Jerimaya 44:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Mi hwe ayen otu re dia otọ rẹ Ijipt na gangan, kirobo ri mi hwe Jerusalẹm na, vẹ ọlọkọ, vẹ owẹvwe, kugbe ọtiekọ.

Jerimaya 44:13 Referans Kwoze

Jerimaya 43:11

Kọ cha rhe rhe teyọ otọ rẹ Ijipt, i re vwo ze kẹ ọtiekọ vwọ kẹ ọtiekọ, i re vwo ze kẹ imu ọ me vwe ayen kẹ imu, i re vwo ze kẹ ọlọkọ ọ me vwẹ ayen kẹ ọlọkọ.

Jerimaya 11:22

ọtiọye na enẹ Ọrovwohwo rẹ otuofovwi na tare, Mi che hwe ayen; imighene na che ghwu ughwu rẹ ọlọkọ; owẹvwe che hwe emeshare vẹ emete rayen ghwu;

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 24:10

Ki mi ji ọlọkọ vẹ owẹvwe, kugbe emiavwe bru ayen ra, bẹsiẹye re ayen vwọ ghwọrọ tototo nẹ otọ re me kẹ ayen vẹ esẹ rayen na.

Jerimaya 21:9

Ohwo rọ da oma ji orere nana che ghwu ughwu rẹ ọlọkọ vẹ ọ rẹ owẹvwe, kugbe ọ rẹ emiavwe; ẹkẹvuọvo ohwo rọ yan nọ rọ da vwẹ oma rọye kẹ ihwo ri Kaldia re yariẹ ovwan phihọ na cha rhọ ye arhọ rọye kọ cha dia osa re ofovwi.

Jerimaya 42:16

Ọtiọye na ọlọkọ rẹ oshọ rọye mu ovwan na kọ vwa ovwan vwẹ otọ rẹ Ijipt; owẹvwe rẹ oshọ rọye mu ovwan na kọ nene ovwan kpẹkpẹkpẹ kpo Ijipt, kẹ etiyin we de ghwu.

Jerimaya 42:17

Eshare ejobi rẹ tọn opharo rayen vi Ijipt ri kpo oboyi ra dia na ọlọkọ che hwe ayen, owẹvwe vẹ ọtiekọ che hwe ayen, o che vwo ohwo ro che chekọ kẹ ayen vwẹ umiovwo re me vwo bru ovwan cha na.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 42:15

re ma dia oboyi, otiọye na we gbe nyo ota rẹ Ọrovwohwo na, E umuku ri chekọ vwi Juda. Enẹ Ọrovwohwo rẹ otuofovwi, Ọghẹnẹ rẹ Izrẹl na tare, Ọ da dianẹ wa tọn opharo rẹ ovwan vi Ijipt vwọ ruọ ra dia,

Hosia 9:6

Kidie gbe nighe, ayen ra yanran kpo Asiria; Ijipt cha ghwẹ ayen koko, Mẹmfis kọye che shi ayen. Ekuakua esiri vẹ idọnọ rayen ejobi odi ko di rhurhu ayen inwe ke djẹ phihọ itughẹ rayen.