Jerimaya 44:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.

Jerimaya 44:14 Referans Kwoze

Ọbe ri Pọl si rhe Ihwo ri Rom 9:27

Aizaya de ghwoghwo kpahe Izrẹl. Owenẹ emọ rẹ Izrẹl bu kerẹ ibiekpẹn rẹ abadi, umuku rẹ ayen re cha rhọ;

Jerimaya 42:17

Eshare ejobi rẹ tọn opharo rayen vi Ijipt ri kpo oboyi ra dia na ọlọkọ che hwe ayen, owẹvwe vẹ ọtiekọ che hwe ayen, o che vwo ohwo ro che chekọ kẹ ayen vwẹ umiovwo re me vwo bru ovwan cha na.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.

Aizaya 4:2

Vwe ẹdẹ yena oghọ na rẹ Ọrovwohwo na kọ cha dia erhuvwu kugbe urinrin, emamọ re otọ na kọye cha dia omẹyan ọ re urinrin rẹ otu rẹ ihwo re rhọre vwẹ Izrẹl.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

Ọbe ri Pọl si rhe Ihwo ri Rom 2:3

Ku wo rori, E ohwo na, nẹ wo de brorhiẹ rẹ ihwo ri ru emu ọtiọye na ye okpuyovwi wẹn ji ruẹ ayen na, ku wọ cha vabọ rẹ orhiẹ rẹ Ọghẹnẹ?

Matiu 23:33

Ovwan eredekọ na, uvwiẹ rẹ ọrobiebi na, komavọ ovwan ru se nabọ rẹ ẹdjeguo rọ cha na?

Jerimaya 42:22

Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Jerimaya 22:10

Wọ viẹ ọ ro ghwuru na-a, wo ji vwerhe-e, ẹkẹvuọvo viẹ kẹ ọ rọ yanran na gangan kidie o gbi rhivwi rhe ọfa-a rhe mrẹ orere rọye-e.

Izikiẹl 6:8

Dede na mi ji ihwo evo vwo ekpokpọ. Ọke wo de vwo ihwo evo vwẹ ohri rẹ ẹgborho na re djẹ vabọ rẹ ọlọkọ, kẹ ayen cha hrabọ ruẹ ẹkuotọ na ejobi.

Jerimaya 44:26

Fiki rẹ ọtiọye na we gbe nyo ota rẹ Ọrovwohwo na, ovwan Juda ejobi re dia otọ rẹ Ijipt na: Nighe, Me vwẹ odẹ mẹ rode na duvwu iyori nure, eriyin Ọrovwohwo tare, nẹ unu rẹ ohwo ri Juda ọvuọvo rọ dia otọ rẹ Ijipt na gbi se odẹ mẹ ọfa-a, nẹ, Kirobo rẹ Ọrovwohwo Ọghẹnẹ na vwọ herọ na.

Izikiẹl 20:38

Ki mi si ihwo ri muẹkpahe ihwo nẹ ohri rẹ ovwan, kugbe ihwo re chọ urhi mẹ; kẹ mẹ cha reyọ ayen nẹ otọ rẹ ayen da hẹ ọrhorha na, ẹkẹvuọvo ayen cha vwẹriẹ otọ rẹ Izrẹl na-a, Ọke yena kẹ ovwan riẹn nẹ mẹvwẹ ọye Ọrovwohwo na.