.

Jerimaya 44:17 Referans Kwoze

Jerimaya 7:18

Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Nehemaya 9:34

ivie re avwanre, isun re avwanre, irherẹn re avwanre, kugbe esẹ rẹ avwanre yọnrọn urhi wẹ-ẹn eyẹ e davwerhọn rẹ irhi vẹ eta ru wọ ta kẹ aye-en.

Izikiẹl 20:8

Ẹkẹvuọvo ayen de mu kpahe ovwẹ ayen gbe kerhọn mẹ-ẹ, ayen ohwo ọvuọvo gbe rhọvwe ku obo ri tuoma rẹ ẹro rayen mrẹ ghọghọ na kufia-a, eyẹ ayen ji siobọ nu ema re Ijipt na-a. Etiyin mi de roro nẹ mi ku ophu mẹ ku ayen rere mi hirhe ivuemiovwo mẹ ku ayen vwẹ uherevie rẹ otọ rẹ Ijipt na.

Urhi Rivẹ 23:23

Wọ Me jomaotọ rere ota ro fi we unu wan ejobi wọ Me hwa osa rọye, kidie wẹ ọvo vwẹ ohọrobọ wẹn vwọ vwẹ unu wẹn ve kẹ Ọrovwohwo rẹ Ọghẹnẹ wẹn.

Ẹyano 16:3

ayen da ta kẹ ayen, Manẹ kẹ avwanre ghwuru vwẹ obọ rẹ Ọrovwohwo vwẹ otọ rẹ Ijipt vwonẹ, ọke rẹ avwanre vwo tidia kerẹ evwẹrẹ rẹ eranvwe rẹ avwanre da re ikara vọn evun; etinẹ na wọ rọye avwanre rhe aton nana rere wọ rhe vwẹ owẹvwe hwe ukoko nana ejobi ghwu.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

Jerimaya 44:25

Enẹ Ọrovwohwo rẹ otuofovwi Ọghẹnẹ rẹ Izrẹl na tare, Ovwan vẹ eya rẹ ovwan vwẹ unu rẹ ovwan ghwoghwo nure ovwan je vwẹ abọ rẹ ovwan ruo gba nure, tanẹ, Avwanre ghine ru ive ri me veri, avwanre torhẹ izobo kẹ ovie-aye rẹ enu, avwanre ji ku udi kuo. Ọtiọye na we gbe ru ivẹ ru we veri gba!

Jerimaya 44:21

Vwọ kẹ insẹns re wa torhẹre vwẹ irere ri Juda vẹ irhuvwu ri Jerusalẹm ye, te owẹ vẹ esẹ rẹ ovwan te ivie rẹ ovwan vẹ isun rẹ ovwan, vẹ ihwo rẹ otọ na ejobi, Ọrovwohwo rha karo phihọ aye-en ọ rha djẹ ro udu rọye-e?

Jerimaya 19:13

Iwevwi ri Jerusalẹm kugbe iwevwi rẹ ivie ri Juda–iwevwi ra dia enu rayen da torhẹ izobo kẹ otu rẹ obenu ejobi, ra da vwẹ idi gọ iye kẹ eghẹnẹ efa, e che gbe ayen ẹgua vwi Tọfẹt.

Ivie rẹ Ivẹ 17:16

Ayen da siẹn irhi rẹ Ọrovwohwo Ọghẹnẹ rayen, ayen de duvwu upene rẹ irhuẹn ivẹ kẹ oma rayen, ayen da ma Ashera, ayen da gọ ema rẹ obo odjuvwu, ayen da gọ Baal.

Iguẹdjọ 11:36

Ọmọtẹ rọye da ta kẹ nẹ, Ọsẹ mẹ, ọ da dianẹ wo rhie unu wẹn kẹ Ọrovwohwo na nure, gbe ru uvwe kirobo wo vwe unu wẹn ta nure; vwẹ ọke nana rẹ Ọrovwohwo vwo reihri kpahe ihwo rẹ Ammọn ivwighrẹn wẹn na.

Ukeri 30:12

Ẹkẹvuọvo ọshare rọye de gu ayen kufia vwẹ ẹdẹ ro nyo ayen na, etiyin kemu kemu ejobi ro nẹ unu rọye rhe kpahe ive na, eyẹ vwọ kpahe eta rọ ta kẹ oma rọye na, rhe se mudia-a: ọshare rọye gu ive na kufia, Ọrovwohwo ko vwo ghovwo.

1 Pita 1:18

Ovwan riẹnre nẹ a tan ovwan nẹ idjerhe ofefe rẹ ovwan reuku rọye mie esẹ rẹ ovwan na, ọ dia obo re ghwọrọ kerẹ idọnọ efuanfon eyẹ oro-o,

Iyẹnrẹ Esiri ri Mak 6:26

Ọ da da ovie na gangan; ẹkẹvuọvo vwi fiki rẹ ive rọye, kugbe otu re vẹ ọye gbe tidia vwẹ udoemu na, ọ gbe sa siọn kẹ-ẹ.

Jerimaya 44:9

Uvumwemwu rẹ esẹ rẹ ovwan, chọrọ ovwan ẹrọ, rẹ imwemwu rẹ ivie ri Juda, uvumwemwu rẹ eya rayen, uvumwemwu rẹ ekpuyovwi rẹ ovwan, vẹ uvumwemwu rẹ eya rẹ ovwan na, rẹ ayen ruru vwẹ otọ ri Juda kugbe irhuvwu ri Jerusalẹm na?

Aizaya 48:5

Mi dje ayen kẹ wẹ nẹ awanre rhe, tavwe re ke phia yi Mi ghwoghwo ayen keẹ wẹ nure, eyẹ wo da rha tanẹ, Oma mẹ ri ru ayen, oma re bru ona phihọ kugbe oma ra wranre ri ji urhi na kẹ ayen.

Une rẹ Ejiro 106:6

Te avwanre vẹ esẹ rẹ avwanre ru imwemwu; avwanre ru orukuruku, avwanre ru emu umwemwu.

Une rẹ Ejiro 12:4

ayen otu re tanẹ, Ẹrenvwe rẹ avwanre me vwo phi kparobọ, ẹbẹrunu re avwanre rhe avwanre; kono onini re avwanre?

Ivie rẹ Ivẹ 22:17

Fikiridie ayen sen vwẹ ayen da torhẹ insẹns kẹ edjọ, rere ayen vwọ kpare ovwẹ ophu vẹ iruo rẹ abọ rayen, fiki rẹ ọtiọye na ophu mẹ kọ cha tua kpahe etinẹ na, e gbi se fuo-o.

Ukeri 30:2

Ọke rẹ ohwo de ve ive kẹ Ọrovwohwo, eyẹ o de duvwu iyori kẹ oma rọye, e jọ pha unu-u; ko ru kirobo rọ vwẹ unu ta na.

2 Ikun rẹ Ivie 28:23

Kidie o ze izobo kẹ ẹdjọ ri Damaskọs ri phiro kparobọ na, ọ da ta, Fikiridie ẹdjọ rẹ ovie ri Siria re cha ayen uko, mi ze izobo kẹ ayen sẹ ayen sa cha vwẹ uko. Ẹkẹvuọvo kẹ eye re so ughwu rọye, kugbe Izrẹl ejobi.

Jerimaya 1:16

Mi brorhiẹ mẹ hwe ayen, fiki rẹ orukuruku rayen rẹ ayen vwo sen vwẹ na; ayen torhẹ izobo kẹ edjọ efa, ayen da gọ iruo rẹ abọ rayen.

Jerimaya 11:12

Kẹsiẹye irere ri Juda vẹ ihwo re dia Jerusalẹm ejobi ke yanran re kperi se edjọ rẹ ayen torhẹ insẹns kẹ na, yẹ ayen se sivwi ayen vwẹ ọke rẹ ukpokpogho raye-en.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Izikiẹl 8:16

O da reyọ ovwẹ rhe ọguan rẹ uherevie rẹ uwevwi rẹ Ọrovwohwo na, gbe nighe, vwẹ anurhoro rẹ uwevwi rẹ Ọrovwohwo na, vwẹ uvwre rẹ ọmọguan na vẹ agbada na, ihwo kerẹ uje gbẹ ẹnẹ herọ, ri chuku ku uwevwi rẹ Ọrovwohwo, ayen de chuko ku uwevwi rẹ Ọrovwohwo na ji hirhe opharo ku ọnre, re ga ọnre na.

Izikiẹl 20:32

Obo ru wo roro vwẹ evun wẹn na cha sa phia-a iroro evun wẹ na, Jẹn avwanre dia kerẹ ẹgborho na, kerẹ orua rẹ irho na, re gọ urhe vẹ oragha.

Izikiẹl 23:41

Wo de tidia agbara ra nabọ rhuẹrẹ fia, vẹ imẹjẹ ra nabọ rhuẹrẹ vwẹ obaro rọye ru wo phi ugboduma mẹ kugbe evwri mẹ phihọ.

Habakọk 1:16

Fiki rẹ ọtiọye na ko ze izobo kẹ ariri rọye kọ tọrhẹ insẹns kẹ ugodo rẹ ariri rọye, kidie ayen ọ vwọ re akpọ, emu rọ ria pha tẹgbẹ yoyovwi.

Jerimaya 7:17

Wọ mrẹ obọ rẹ ayen ruẹ vwẹ irere ri Juda kugbe irhuvwu ri Jerusalẹm na?